Bjössi í World Class hundfúll Kolbeinn Tumi Daðason skrifar 4. maí 2020 17:00 Björn Leifsson, lengst til hægri, ásamt konu sinni og meðeiganda, Hafdísi Jónsdóttur, þegar World Class tilkynnti um opnun stöðvar í Smáralind. Fulltrúar Smáralindar og Regins eru með á myndinni. World Class Björn Leifsson, eigandi World Class, var ekki á meðal þeirra sem fagnaði óvæntum tíðindum á daglegum upplýsingafundi Almannavarna í dag. Björn átti von á að ef opnað yrði fyrir gesti að sækja sund þá myndi það sama gilda um líkamsræktarstöðvar. Hann var hundfúll með stöðuna í samtali við Reykjavík Síðdegis á Bylgjunni í dag. Líklega tvær vikur í opnun sundlauga Þórólfur Guðnason sóttvarnalæknir tilkynnti óvænt á fundinum í dag að hann ætti í viðræðum við heilbrigðisráðherra um opnun sundstöðva þann 18. maí með einhverjum takmörkunum þó. Aðspurður hvers vegna það væru strangari reglur í sundlaugum en til dæmis í verslunum, sem hafa verið opnar allan tímann með fjöldatakmörkunum þó, sagði Þórólfur ástæðuna vera þá að í sundi væri mikill hópur að safnast saman á litlum svæðum, til dæmis í búningsklefum og annað slíkt. „Þess vegna höfum við haft áhyggjur,“ sagði Þórólfur og bætti við að erfiðara væri að halda uppi lágmarksfjöldanum í sundi. Þar sem það virðist hins vegar vera lítið samfélagslegt smit í gangi sagði Þórólfur að talið væri óhætt að létta á þessum takmörkunum. „En líka í ljósi þess að þetta er sennilega það sem Íslendingar þrá mest, að komast í sund,“ sagði Þórólfur. Sér ekki mun á sundi og líkamsrækt Björn Leifsson er eigandi World Class sem rekur fimmtán líkamsræktarstöðvar á landinu og er langstærsti aðilinn í þeim bransa. Hann ræddi þá staðreynd að líkamsræktarstöðvar myndu ekki opna þann 18. maí en það staðfesti Þórólfur Guðnason við þáttastjórnendur í Reykjavík síðdegis á Bylgjunni í dag. Björn sagði það ekki leggjast vel í sig að enn yrði bið á opnun líkamsræktarstöðvar. „Það leggst mjög illa í mig eins og væntanlega flesta landsmenn. Ef eitthvað er þá eru fleiri sem stunda líkamsræktarstöðvar á landinu og eru ekki síður mikilvægar,“ segir Björn. „Áður en það var lokað þá var nóg pláss fyrir alla. Ég veit ekki til þess að nein smit hafi verið rakin inn á líkamsræktarstöðvarnar. Ég sé ekki mun á sundi og líkamsrækt í þeim efnum. Þar fyrir utan voru þau búin að tilkynna það áður að sund og líkamsræktarstöðvar yrðu ekki slitin í sundur.“ Tap upp á 600 milljónir Björn segist tapa 75 milljónum króna á hverri viku sem stöðvar World Class eru lokaðar. „Ef ég hefði fengið að opna 18. maí hefði það ekki verið nema 600 milljónir króna en það virðist ætla að vera meira. Hún eykst um 75 milljónir fyrir hverja viku sem er lokað,“ segir Björn. Engar bætur séu í boði fyrir líkamsræktarrisann og ekkert hægt að sækja þær síðar. „Nei, við fáum engar bætur. Okkur er skikkað að loka en við fáum engar bætur. Við fáum þessa 75% launaleið og sama er með leigusalann okkar. Þeir gefa ekki tommu eftir. Þótt við megum ekki nota húsin sem við erum að leiga þá verðum við að borga fulla leigu. Það eru einhverjar smá tilfærslur á leigu en engir afslættir. Við fáum ekki einu sinni þessar 2,4 milljónir sem litlu fyrirtækin fá því við veltum of miklu.“ Aðspurður hvers vegna hann telji að sundlaugar séu á undan líkamsræktarstöðvunum í röðinni hefur Björn sínar kenningar. „Ég hallast að því að þetta sé pólitík. Það er einhver sem þrýstir meira á að fá að komast í sund en líkamsrækt. Ég veit ekki hver.“ Björn er allt annað en sáttur. Skilur ekki hvernig fólki geti smitast „Ég er alveg hundfúll, að sjálfsögðu. Við erum búnir að taka virkan þátt í þessu með teyminu og landsmönnum, bæði fyrir og eftir lokun, og héldum að við fengjum að njóta þess,“ segir Björn. Það sé ekki eins og þeir sem sæki World Class heim séu drukknir. „Þetta eru sömu aðilar sem koma hérna inn og fara í Bónus,“ segir Björn og bætir við að hreinlætis hafi verið gætt áður en stöðvunum var lokað. Tæki og tól sprittuð. Björn segir að taka muni tíma að vinna upp mörg hundruð milljóna króna tap en hann geti þó ekki kvartað sé miðað við aðila í ferðaþjónusta. Hann geti þó fljótlega opnað aftur og þá mæti fólkið. Tíðindin um opnun sundlauga 18. maí komu nokkuð á óvart enda reiknaði fólk með að það yrði frekar síðar í maí. Björn hefur sínar skoðanir á smithættunni þessa stundina. „Ég verð að segja að ef það er komið niður í 66 smit í dag, og fjögur til fimm eftir nokkra daga, þá skil ég ekki hvernig einhver getur smitast ef enginn er smitaður.“ Heilsa Faraldur kórónuveiru (COVID-19) Líkamsræktarstöðvar Samkomubann á Íslandi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Enn ekkert að frétta af félagi sem þúsundir Íslendinga eiga kröfu á Neytendur Tók fimm mánuði að byrja að tala íslensku Atvinnulíf Fasteignamarkaðurinn hitnar en framkvæmdum fækkar Viðskipti innlent Þau vilja stýra Framkvæmdasýslunni – Ríkiseignum Viðskipti innlent Segir frumvarp um húsaleigulög geta leitt til hærra leiguverðs Viðskipti innlent Edda og Helgi bætast í hóp eigenda Expectus Viðskipti innlent Fljúga til Wales í haust í tengslum við landsleikina Viðskipti innlent Tekur við stöðu rekstrarstjóra Stöðvar 2 Viðskipti innlent Fjölbreytt vöruúrval og ein bestu verð hérlendis Samstarf Bein útsending: Hrein tækifæri í orkumálum Viðskipti innlent Fleiri fréttir Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Byggingaframkvæmdir óralangt frá settum markmiðum Taka við stjórnendastöðum hjá Advania Benedikt tekur við af Andrési hjá SVÞ Tveir stjórnarmenn og forstjóri lögðu til milljarð Loftleiðir með þrjár þotur í lúxusflugi fyrir ríka fólkið Viðræður vegna kaupa á Lyfju að hefjast Dómari þarf ekki að víkja vegna fjölskyldutengsla í máli feðga Skorti heildarmynd í Landsbankamálinu Innkalla kjúkling vegna gruns um salmonellu Markaðstorg með raforku spretta upp KEA nú stærsti hluthafinn í Norlandair Fjögurra stjörnu hótel opni við Skógarböðin Hákon nýr öryggisstjóri Arion Fyrrverandi forstjóri Bláfugls stýrir nýju sviði hjá Play Sjá meira
Björn Leifsson, eigandi World Class, var ekki á meðal þeirra sem fagnaði óvæntum tíðindum á daglegum upplýsingafundi Almannavarna í dag. Björn átti von á að ef opnað yrði fyrir gesti að sækja sund þá myndi það sama gilda um líkamsræktarstöðvar. Hann var hundfúll með stöðuna í samtali við Reykjavík Síðdegis á Bylgjunni í dag. Líklega tvær vikur í opnun sundlauga Þórólfur Guðnason sóttvarnalæknir tilkynnti óvænt á fundinum í dag að hann ætti í viðræðum við heilbrigðisráðherra um opnun sundstöðva þann 18. maí með einhverjum takmörkunum þó. Aðspurður hvers vegna það væru strangari reglur í sundlaugum en til dæmis í verslunum, sem hafa verið opnar allan tímann með fjöldatakmörkunum þó, sagði Þórólfur ástæðuna vera þá að í sundi væri mikill hópur að safnast saman á litlum svæðum, til dæmis í búningsklefum og annað slíkt. „Þess vegna höfum við haft áhyggjur,“ sagði Þórólfur og bætti við að erfiðara væri að halda uppi lágmarksfjöldanum í sundi. Þar sem það virðist hins vegar vera lítið samfélagslegt smit í gangi sagði Þórólfur að talið væri óhætt að létta á þessum takmörkunum. „En líka í ljósi þess að þetta er sennilega það sem Íslendingar þrá mest, að komast í sund,“ sagði Þórólfur. Sér ekki mun á sundi og líkamsrækt Björn Leifsson er eigandi World Class sem rekur fimmtán líkamsræktarstöðvar á landinu og er langstærsti aðilinn í þeim bransa. Hann ræddi þá staðreynd að líkamsræktarstöðvar myndu ekki opna þann 18. maí en það staðfesti Þórólfur Guðnason við þáttastjórnendur í Reykjavík síðdegis á Bylgjunni í dag. Björn sagði það ekki leggjast vel í sig að enn yrði bið á opnun líkamsræktarstöðvar. „Það leggst mjög illa í mig eins og væntanlega flesta landsmenn. Ef eitthvað er þá eru fleiri sem stunda líkamsræktarstöðvar á landinu og eru ekki síður mikilvægar,“ segir Björn. „Áður en það var lokað þá var nóg pláss fyrir alla. Ég veit ekki til þess að nein smit hafi verið rakin inn á líkamsræktarstöðvarnar. Ég sé ekki mun á sundi og líkamsrækt í þeim efnum. Þar fyrir utan voru þau búin að tilkynna það áður að sund og líkamsræktarstöðvar yrðu ekki slitin í sundur.