Veður

Mild og vætu­söm suð­austan­átt og víða hvöss

Atli Ísleifsson skrifar
Víðast hvar verður frostlaust á láglendi en hæst gæti hiti farið í sjö til átta stig.
Víðast hvar verður frostlaust á láglendi en hæst gæti hiti farið í sjö til átta stig. Vísir/Vilhelm

Útlit er fyrir fremur milda og vætusama suðaustanátt í dag og víða hvassa. Seinnipartinn fer svo að lægja og dregur jafnframt talsvert úr úrkomu, fyrst um landið vestanvert.

Í hugleiðingum veðurfræðings á vef Veðurstofunnar segir að víðast hvar verði frostlaust á láglendi en hæst gæti hiti farið í sjö til átta stig.

„Suðlægari á morgun, heldur hægari en í dag. Áfram væta á köflum sunnan- og vestantil og hiti 1 til 6 stig, en þurrt og bjart veður fyrir norðan og austan og hiti um og undir frostmarki.“

Spákortið fyrir hádegið.Veðurstofan

Veðurhorfur á landinu næstu daga

Á fimmtudag: Suðlæg átt, 8-15 m/s, rigning eða slydda með köflum og hiti 1 til 5 stig, en hægari, bjartviðri og hiti um og undir frostmarki NA- og A-lands.

Á föstudag: Austlæg átt, 3-8 m/s, en 10-15 syðst. Rigning eða slydda á stöku stað um landið sunnanvert, en annars þurrt að kalla. Hiti 0 til 4 stig sunnantil, en annars vægt frost.

Á laugardag og sunnudag: Norðlæg eða breytileg átt, stöku él einkum N- og A-til. Frost um mest allt land.

Á mánudag og þriðjudag: Útlit fyrir norðanátt með éljum, en bjartviðri sunnan heiða og herðir frost.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið