Sprungur í Suðurstrandavegi afleiðing skjálfta

Vésteinn Örn Pétursson skrifar 27. febrúar 2021 10:28

Sprungur eru farnar að myndast í veginum. Vegagerðin

Vegagerðin varar við sprungum sem myndast hafa í Suðurstrandarvegi á Reykjansskaga, vestan við Vigdísarvallaveg. Sprungurnar hafa líklega myndast í kjölfar jarðhræringa sem hafa verið á svæðinu.

Í tilkynningu frá Vegagerðinni eru vegfarendur varaðir við sprungunum og þeim bent á að aka varlega um svæðið.

Suðurstrandarvegur: Vegfarendur eru varaðir við sprungum sem myndast hafa í veginum vestan við Vigdísarvallaveg. Akið varlega. #færðin #skjálftar
— Vegagerðin | Iceland Roads (@Vegagerdin) February 27, 2021

Í samtali við Vísi segir G. Pétur Matthíasson að sprungurnar hafi komið í ljós í kjölfar jarðskjálftanna. Þær séu þó ekki svo stórar að tilefni sé til að loka veginum, en merkt verði fyrir þeim. Verið er að skoða hvernig best er að gera við veginn.

Mikil skjálftavirkni hefur verið á Reykjanesskaga á síðustu dögum. Upp úr klukkan átta í morgun varð til að mynda skjálfti, 5,2 að stærð, skammt frá Fagradalsfjalli. Á miðvikudag var þá skjálfti upp á 5,7 að stærð á svipuðum slóðum. Margir minni skjálftar hafa orðið á svæðinu síðan þá.

Eldgos og jarðhræringar Jarðhræringar á Reykjanesi Grindavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.