Tveggja metra reglan ávísun á meiriháttar tjón fyrir tónlistarfólk Jakob Bjarnar skrifar 5. maí 2020 12:26 Tónlistarfólk sá sína sæng upp reidda eftir að Þórólfur birtist í kvöldfréttum í gær og tilkynnti að tveggja metra reglan yrði við lýði út árið. „Tveggja metra regla út árið gerir mig nánast atvinnulausan. Eins og staðan er í dag eru tónleikar næstu áttamánuði úr myndinni,“ sagði Bubbi Morthens á Facebooksíðu sinni í gærkvöldi. Listamenn voru og eru margir hverjir daprir og/eða í miklu uppnámi eftir tíðindi gærdagsins. Margir þeirra sjá sæng sína upp reidda. Í gær 4. maí voru tímamót í baráttunni við Covid-19 og á reglubundnum fundum almannavarna, hvar þríeykið Víðir Reynisson aðstoðarlögreglustjóri, Alma Möller landlæknir og Þórólfur Guðnason sóttvarnarlæknir fóru yfir stöðuna. Óvænt var tilkynnt um að 18. maí yrði stefnt að því að opna sundstaði. Gleðiefni fyrir marga þó þeir sem reka líkamsræktarstöðvar þætti sem þeir væru hafðir útundan. En það var svo ekki fyrr en Þórólfur birtist í kvöldfréttum Ríkissjónvarpsins ohf sem það fór að fara um listageirann í heild sinni. En þar tilkynnti Þórólfur að hann sæi ekki fram á annað en að tveggja metra reglan yrði í hávegum höfð út árið. Vísir hefur áður fjallað um það hversu grátt kórónuveiran er að leika listamenn á markaði og það sér ekki fyrir endann á því. Allt stopp hjá Kristni Sigmundssyni Steinunn Ólína Þorsteinsdóttir leikkona með meiru var fljót að kveikja á því hvað þetta hefði í för með sér: „Tveggja metra regla í heiðri til ársloka segir sóttvarnarlæknir í kvöldfréttum RUV. Hvað þýðir það fyrir tónleikastaði, kvikmynda-og leikhús? Hvernig verður þetta útfært?“ spurði Steinunn Ólína á sinni Facebooksíðu. Þorsteinn Stephensen viðburðastjóri var ekkert að skafa af því: „Það þýðir bara þrot fyrir þessa atvinnugrein og alla sem henni tengjast.“ Og það var þungt hljóðið í þeim tónlistarmönnum sem tjáðu sig á vegg Bubba. Rúnar Þór sagðist þegar hafa misst út átta helgar. „Ekki gott.“ Og hinn dáði óperusöngvari Kristinn Sigmundsson sagði einfaldlega: „Velkominn í klúbbinn. 90% af minni vinnu var performans í útlöndum. Og stærsta giggið átti að byrja í dag og standa til júníloka.“ Grafalvarleg staða fyrir alla sviðslistamenn Aðalbjörn Tryggvason segist hafa verið með tónleikahátíðar bókaðar úti heimi i allt sumar. „Nú er það bara stálhamar og dúkahnífur að smíða nýbyggingar.“ Allt situr fast hjá Kristni Sigmundssyni stórsöngvara vegna kórónuveirunnar. Útvarps- og tónlistarmaðurinn Magnús R. Einarsson, sem hefur verið búsettur úti á Spáni undanfarna mánuði, segir þetta grafalvarlega stöðu fyrir alla tónlistar- og sviðslistamenn. En hið vonda í þessu sé efinn. „Hvað gerist ef slakað verður of mikið á varðandi fjöldasamkomur og veiran breiðist út að nýju. Það er vitað að seinni bylgjan af spænsku veikinni var skæðust. Sagan hræðir.“ Söngvarinn og tónleikaskipuleggjandinn knái, Friðrik Ómar Hjörleifsson, fjallar um málið á sinni síðu. Og reynir að átta sig á stöðunni. „Ok. Tveggja metra reglan út árið samkvæmt sóttvarnarlækni í fréttum nú rétt áðan. Það þýðir ýmislegt. Eiginlega margt og mikið. Maður verður jú að hugsa í lausnum en eins og gefur að skilja þá eru tónleika- og leikhús þessa lands í gríðarlegum vanda statt nú þegar og allt það listafólk sem þar fram kemur svo ég tali nú ekki um aðra viðburðarhaldara.“ Skellur og Friðrik Ómar dottinn í það Friðrik Ómar segir að ef að ef lítil sem engin smit greinist á næstunni en þessar hömlur uppi muni það reyna á þá samstöðu sem verið hefur. Friðrik ræddi málið í Harmageddon í dag. „Það er mér þó gjörsamlega óskiljanlegt ef opna á landið með þessa reglu ennþá í gangi. Eins og staðan er núna mun ég ekki styðja það með nokkru móti en hlusta að sjálfsögðu á öll góð rök. Við hljótum að eiga fyrst að komast í gang áður en við bjóðum fólki að koma hingað? En ég er jú ekki sóttvarnarlæknir eða fræðingur í þessum efnum frekar en við hin hérna á gólfinu,“ segir Friðrik Ómar og bætir við: „Þetta er skellur og hræðilegt ef af verður. Ég er dottinn í það. Skál.“ Friðrik Ómar, sem ekki aðeins er eftirsóttur söngvari heldur hefur hann verið að skipuleggja ýmsa tónlistarviðburði, segir þetta mikinn skell. Ýmsir tónlistarmenn taka til máls á síðu Friðriks Ómars svo sem trymbillinn snjalli Jóhann Hjörleifsson. Hann reynir að finna glufur í þeirri stöðu sem virðist sannarlega ekki góð. „Ég held að þegar talað er um tveggja metra reglu muni það tæplega ná yfir tónleikasali og leikhús frá haustinu, frekar bara almenn regla í umgengni. Það hefur verið talað um 2000 manna hámark í sumar,“ segir Jóhann. Og bendir á að Danir tali um að frá og með september fari tónleikar og hátíðir í gang þar. Alltof mikið í húfu fyrir fjölda manna Magni Ásgeirsson bendir Jóhanni á að spurningin um 2000 manns hafi verið borin upp á fundi dagsins en svarið hafi verið eitthvað á þá leið að samkomur hefðu ekki einu sinni verið ræddar. Pálmi Gunnarsson telur einsýnt að ríkið hljóti að hlaupa undir bagga. „Enda ekki hægt að halda samkomu með 2 metra reglunni, hvað þá 2000 manna - það eru ca. 2 hektarar.“ Pálmi Gunnarsson söngvari og bassaleikari er ómyrkur í máli og hann bendir á ábyrgð ríksins. „Tónleikahaldarar og listamenn sem eiga allt sitt undir að halda tónleika eiga að leggja fram tillögu um að ríkið greiði sæti á móti sæti á tónleikum þ.e. ef þessari tveggja metra reglu verður framfylgt út árið. Ef hægt er að greiða milljarðagreiðslur til blárra lóna, flugfélaga, hótela, ferðaþjónustufyrirtækja og samherja þá ætti tónleikabransinn ekki að liggja óbættur hjá garði. Það er alltof mikið í húfi fyrir ótrúlegan fjölda fólks.“ Tónlist Samkomubann á Íslandi Faraldur kórónuveiru (COVID-19) Mest lesið Sérsveitin vaktaði heimili Snorra og fjölskyldu í nótt Innlent Guðrún Björk Kristmundsdóttir hjá Bæjarins beztu er látin Innlent „Þú þaggar ekki í okkur, Dagur“ Innlent „Okkur er ekkert mannlegt óviðkomandi“ Innlent Snorri rýfur þögnina: Viðbrögðin staðfesti áhyggjur af þöggun Innlent Þjóðarsorg lýst yfir í Portgúal Erlent „Ætlar þú að græða á spilafíklum? Bara svo Excel og bankinn líti vel út?“ Innlent „Fáum enn á borð til okkar atriði sem maður missir hökuna yfir“ Innlent Spinna samsæriskenningar vegna óvenjumargra andláta frambjóðenda Erlent Lögregla tók hús á Skorrdælingum sem fjölgar í aðdraganda kosninga Innlent Fleiri fréttir Snorri rýfur þögnina: Viðbrögðin staðfesti áhyggjur af þöggun „Fáum enn á borð til okkar atriði sem maður missir hökuna yfir“ Stjórn Samtakanna ´78 fordæmir hótanir í garð Snorra og fjölskyldu Feðgar alsælir með fyrsta rafmagnsvörubílinn Segir ómögulegt að spá fyrir um kostnað vegna starfslokanna Jarðskjálfti að stærð 3,7 í norðvestanverðri öskju Bárðarbungu Vildi enga „lobbýista“ í nýskipað atvinnustefnuráð „Ætlar þú að græða á spilafíklum? Bara svo Excel og bankinn líti vel út?“ „Við viljum að fjölskyldan fari saman heim“ Innkalla Ashwagandha vegna mögulegs jarðhnetusmits Forsætisráðherra segir tíma stórframkvæmda runninn upp Sérsveitin vaktaði heimili Snorra og fjölskyldu í nótt Engan sakaði þegar eldur kviknaði í bát út af Tjörnesi „Þú þaggar ekki í okkur, Dagur“ Bein útsending: Brunavarnir og öryggi til framtíðar Bein útsending: Mótun nýrrar atvinnustefnu og vaxtarplan til 2035 „Okkur er ekkert mannlegt óviðkomandi“ Hitamet féll á Egilsstöðum í ágúst Guðrún Björk Kristmundsdóttir hjá Bæjarins beztu er látin Lögregla tók hús á Skorrdælingum sem fjölgar í aðdraganda kosninga Gætu fengið að kjósa í sínu gamla sveitarfélagi „Við hvað ertu hræddur?“ Nálgunarbannið of torsótt og máttlaust án ökklabands Trump tilnefnir sendiherrann nýja SHÍ gagnrýnir fækkun heilbrigðiseftirlita Samstaða hinsegin samfélagsins, skiptar skoðanir Grindvíkinga og Labubu-æði Reyndust hafa þýfi úr fleiri innbrotum í fórum sínum „Það skiptir máli að vera í réttu bandalagi“ Svikahrappurinn gripinn glóðvolgur og grunaður um fleiri svik Eitt kynferðisbrot tilkynnt til lögreglu eftir Þjóðhátíð Sjá meira
„Tveggja metra regla út árið gerir mig nánast atvinnulausan. Eins og staðan er í dag eru tónleikar næstu áttamánuði úr myndinni,“ sagði Bubbi Morthens á Facebooksíðu sinni í gærkvöldi. Listamenn voru og eru margir hverjir daprir og/eða í miklu uppnámi eftir tíðindi gærdagsins. Margir þeirra sjá sæng sína upp reidda. Í gær 4. maí voru tímamót í baráttunni við Covid-19 og á reglubundnum fundum almannavarna, hvar þríeykið Víðir Reynisson aðstoðarlögreglustjóri, Alma Möller landlæknir og Þórólfur Guðnason sóttvarnarlæknir fóru yfir stöðuna. Óvænt var tilkynnt um að 18. maí yrði stefnt að því að opna sundstaði. Gleðiefni fyrir marga þó þeir sem reka líkamsræktarstöðvar þætti sem þeir væru hafðir útundan. En það var svo ekki fyrr en Þórólfur birtist í kvöldfréttum Ríkissjónvarpsins ohf sem það fór að fara um listageirann í heild sinni. En þar tilkynnti Þórólfur að hann sæi ekki fram á annað en að tveggja metra reglan yrði í hávegum höfð út árið. Vísir hefur áður fjallað um það hversu grátt kórónuveiran er að leika listamenn á markaði og það sér ekki fyrir endann á því. Allt stopp hjá Kristni Sigmundssyni Steinunn Ólína Þorsteinsdóttir leikkona með meiru var fljót að kveikja á því hvað þetta hefði í för með sér: „Tveggja metra regla í heiðri til ársloka segir sóttvarnarlæknir í kvöldfréttum RUV. Hvað þýðir það fyrir tónleikastaði, kvikmynda-og leikhús? Hvernig verður þetta útfært?“ spurði Steinunn Ólína á sinni Facebooksíðu. Þorsteinn Stephensen viðburðastjóri var ekkert að skafa af því: „Það þýðir bara þrot fyrir þessa atvinnugrein og alla sem henni tengjast.“ Og það var þungt hljóðið í þeim tónlistarmönnum sem tjáðu sig á vegg Bubba. Rúnar Þór sagðist þegar hafa misst út átta helgar. „Ekki gott.“ Og hinn dáði óperusöngvari Kristinn Sigmundsson sagði einfaldlega: „Velkominn í klúbbinn. 90% af minni vinnu var performans í útlöndum. Og stærsta giggið átti að byrja í dag og standa til júníloka.“ Grafalvarleg staða fyrir alla sviðslistamenn Aðalbjörn Tryggvason segist hafa verið með tónleikahátíðar bókaðar úti heimi i allt sumar. „Nú er það bara stálhamar og dúkahnífur að smíða nýbyggingar.“ Allt situr fast hjá Kristni Sigmundssyni stórsöngvara vegna kórónuveirunnar. Útvarps- og tónlistarmaðurinn Magnús R. Einarsson, sem hefur verið búsettur úti á Spáni undanfarna mánuði, segir þetta grafalvarlega stöðu fyrir alla tónlistar- og sviðslistamenn. En hið vonda í þessu sé efinn. „Hvað gerist ef slakað verður of mikið á varðandi fjöldasamkomur og veiran breiðist út að nýju. Það er vitað að seinni bylgjan af spænsku veikinni var skæðust. Sagan hræðir.“ Söngvarinn og tónleikaskipuleggjandinn knái, Friðrik Ómar Hjörleifsson, fjallar um málið á sinni síðu. Og reynir að átta sig á stöðunni. „Ok. Tveggja metra reglan út árið samkvæmt sóttvarnarlækni í fréttum nú rétt áðan. Það þýðir ýmislegt. Eiginlega margt og mikið. Maður verður jú að hugsa í lausnum en eins og gefur að skilja þá eru tónleika- og leikhús þessa lands í gríðarlegum vanda statt nú þegar og allt það listafólk sem þar fram kemur svo ég tali nú ekki um aðra viðburðarhaldara.“ Skellur og Friðrik Ómar dottinn í það Friðrik Ómar segir að ef að ef lítil sem engin smit greinist á næstunni en þessar hömlur uppi muni það reyna á þá samstöðu sem verið hefur. Friðrik ræddi málið í Harmageddon í dag. „Það er mér þó gjörsamlega óskiljanlegt ef opna á landið með þessa reglu ennþá í gangi. Eins og staðan er núna mun ég ekki styðja það með nokkru móti en hlusta að sjálfsögðu á öll góð rök. Við hljótum að eiga fyrst að komast í gang áður en við bjóðum fólki að koma hingað? En ég er jú ekki sóttvarnarlæknir eða fræðingur í þessum efnum frekar en við hin hérna á gólfinu,“ segir Friðrik Ómar og bætir við: „Þetta er skellur og hræðilegt ef af verður. Ég er dottinn í það. Skál.“ Friðrik Ómar, sem ekki aðeins er eftirsóttur söngvari heldur hefur hann verið að skipuleggja ýmsa tónlistarviðburði, segir þetta mikinn skell. Ýmsir tónlistarmenn taka til máls á síðu Friðriks Ómars svo sem trymbillinn snjalli Jóhann Hjörleifsson. Hann reynir að finna glufur í þeirri stöðu sem virðist sannarlega ekki góð. „Ég held að þegar talað er um tveggja metra reglu muni það tæplega ná yfir tónleikasali og leikhús frá haustinu, frekar bara almenn regla í umgengni. Það hefur verið talað um 2000 manna hámark í sumar,“ segir Jóhann. Og bendir á að Danir tali um að frá og með september fari tónleikar og hátíðir í gang þar. Alltof mikið í húfu fyrir fjölda manna Magni Ásgeirsson bendir Jóhanni á að spurningin um 2000 manns hafi verið borin upp á fundi dagsins en svarið hafi verið eitthvað á þá leið að samkomur hefðu ekki einu sinni verið ræddar. Pálmi Gunnarsson telur einsýnt að ríkið hljóti að hlaupa undir bagga. „Enda ekki hægt að halda samkomu með 2 metra reglunni, hvað þá 2000 manna - það eru ca. 2 hektarar.“ Pálmi Gunnarsson söngvari og bassaleikari er ómyrkur í máli og hann bendir á ábyrgð ríksins. „Tónleikahaldarar og listamenn sem eiga allt sitt undir að halda tónleika eiga að leggja fram tillögu um að ríkið greiði sæti á móti sæti á tónleikum þ.e. ef þessari tveggja metra reglu verður framfylgt út árið. Ef hægt er að greiða milljarðagreiðslur til blárra lóna, flugfélaga, hótela, ferðaþjónustufyrirtækja og samherja þá ætti tónleikabransinn ekki að liggja óbættur hjá garði. Það er alltof mikið í húfi fyrir ótrúlegan fjölda fólks.“
Tónlist Samkomubann á Íslandi Faraldur kórónuveiru (COVID-19) Mest lesið Sérsveitin vaktaði heimili Snorra og fjölskyldu í nótt Innlent Guðrún Björk Kristmundsdóttir hjá Bæjarins beztu er látin Innlent „Þú þaggar ekki í okkur, Dagur“ Innlent „Okkur er ekkert mannlegt óviðkomandi“ Innlent Snorri rýfur þögnina: Viðbrögðin staðfesti áhyggjur af þöggun Innlent Þjóðarsorg lýst yfir í Portgúal Erlent „Ætlar þú að græða á spilafíklum? Bara svo Excel og bankinn líti vel út?“ Innlent „Fáum enn á borð til okkar atriði sem maður missir hökuna yfir“ Innlent Spinna samsæriskenningar vegna óvenjumargra andláta frambjóðenda Erlent Lögregla tók hús á Skorrdælingum sem fjölgar í aðdraganda kosninga Innlent Fleiri fréttir Snorri rýfur þögnina: Viðbrögðin staðfesti áhyggjur af þöggun „Fáum enn á borð til okkar atriði sem maður missir hökuna yfir“ Stjórn Samtakanna ´78 fordæmir hótanir í garð Snorra og fjölskyldu Feðgar alsælir með fyrsta rafmagnsvörubílinn Segir ómögulegt að spá fyrir um kostnað vegna starfslokanna Jarðskjálfti að stærð 3,7 í norðvestanverðri öskju Bárðarbungu Vildi enga „lobbýista“ í nýskipað atvinnustefnuráð „Ætlar þú að græða á spilafíklum? Bara svo Excel og bankinn líti vel út?“ „Við viljum að fjölskyldan fari saman heim“ Innkalla Ashwagandha vegna mögulegs jarðhnetusmits Forsætisráðherra segir tíma stórframkvæmda runninn upp Sérsveitin vaktaði heimili Snorra og fjölskyldu í nótt Engan sakaði þegar eldur kviknaði í bát út af Tjörnesi „Þú þaggar ekki í okkur, Dagur“ Bein útsending: Brunavarnir og öryggi til framtíðar Bein útsending: Mótun nýrrar atvinnustefnu og vaxtarplan til 2035 „Okkur er ekkert mannlegt óviðkomandi“ Hitamet féll á Egilsstöðum í ágúst Guðrún Björk Kristmundsdóttir hjá Bæjarins beztu er látin Lögregla tók hús á Skorrdælingum sem fjölgar í aðdraganda kosninga Gætu fengið að kjósa í sínu gamla sveitarfélagi „Við hvað ertu hræddur?“ Nálgunarbannið of torsótt og máttlaust án ökklabands Trump tilnefnir sendiherrann nýja SHÍ gagnrýnir fækkun heilbrigðiseftirlita Samstaða hinsegin samfélagsins, skiptar skoðanir Grindvíkinga og Labubu-æði Reyndust hafa þýfi úr fleiri innbrotum í fórum sínum „Það skiptir máli að vera í réttu bandalagi“ Svikahrappurinn gripinn glóðvolgur og grunaður um fleiri svik Eitt kynferðisbrot tilkynnt til lögreglu eftir Þjóðhátíð Sjá meira