Fótbolti

Þrír miðverðir í byrjunarliðinu gegn Frökkum í dag

Sindri Sverrisson skrifar
Mikael Anderson er í byrjunarliði Íslands rétt eins og gegn Danmörku á sunnudaginn.
Mikael Anderson er í byrjunarliði Íslands rétt eins og gegn Danmörku á sunnudaginn. Getty/Peter Zador

Davíð Snorri Jónasson hefur tilkynnt byrjunarlið U21-landsliðsins fyrir síðasta leik þess í Györ, í riðlakeppni EM í fótbolta.

Leikur Íslands og Frakklands hefst kl. 16. Ísland á enn möguleika á að komast upp úr sínum riðli, þrátt fyrir 4-1 tap gegn Rússlandi og 2-0 tap gegn Darnmörku, en þarf þá að vinna Frakka með fjögurra marka mun og treysta á að Danmörk vinni Rússland. Frakkar þurfa sigur til að vera öruggir um að komast áfram.

Ísland hefur misst fjóra lykilleikmenn út frá því á sunnudag. Þeir Jón Dagur Þorsteinsson, Willum Þór Willumsson, Ísak Bergmann Jóhannesson og Sveinn Aron Guðjohnsen voru kallaðir inn í A-landsliðið sem mætir Liechtenstein í kvöld.

Samkvæmt Twitter-síðu KSÍ er Ísland með 5-3-2 eða 3-5-2 leikkerfi í dag og er liðið þannig skipað:

Ísland

Mark: Elías Rafn Ólafsson.

Vörn: Valgeir Lunddal Friðriksson, Finnur Tómas Pálmason, Ari Leifsson, Róbert Orri Þorkelsson, Kolbeinn Birgir Finnsson. 

Miðja: Mikael Anderson, Kolbeinn Þórðarson, Andri Fannar Baldursson. 

Sókn: Brynjólfur Willumsson, Valdimar Þór Ingimundarson

Leikurinn hefst eins og fyrr segir kl. 16 og verður að sjálfsögðu í beinni textalýsingu hér á Vísi.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.