Veður

Austan og suð­austan kaldi og víða frost

Atli Ísleifsson skrifar
Á morgun er spáð suðaustan átta til átján metrum á sekúndum þar sem hvassast verður vestantil.
Á morgun er spáð suðaustan átta til átján metrum á sekúndum þar sem hvassast verður vestantil. Vísir/Vilhelm

Veðurstofan gerir ráð fyrir austan og suðaustan kalda eða stinningskalda í dag með stöku éljum við suðurströndina og einnig vestast á landinu. Þó má búast við hægari vindi og bjartviðri norðan- og austanlands.

Frá þessu segir í hugleiðingum veðurfræðings á vef Veðurstofunnar. Frost verður á bilinu núll til tólf stig, kaldast fyrir norðan, en hiti kringum frostmark sunnan- og vestanlands að deginum.

Á morgun er spáð suðaustan átta til átján metrum á sekúndum þar sem hvassast verður vestantil.

„Víða dálítil él, en léttskýjað á Norðurlandi. Líklega svipað veður áfram á föstudag, en þó gæti snjóað um tíma við vesturströndina.“

Veðurhorfur á landinu næstu daga

Á fimmtudag og föstudag: Suðaustan 10-18 m/s, en hægari vindur um landið A-vert. Víða lítilsháttar él og líkur á snjókomu um tíma við V-ströndina, en yfirleitt bjart veður N- og NA-lands. Frost 0 til 12 stig, kaldast í innsveitum NA-til, en frostlaust syðst á landinu.

Á laugardag og sunnudag: Austlæg átt, skýjað með köflum og dálítil él A-lands og við S-ströndina. Frost yfirleitt 0 til 8 stig.

Á mánudag og þriðjudag: Útlit fyrir norðaustanátt með éljum N-til á landinu. Kalt í veðri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.