Þurftu að koma vél Landhelgisgæslunnar í skjól þegar eldfjall fór að gjósa

Eiður Þór Árnason skrifar 16. febrúar 2021 21:54

Tilkomumikil mynd náðist af TF-SIF á flugvellinum í Catania með Etnu í bakgrunni. Landhelgisgæslan

Áhöfnin á TF-SIF, eftirlitsflugvél Landhelgisgæslunnar, þurfti að hafa hraðann á síðdegis í dag þegar eldfjallið Etna byrjaði skyndilega að gjósa.

Áhöfn flugvélarinnar sinnir nú landamæraeftirliti á Miðjarðarhafi á vegum Frontex, landamærastofnunar Evrópu og var nýlent á Sikiley í lok eftirlitsflugs þegar Etna fór að minna á sig. Töluvert öskufall fylgdi gosinu og því þótti brýnt að koma vélinni fyrir í flugskýli á flugvellinum í borginni Catania.

Landhelgisgæslan greinir frá þessu í færslu á Facebook-síðu sinni en Etna er með virkustu eldfjöllum jarðar og eru eldsumbrot í fjallinu nánast stöðug. Fjallið nær í 3.326 metra hæð yfir sjávarmáli en sú hæð á til að breytast í kringum gos. Er sömuleiðis um að ræða hæsta virka eldfjall Evrópu utan Kákasusfjallanna og hæsta fjall Ítalíu sunnan Alpafjalla.

Áhöfnin á TF-SIF, eftirlitsflugvél Landhelgisgæslunnar hafði hraðann á og kom vélinni í skjól í flugskýli á Sikiley...
Posted by Landhelgisgæsla Íslands/Icelandic Coast Guard on Tuesday, February 16, 2021

Landhelgisgæslan Ítalía

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.