Innlent

Sóttvarnarlög brotin á veitingastað í Kópavogi

Kjartan Kjartansson skrifar
Sem fyrr var í mörg horn að líta hjá lögreglunni á höfuðborgarsvæðinu í gærkvöldi og nótt.
Sem fyrr var í mörg horn að líta hjá lögreglunni á höfuðborgarsvæðinu í gærkvöldi og nótt. Vísir/Vilhelm

Lögreglumenn höfðu afskipti af veitingastað í Kópavogi vegna brota á lögum um sóttvarnir og veitingahús í nótt. Forráðamenn staðarins virtu ekki reglur um lokunartíma og þá var lítið um sóttvarnir á staðnum.

Í dagbók lögreglunnar á höfuðborgarsvæðinu segir einnig frá tveimur mönnum sem voru stöðvaðir í bifreið vegna gruns um ölvunarakstur í póstnúmeri 108 í Reykjavík skömmu fyrir klukkan eitt í nótt. Lögregluþjóna grunaði að mennirnir hefðu haft sætaskipti eftir að þeir stöðvuðu bílinn.

Þá liggur fyrir grunur um að sá sem ók bílnum hafi gert það án ökuréttinda. Hann sagði lögreglu ekki til nafns og er talinn hafa gefið rangar yfirlýsingar. Báðir menn voru vistaðir í fangageymslu lögreglunnar vegna rannsóknar málsins í nótt.

Tvö hjólaslys urðu í gærkvöldi. Rétt fyrir klukkan sex í gærkvöldi steyptist maður á reiðhjóli fram fyrir sig og skall í götuna í Hafnarfirði. Hann hlaut áverka á höfði og öxl og var fluttur með sjúkrabifreið á bráðdeild.

Klukkan tíu mínútur yfir átta í gærkvöldi féll karlmaður af rafhjóli þegar hann hjólaði á kantstein í Hlíðahverfi. Hann hlaut áverka á andliti, brotna tönn og fleiri meiðsli. Hann var fluttur á bráðadeild til aðhlynningar.

Faraldur kórónuveiru (COVID-19) Lögreglumál Kópavogur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið