Innlent

Fólk í miklu basli á Kjalarnesi og Vesturlandsvegi lokað

Kolbeinn Tumi Daðason skrifar
Ekki var gott skyggni þegar ljósmyndari Vísis var á ferð um Mosfellsdal í morgun.
Ekki var gott skyggni þegar ljósmyndari Vísis var á ferð um Mosfellsdal í morgun. vísir/vilhelm

Lokað hefur verið fyrir umferð um Vesturlandsveg á Kjalarnesi. Umferðaróhapp varð í morgun á veginum og sendi slökkviliðið dælubíl til að draga bíla til hliðar.

Á vef Vegagerðarinnar kemur fram að Vesturlandsvegur sé lokaður um Kjalarnes. Lokunin virðist vera við Esjurætur og ná upp á Kjalarnes.Vísir/Vilhelm

Varðstjóri hjá slökkviliðinu á höfuðborgarsvæðinu segir engin alvarleg slys hafa orðið á fólki. Hann telur að lokunina megi rekja til veðurs en á vef Vegagerðarinnar segir að lokunin sé vegna óhappsins.

Varðstjórinn segir slökkviliðsmenn á svæðinu hafi aðstoðað fólk að komast af Kjalarnesi. Þar er mikill vindur og skafrenningur þó ofankoma sé í sjálfur sér ekki mikil. Vindhraði er allt að 40 m/s í mestu hviðunum.

Vegagerðin segir að hægt sé að að fara hjáleið um Mosfellsheiði, Kjósarskarð og Hvalfjörð en þar sé vetrarfærð og lítið skyggni.

Samgöngur Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið