Innlent

Alelda bíll í Hafnarfirði

Sunna Kristín Hilmarsdóttir skrifar
Eldur kom upp í bíl í Hafnarfirði í gær. Var bíllinn alelda þegar slökkviliðið kom á vettvang.
Eldur kom upp í bíl í Hafnarfirði í gær. Var bíllinn alelda þegar slökkviliðið kom á vettvang. Slökkvilið höfuðborgarsvæðisins

Slökkvilið höfuðborgarsvæðisins fór á síðasta sólarhring í 117 sjúkraflutninga, þar af voru 22 forgangsverkefni og átta voru vegna Covid-19.

Útköll á dælubíla voru síðan tvö talsins en þar bar hæst hæst eldur í bíl á rétt fyrir miðnætti í gær þar sem eldur kom upp í bíl á Vífilstaðavegi í Hafnarfirði.

Bíllinn var alelda þegar slökkvilið kom að en vel gekk að slökkva og ekkert tjón hlaust af að öðru leyti, en bíllinn sjálfur er hins vegar gjörónýtur.

Þá handtók lögregla mann sem stal vínflösku á veitingastað í miðbæ Reykjavíkur og fékk hann að gista fangageymslu. Hann er einnig grunaður um brot á vopnalögum að því er segir í skeyti frá lögreglu.

Tvisvar í gærkvöldi var síðan tilkynnt um eignaspjöll í miðbænum. Fyrst var brotin rúða í tóbaksverslun í bænum og sá eigandi hennar tvo unga menn hlaupa af vettvangi. Síðar um kvöldið var rúða brotin í skartgripaverslun.

Slökkvilið Lögreglumál Hafnarfjörður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið