Innlent

Hjálpuðu barni „sem lá svona á að komast í heiminn“

Vésteinn Örn Pétursson skrifar
Alls fékk slökkviliðið 72 boðanir í sjúkraflutning síðasta sólarhring.
Alls fékk slökkviliðið 72 boðanir í sjúkraflutning síðasta sólarhring. Vísir/Vilhelm

Slökkviliðið á höfuðborgarsvæðinu fékk síðasta sólarhringinn 72 boðanir í sjúkraflutning.

Þar af var um að ræða 24 forgangsverkefni og tvo svokallaða Covid-flutninga. Slíkir flutningar eru þó hvorki ávísun á staðfest smit né innlögn á sjúkrahús vegna Covid-19, heldur eingöngu að einkenni þess sem fluttur er gætu hugsanlega skýrst af Covid-19 sýkingu.

Dælubílar voru kallaðir út einu sinni síðasta sólarhring, þar sem bilaður reykskynjari hafði skotið íbúum heimilis skelk í bringu. Þó var ekki um eld að ræða í því tilfelli.

„Af verkefnum sjúkrabíla þá ber hæst, að nú í morgunsárið hjálpuðum við barni sem lá svona á að komast í heiminn. Allt gekk vel og faðirinn að klippti á naflastrenginn,“ segir þá í Facebook-færslu slökkviliðsins um verkefni síðasta sólarhrings.

Slökkvilið
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið