Viðskipti innlent

Fyrsta flug Play áætlað 24. júní?

Hólmfríður Gísladóttir skrifar
Flugfélagið Play kynnt til sögunnar í Perlunni.
Flugfélagið Play kynnt til sögunnar í Perlunni. Vísir/Vilhelm

Stjórnendur Play hafa ákveðið að fyrsta flug félagsins fari í loftið 24. júní næstkomandi, hefur ViðskiptaMogginn eftir heimildarmönnum. Samkvæmt sömu einstaklingum sé áfangastaðurinn „hernaðarleyndarmál“ en tilkynnt verði um hann á næstunni. 

ViðskiptaMogginn greinir einnig frá því að gert sé ráð fyrir að Play fái flugrekstrarleyfi frá Samgöngustofu í byrjun maímánaðar en þrjár A321-NEO vélar verði skráðar á leyfið til að byrja með.

Forsvarsmenn Play birtu á dögunum lista yfir sextán stærstu hluthafana í félaginu en félagið lauk nýlega hlutafjárútboði þar sem fjárfest var fyrir um 40 milljónir Bandaríkjadala, jafnvirði á sjötta milljarðs króna.

Stærstu hluthafarnir eru Fea, eignarhaldsfélag Skúla Skúlasonar, Birta lífeyrissjóður og Fiskisund, sem Einar Örn Ólafsson fjárfestir fer fyrir.

Play Fréttir af flugi Ferðalög


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið