Innlent

Björgunarsveitir til aðstoðar vegna fjúkandi lausamuna

Kjartan Kjartansson skrifar
Bætt hefur í veðrið á höfuðborgarsvæðinu undir kvöldið og hefur útköllum björgunarsveita vegna þess fjölgað.
Bætt hefur í veðrið á höfuðborgarsvæðinu undir kvöldið og hefur útköllum björgunarsveita vegna þess fjölgað. Vísir/Vilhelm

Beiðnum um aðstoð vegna hvassviðris á höfuðborgarsvæðinu hefur fjölgað undir kvöldið. Langflest útköllin eru sögð vegna fjúkandi lausamuna og klæðninga.

Gul veðurviðvörun er nú í gildi á Suðurlandi, við Faxaflóa og á miðhálendinu. Í tilkynningu frá Landsbjörg kemur fram að framan af degi hafi verið lítið um verkefni hjá björgunarsveitum þar sem lögregla og slökkvilið höfuðborgarsvæðisins hafi sinnt flestum beiðnum sem bárust Neyðarlínu.

Á sjötta tímanum hafi hins vegar bætt í veðrið á höfuðborgarsvæðinu og útköllum fjölgað.

„Stór hluti verkefnanna snýr að trampólínum og garðhúsgögnum, því er mikilvægt að fólk hugi að lausamunum í sínu nærumhverfi og komi þeim í skjól,“ segir í tilkynningunni.

Viðvörunin við Faxaflóa og á Suðurlandi gilda til klukkan fimm í fyrramálið en til klukkan átta á hálendinu.

Lögreglan á Suðurnesjum sagði Vísi fyrr í kvöld að hún hefði farið í nokkur minniháttar útköll vegna fjúkandi trampólína og þakplatna.

Veður Björgunarsveitir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið