Langaði að framkalla afslappaða stemningu sem Inklaw hefur Guðrún Jóna Stefánsdóttir skrifar 10. desember 2016 07:00 Brot úr dansmyndbandi Dansstúdíós World Class og Inklaw Clothing. Mynd/Inklaw „Það er frábært að vinna með strákunum í Inklaw. Þeir eru mega afslappaðir og við tengjumst þar. Ég fékk fullt listrænt frelsi við vinnslu á myndbandinu en mig langaði að ná að framkalla þessa afslöppuðu stemningu sem fatamerkið þeirra hefur. Mig langaði líka að einblína á að peysurnar myndu njóta sín með því að persónugera ekki dansarana. Það gerist að sjálfsögðu meira og minna í eftirvinnslu myndbandsins. Hörður Ragnarsson sá um upptöku og eftirvinnslu og á allan heiður af því. Lagið sem Inklaw vildu nota heitir Allt undir með Alexander Jarli, en það er með drungalega undirtóna og því er svona draugalegur bragur yfir þessu,“ segir Stella Rósenkranz, deildarstjóri og danskennari við Dansstúdíó World Class, spurð út í nýtt myndband sem vakið hefur talsverða athygli á samfélagsmiðlum seinustu daga. Dansarar í myndbandinu eru Bergdís Rún Jónasdóttir, Eydís Jansen, María Höskuldsdóttir, Rakel Kristinsdóttir og Stella Rósenkranz sjálf. „Þetta eru allt kennarar og nemendur við Dansstúdíó World Class. Eydís og María eru meðlimir í eldri danshóp skólans en þær eru báðar 13 ára og eru saman í dans duo og kalla sig ME Crew. Danshöfundar frá skólanum vinna mikið með íslenskum tónlistarmönnum og fá nemendur skólans því mörg tækifæri,“ segir Stella og bætir við að nú í haust hafi þær unnið með til dæmis Of Monsters and Men, Svölu Björgvins og Emmsjé Gauta. Strákana í Inklaw Clothing hefur lengi langað að láta reyna á dansmyndband í kynningu á fatalínu sinni og höfðu þeir því samband við Stellu fyrir nokkrum mánuðum. „Við erum rosalega ánægðir með afraksturinn af samstarfi við Dansstúdíó World Class. Við vissum að þau gætu leyst þetta vel. Stella tók svo alfarið við keflinu og á í rauninni allan heiður af gerð myndbandsins,“ segir Anton Sigfússon, spurður út í dansmyndbandið sem sýnir nýjustu línu Inklaw Clothing. Nýjasta línan er eins konar tilraun strákanna til að fylgja óskrifuðum reglum tískuheimsins um útgáfu á árstíðabundnum fatalínum. „Við höfum hingað til ekki verið að fylgja þeim reglum heldur hefur fyrirkomulagið fremur verið þannig að við markaðssetjum línur þegar okkur hentar og hafa þær þá verið fleiri og smærri. Þetta er sem sagt haust- og vetrarlínan okkar. Fyrsti hluti hennar var settur á markað í byrjun september, annar hluti í nóvember og svo verður þriðji og síðasti hlutinn settur í sölu eftir áramót. Af því sem þegar hefur verið markaðssett eru ellefu gerðir af jökkum, sex peysur, sex bolir og þrjár buxur,“ segir Anton Sigfússon, spurður út í nýjustu tískulínu Inklaw Clothing sem slegið hefur í gegn á síðustu mánuðum. Frá því að strákarnir í Inklaw Clothing hófu starfsemi sína árið 2013 hafa þeir verið að gera það ansi gott, og meðal annars fært út kvíarnar í byrjun þessa árs með hjálp Olivers Luckett, þekkts samfélagsmiðlasnillings. Fjölmargar stórstjörnur hafa klæðst hönnun frá þeim sem vakið hefur talsverða athygli vestanhafs. „Jú, það kemur alltaf reglulega fyrir. Það er samt ekki alltaf sem maður finnur í kjölfarið myndir af viðkomandi í fötunum. Það getur verið algjör frumskógur að skoða allar myndirnar sem teknar eru af sumum af þessum einstaklingum og það þarf svo ekki að vera að viðkomandi hafi verið í fötunum að viðstöddum myndavélum. Þessi leit ber hins vegar stundum árangur og er það þá stór bónus,“ útskýrir Anton. Strákarnir setja markið hátt fyrir árið 2017 og ætla meðal annars að reyna komast að í verslunum erlendis. Aðspurðir hvort stórir samningar séu í höfn segir Anton að erfitt sé að svara þeirri spurningu að svo stöddu, þar sem allt slíkt sé enn á viðkvæmu stigi. Mest lesið Af vængjum fram: „Ég ætla ekkert að fara að gráta hérna“ Lífið Ásdís Rán býður forsetaefnum á rauða dregilinn Lífið Heitustu trendin fyrir sumarið 2024 Lífið Fréttatía vikunnar: Forsetakosningar, sjóslys og mýflugnafaraldur Lífið Hafa ekki sést saman í sjö vikur Lífið „Blessunarlega ekkert stoppaður af foreldrum mínum“ Tíska og hönnun Forseti Hæstaréttar og Kristján Loftsson í gámapartýi Lífið „Fengum ekki sjokk, en við fengum sjokk að hann væri með hjartagalla“ Lífið Myndaveisla: Sællegar skvísur í sumarfíling Lífið Matti og tengdó selja 220 milljóna króna einbýlishús Lífið Fleiri fréttir Fréttatía vikunnar: Forsetakosningar, sjóslys og mýflugnafaraldur Af vængjum fram: „Ég ætla ekkert að fara að gráta hérna“ Öll með aðstöðu til að fagna sigri með stuðningsmönnum Diskóstemming í Bíóhöllinni á Akranesi Setja upp söngleiki, leikrit og tónleika í Háskólabíó í sumar Hönnunarhús Markúsar Mána og Kristínar til sölu Myndaveisla: Sællegar skvísur í sumarfíling Andri og Erla selja í Seljunum „Fengum ekki sjokk, en við fengum sjokk að hann væri með hjartagalla“ Hafa ekki sést saman í sjö vikur Elísabet og Áki nefndu stúlkuna Fantaflott með frönskum gluggum í Vesturbænum Heitustu trendin fyrir sumarið 2024 „Lítið rauðhært kríli væntanlegt í nóvember“ Segir sjálfsvígin sárust Elín Hall í rándýrum kjól á rauða dreglinum Bein útsending frá svartþrastahreiðri í Hvalfjarðarsveit Ásdís Rán býður forsetaefnum á rauða dregilinn Horfir vonandi niður af himnum og sér börnin blómstra á bóndabænum Smekklegt einbýli í Fossvogi á 230 milljónir Af vængjum fram: „Krakkar, ekki gera þetta heima“ Þórdís Björk og Júlí Heiðar eignuðust hárprúða stúlku Föruneyti Pingsins: Enn barist í Baldurs Gate Forseti Hæstaréttar og Kristján Loftsson í gámapartýi Óvænt að „gáfumannarapparar“ herji stríð af þessu tagi Matti og tengdó selja 220 milljóna króna einbýlishús Baltasar og Sunneva afhjúpa kynið Endurtekið hvött til að hvíla bláa litinn Gleðitár hjá hundrað konum á Geysi Af vængjum fram: Búlgörsku mafíunni að mæta yrði Ásdísi dömpað Sjá meira
„Það er frábært að vinna með strákunum í Inklaw. Þeir eru mega afslappaðir og við tengjumst þar. Ég fékk fullt listrænt frelsi við vinnslu á myndbandinu en mig langaði að ná að framkalla þessa afslöppuðu stemningu sem fatamerkið þeirra hefur. Mig langaði líka að einblína á að peysurnar myndu njóta sín með því að persónugera ekki dansarana. Það gerist að sjálfsögðu meira og minna í eftirvinnslu myndbandsins. Hörður Ragnarsson sá um upptöku og eftirvinnslu og á allan heiður af því. Lagið sem Inklaw vildu nota heitir Allt undir með Alexander Jarli, en það er með drungalega undirtóna og því er svona draugalegur bragur yfir þessu,“ segir Stella Rósenkranz, deildarstjóri og danskennari við Dansstúdíó World Class, spurð út í nýtt myndband sem vakið hefur talsverða athygli á samfélagsmiðlum seinustu daga. Dansarar í myndbandinu eru Bergdís Rún Jónasdóttir, Eydís Jansen, María Höskuldsdóttir, Rakel Kristinsdóttir og Stella Rósenkranz sjálf. „Þetta eru allt kennarar og nemendur við Dansstúdíó World Class. Eydís og María eru meðlimir í eldri danshóp skólans en þær eru báðar 13 ára og eru saman í dans duo og kalla sig ME Crew. Danshöfundar frá skólanum vinna mikið með íslenskum tónlistarmönnum og fá nemendur skólans því mörg tækifæri,“ segir Stella og bætir við að nú í haust hafi þær unnið með til dæmis Of Monsters and Men, Svölu Björgvins og Emmsjé Gauta. Strákana í Inklaw Clothing hefur lengi langað að láta reyna á dansmyndband í kynningu á fatalínu sinni og höfðu þeir því samband við Stellu fyrir nokkrum mánuðum. „Við erum rosalega ánægðir með afraksturinn af samstarfi við Dansstúdíó World Class. Við vissum að þau gætu leyst þetta vel. Stella tók svo alfarið við keflinu og á í rauninni allan heiður af gerð myndbandsins,“ segir Anton Sigfússon, spurður út í dansmyndbandið sem sýnir nýjustu línu Inklaw Clothing. Nýjasta línan er eins konar tilraun strákanna til að fylgja óskrifuðum reglum tískuheimsins um útgáfu á árstíðabundnum fatalínum. „Við höfum hingað til ekki verið að fylgja þeim reglum heldur hefur fyrirkomulagið fremur verið þannig að við markaðssetjum línur þegar okkur hentar og hafa þær þá verið fleiri og smærri. Þetta er sem sagt haust- og vetrarlínan okkar. Fyrsti hluti hennar var settur á markað í byrjun september, annar hluti í nóvember og svo verður þriðji og síðasti hlutinn settur í sölu eftir áramót. Af því sem þegar hefur verið markaðssett eru ellefu gerðir af jökkum, sex peysur, sex bolir og þrjár buxur,“ segir Anton Sigfússon, spurður út í nýjustu tískulínu Inklaw Clothing sem slegið hefur í gegn á síðustu mánuðum. Frá því að strákarnir í Inklaw Clothing hófu starfsemi sína árið 2013 hafa þeir verið að gera það ansi gott, og meðal annars fært út kvíarnar í byrjun þessa árs með hjálp Olivers Luckett, þekkts samfélagsmiðlasnillings. Fjölmargar stórstjörnur hafa klæðst hönnun frá þeim sem vakið hefur talsverða athygli vestanhafs. „Jú, það kemur alltaf reglulega fyrir. Það er samt ekki alltaf sem maður finnur í kjölfarið myndir af viðkomandi í fötunum. Það getur verið algjör frumskógur að skoða allar myndirnar sem teknar eru af sumum af þessum einstaklingum og það þarf svo ekki að vera að viðkomandi hafi verið í fötunum að viðstöddum myndavélum. Þessi leit ber hins vegar stundum árangur og er það þá stór bónus,“ útskýrir Anton. Strákarnir setja markið hátt fyrir árið 2017 og ætla meðal annars að reyna komast að í verslunum erlendis. Aðspurðir hvort stórir samningar séu í höfn segir Anton að erfitt sé að svara þeirri spurningu að svo stöddu, þar sem allt slíkt sé enn á viðkvæmu stigi.
Mest lesið Af vængjum fram: „Ég ætla ekkert að fara að gráta hérna“ Lífið Ásdís Rán býður forsetaefnum á rauða dregilinn Lífið Heitustu trendin fyrir sumarið 2024 Lífið Fréttatía vikunnar: Forsetakosningar, sjóslys og mýflugnafaraldur Lífið Hafa ekki sést saman í sjö vikur Lífið „Blessunarlega ekkert stoppaður af foreldrum mínum“ Tíska og hönnun Forseti Hæstaréttar og Kristján Loftsson í gámapartýi Lífið „Fengum ekki sjokk, en við fengum sjokk að hann væri með hjartagalla“ Lífið Myndaveisla: Sællegar skvísur í sumarfíling Lífið Matti og tengdó selja 220 milljóna króna einbýlishús Lífið Fleiri fréttir Fréttatía vikunnar: Forsetakosningar, sjóslys og mýflugnafaraldur Af vængjum fram: „Ég ætla ekkert að fara að gráta hérna“ Öll með aðstöðu til að fagna sigri með stuðningsmönnum Diskóstemming í Bíóhöllinni á Akranesi Setja upp söngleiki, leikrit og tónleika í Háskólabíó í sumar Hönnunarhús Markúsar Mána og Kristínar til sölu Myndaveisla: Sællegar skvísur í sumarfíling Andri og Erla selja í Seljunum „Fengum ekki sjokk, en við fengum sjokk að hann væri með hjartagalla“ Hafa ekki sést saman í sjö vikur Elísabet og Áki nefndu stúlkuna Fantaflott með frönskum gluggum í Vesturbænum Heitustu trendin fyrir sumarið 2024 „Lítið rauðhært kríli væntanlegt í nóvember“ Segir sjálfsvígin sárust Elín Hall í rándýrum kjól á rauða dreglinum Bein útsending frá svartþrastahreiðri í Hvalfjarðarsveit Ásdís Rán býður forsetaefnum á rauða dregilinn Horfir vonandi niður af himnum og sér börnin blómstra á bóndabænum Smekklegt einbýli í Fossvogi á 230 milljónir Af vængjum fram: „Krakkar, ekki gera þetta heima“ Þórdís Björk og Júlí Heiðar eignuðust hárprúða stúlku Föruneyti Pingsins: Enn barist í Baldurs Gate Forseti Hæstaréttar og Kristján Loftsson í gámapartýi Óvænt að „gáfumannarapparar“ herji stríð af þessu tagi Matti og tengdó selja 220 milljóna króna einbýlishús Baltasar og Sunneva afhjúpa kynið Endurtekið hvött til að hvíla bláa litinn Gleðitár hjá hundrað konum á Geysi Af vængjum fram: Búlgörsku mafíunni að mæta yrði Ásdísi dömpað Sjá meira