Lífið

Skyndilegt hlé í beinni hjá Sóleyju vegna skjálftans

Kolbeinn Tumi Daðason skrifar
Sóley lét skjálftann ekki slá sig alvarlega út af laginu og hélt áfram með tónleikana eftir stutta pásu.
Sóley lét skjálftann ekki slá sig alvarlega út af laginu og hélt áfram með tónleikana eftir stutta pásu.

Tónlistarkonan Sóley kom fram ásamt fullskipaðri sveit á Háskólatónleikum Háskóla Íslands í hádeginu í dag. Þegar tónleikarnir voru um það bil hálfnaðir dundi jarðskjálfti yfir. Um er að ræða enn einn skjálftann á suðvesturhorninu sem fannst vel á höfuðborgarsvæðinu.

Hér má sjá lagið sem Sóley flutti á meðan jarðskjálftinn reið yfir. Um 50 sekúndur voru liðnar af laginu þegar það gerðist.

Klippa: Jarðskjálfti á tónleikum með Sóley

Af ummælum við tónleikana að dæma, sem sendir voru út í beinni á Livestream, var fólk víða um heim að hlusta á tónleikana enda á Sóley aðdáendur víða. Þegar tæpar 29 mínútur voru liðnar af útsendingunni reið jarðskjálfti yfir.

Hljóðfæraleikararnir hættu að spila í skamma stund og Sóley útskýrði yfirveguð fyrir áhorfendum að um jarðskjálfta væri að ræða.

„Þetta er móðir jörð, sem platan okkar fjallar einmitt um. Guð minn góður,“ sagði Sóley.

„Aftur að tónlistinni,“ sagði Sóley og hló. „Djöfull er þetta klikkað land.“

Brotið má sjá að neðan.

Tónleikana í heild má sjá hér.

Tónlist Eldgos og jarðhræringar Jarðhræringar á Reykjanesi


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.