Innlent

Róleg vika í bólusetningum

Birgir Olgeirsson skrifar
Frá bólusetningum í Laugardalshöll. 
Frá bólusetningum í Laugardalshöll.  Vísir/Vilhelm

Það stefnir í rólega viku í bólusetningum hér á landi. Ragnheiður Ósk Erlendsdóttir, framkvæmdastjóri hjúkrunar hjá Heilsugæslu höfuðborgarsvæðisins, segir í samtali við fréttastofu að 7.700 skammtar af Pfizer verði gefnir á miðvikudag á höfuðborgarsvæðinu.

 Stærsti hlutinn fer til fólks sem er að fá seinni skammtinn en um tvö þúsund foreldrar langveikra barna munu einnig fá skammt. 

Á fimmtudag verða 3.000 skammtar gefnir af AstraZeneca og en þá fá að stærstum hluta heilbrigðisstarfsmenn sem mæta í endurbólusetningu. 

Næsta vika verður svo stærri þegar kemur að bólusetningum en þá er von á mun fleiri skömmtum frá Pfizer og Moderna. Búast má við að hátt í þrjátíu þúsund manns verði bólusett í þeirri viku.

Bólusetningar Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið