Natan Dagur komst áfram í undanúrslit með mögnuðum flutningi

Eiður Þór Árnason skrifar 14. maí 2021 21:53

Dómararnir voru hrifnir af flutningi Natans í kvöld líkt og oft áður. Skjáskot

Natan Dagur sló enn og aftur í gegn í átta manna úrslitum The Voice Norway í kvöld og er nú kominn áfram í undanúrslit söngvakeppninnar vinsælu.

Natan flutti lagið Back to Black sem Amy Winehouse gerði fyrst garðinn frægan með fyrir tæpum fimmtán árum og var honum hrósað af dómurunum fyrir djarft lagaval.

Áhorfendur réðu miklu um það hvaða keppendur fóru áfram og gátu Íslendingar og aðrir utan Noregs kosið keppendur á vef sjónvarpsstöðvarinnar TV2.

Tveir keppendur féllu úr leik í kvöld og fóru þeir sex stigahæstu áfram í undanúrslitaþáttinn sem verður í beinni útsendingu þann 21. maí.

Horfa má á glæsilegan flutning Natans hér á vef TV2.

Hæfileikaþættir Noregur Íslendingar erlendis

Tengdar fréttir

Íslendingar geta kosið Natan í átta manna úrslitunum

Natan Dagur mun koma fram í átta manna úrslitum í The Voice Norway í beinni útsendingu á TV2 í kvöld.

14. maí 2021 14:30

Natan Dagur söng á íslensku og komst áfram

Natan Dagur Benediktsson komst í gær áfram í norsku útgáfunni af sjónvarpsþáttunum The Voice. Átta keppendur stigu á svið í gær en aðeins fjórir komust áfram.

1. maí 2021 08:19

Natan Dagur áfram í næstu umferð eftir stórbrotinn flutning á lagi Rihönnu

Natan Dagur Benediktsson er kominn áfram í sextán manna úrslit í norsku útgáfunni af sjónvarpsþáttunum Voice. Natan Dagur flutti lagið Stay með Rihönnu með glæsibrag í 32 manna úrslitunum sem fram fóru í gær en þetta var í þriðja sinn sem Natan Dagur steig á svið í þáttunum en flutning hans má sjá í spilaranum hér að neðan.

24. apríl 2021 07:51