“ Tap upp á 600 milljónir Björn segist tapa 75 milljónum króna á hverri viku sem stöðvar World Class eru lokaðar. „Ef ég hefði fengið að opna 18. maí hefði það ekki verið nema 600 milljónir króna en það virðist ætla að vera meira. Hún eykst um 75 milljónir fyrir hverja viku sem er lokað,“ segir Björn. Engar bætur séu í boði fyrir líkamsræktarrisann og ekkert hægt að sækja þær síðar. „Nei, við fáum engar bætur. Okkur er skikkað að loka en við fáum engar bætur. Við fáum þessa 75% launaleið og sama er með leigusalann okkar. Þeir gefa ekki tommu eftir. Þótt við megum ekki nota húsin sem við erum að leiga þá verðum við að borga fulla leigu. Það eru einhverjar smá tilfærslur á leigu en engir afslættir. Við fáum ekki einu sinni þessar 2,4 milljónir sem litlu fyrirtækin fá því við veltum of miklu.“ Aðspurður hvers vegna hann telji að sundlaugar séu á undan líkamsræktarstöðvunum í röðinni hefur Björn sínar kenningar. „Ég hallast að því að þetta sé pólitík. Það er einhver sem þrýstir meira á að fá að komast í sund en líkamsrækt. Ég veit ekki hver.“ Björn er allt annað en sáttur. Skilur ekki hvernig fólki geti smitast „Ég er alveg hundfúll, að sjálfsögðu. Við erum búnir að taka virkan þátt í þessu með teyminu og landsmönnum, bæði fyrir og eftir lokun, og héldum að við fengjum að njóta þess,“ segir Björn. Það sé ekki eins og þeir sem sæki World Class heim séu drukknir. „Þetta eru sömu aðilar sem koma hérna inn og fara í Bónus,“ segir Björn og bætir við að hreinlætis hafi verið gætt áður en stöðvunum var lokað. Tæki og tól sprittuð. Björn segir að taka muni tíma að vinna upp mörg hundruð milljóna króna tap en hann geti þó ekki kvartað sé miðað við aðila í ferðaþjónusta. Hann geti þó fljótlega opnað aftur og þá mæti fólkið. Tíðindin um opnun sundlauga 18. maí komu nokkuð á óvart enda reiknaði fólk með að það yrði frekar síðar í maí. Björn hefur sínar skoðanir á smithættunni þessa stundina. „Ég verð að segja að ef það er komið niður í 66 smit í dag, og fjögur til fimm eftir nokkra daga, þá skil ég ekki hvernig einhver getur smitast ef enginn er smitaður.“
Heilsa Faraldur kórónuveiru (COVID-19) Líkamsræktarstöðvar Samkomubann á Íslandi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Enn ekkert að frétta af félagi sem þúsundir Íslendinga eiga kröfu á Neytendur Tók fimm mánuði að byrja að tala íslensku Atvinnulíf Fasteignamarkaðurinn hitnar en framkvæmdum fækkar Viðskipti innlent Þau vilja stýra Framkvæmdasýslunni – Ríkiseignum Viðskipti innlent Segir frumvarp um húsaleigulög geta leitt til hærra leiguverðs Viðskipti innlent Edda og Helgi bætast í hóp eigenda Expectus Viðskipti innlent Fljúga til Wales í haust í tengslum við landsleikina Viðskipti innlent Tekur við stöðu rekstrarstjóra Stöðvar 2 Viðskipti innlent Fjölbreytt vöruúrval og ein bestu verð hérlendis Samstarf Bein útsending: Hrein tækifæri í orkumálum Viðskipti innlent Fleiri fréttir Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Byggingaframkvæmdir óralangt frá settum markmiðum Taka við stjórnendastöðum hjá Advania Benedikt tekur við af Andrési hjá SVÞ Tveir stjórnarmenn og forstjóri lögðu til milljarð Loftleiðir með þrjár þotur í lúxusflugi fyrir ríka fólkið Viðræður vegna kaupa á Lyfju að hefjast Dómari þarf ekki að víkja vegna fjölskyldutengsla í máli feðga Skorti heildarmynd í Landsbankamálinu Innkalla kjúkling vegna gruns um salmonellu Markaðstorg með raforku spretta upp KEA nú stærsti hluthafinn í Norlandair Fjögurra stjörnu hótel opni við Skógarböðin Hákon nýr öryggisstjóri Arion Fyrrverandi forstjóri Bláfugls stýrir nýju sviði hjá Play Sjá meira