Innlent

Ekki miklar breytingar í veðrinu

Sunna Kristín Hilmarsdóttir skrifar
Það verður áfram kalt og hægur vindur næstu daga.
Það verður áfram kalt og hægur vindur næstu daga. Vísir/Vilhelm

Það er ekki útlit fyrir miklar breytingar í veðrinu eftir hæglætis veður um helgina og bjarta daga að því er segir í hugleiðingum veðurfræðings á vef Veðurstofu Íslands.

Það er spáð fremur hægum vindi í vikunni en strekkingi með suðurströndinni. Þá verða dálítil él af og til í mörgum landshlutum en bjartara þess á milli. Áfram er spáð frosti en hita í kringum frostmark syðst.

Veðurhorfur á landinu:

Hæg suðlæg eða breytileg átt og yfirleitt bjartviðri, en austan og suðaustan 8-13 m/s syðst. Stöku él vestantil í dag en suðaustanlands á morgun. Frost 2 til 15 stig, kaldast í innsveitum NA-til, en kringum frostmark syðst.

Á þriðjudag:

Suðlæg átt, 5-10 m/s, en austan 8-15 með suðurströndinni. Bjart að mestu, en dálítil él suðaustantil. Frost 2 til 10 stig, kaldast í innsveitum fyrir norðan, en frostlaust syðst.

Á miðvikudag og fimmtudag:

Suðaustlæg átt, 3-10 m/s og skýjað að mestu, en dálítil slydda eða snjókoma með suður- og suðausturströndinni og hvassara þar. Hiti 0 til 5 stig syðst á landinu, en frost annars 1 til 6 stig.

Á föstudag:

Suðaustlæg átt og lítilsháttar snjókoma eða él, en þurrt að mestu fyrir norðan. Frost víða 1 til 6 stig, en áfram kringum frostmark syðst.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið