Veður

Gular við­varanir vegna yfir­vofandi hríðar­veðurs

Atli Ísleifsson skrifar
Gefnar hafa út dular viðvaranir víða um land.
Gefnar hafa út dular viðvaranir víða um land. Veðurstofan

Nú er hann lagstur í vaxandi norðanátt og fer að snjóa víða á landinu í dag. Það gengur á með hríðarveðri á norðurhelming landsins eftir hádegi og verða gular veðurviðvaranir vegna hríðar í gildi til hádegis á morgun.

Víða er spáð átta til fimmtán metrum á sekúndum síðdegis en fimmtán til tuttugu vestanlands og átján til 23 norðvestantil í kvöld.

Gefnar hafa verið út gular viðvaranir á Breiðafjarðarsvæðinu, Vestfjörðum, Ströndum og Norðurlandi vestra, Norðurlandi eystra, Austurlandi að Glettingi og Suðausturlandi. Taka þær gildi frá hádegi í dag og gilda sumar fram á annað kvöld.

Í hugleiðingum veðurfræðings á vef Veðurstofunnar segir að í nótt og á morgun dragi heldur úr vindi og ofankomu og létti til sunnan heiða, en hvessi þess í stað töluvert á Suðausturlandi. Kólnar jafnframt í veðri og líkur á talsverðu frosti á öllu landinu annað kvöld.

Þá segir að ekki sé annað að sjá en vetrarríki fram yfir helgi og jafn vel lengur.

Spákortið fyrir klukkan 15 eins og það leit út í morgun.Veðurstofan

Veðurhorfur á landinu næstu daga

Á föstudag: Norðlæg átt, 13-20 m/s með snjókomu á N-veður landinu, hvassast við A-ströndina, en dregur úr vindi og ofankomu seinni partinn. Él sunnan heiða framan af degi, en léttir síðan til. Frost 0 til 10 stig minnst með SA-ströndinni.

Á laugardag: Norðan 8-15 m/s og él eða snjókoma N-til, en bjartviðri syðra. Gengur í austan- og norðaustanhvassviðri með snjókomu S-lands um kvöldið. Frost 1 til 10 stig, minnst syðst.

Á sunnudag (pálmasunnudagur): Stíf norðanátt með snjókomu eða slyddu, en úrkomulítið V-lands. Hlýnandi veður.

Á mánudag og þriðjudag: Útlit fyrir ákveðna norðanátt með snjókomu eða éljagangi, en lengst af bjartviðri syðra. Víða vægt frost.

Á miðvikudag: Líklega vestanátt með skúrum eða slydduéljum V-til, en annars bjart og heldur hlýnandi veður.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.