Þetta lið er í dúndurformi

Meðfylgjandi myndir voru teknar síðustu helgi þegar kraftakeppni Boot Camp og CrossFit stöðvarinnar fór fram í þetta líka svona frábæru veðri í Elliðaárdalnum.

Keppendur voru allir að stíga út fyrir þægindarammann þar sem greinarnar voru ólíkar því sem þau æfa dags daglega.

Þá var keppt í drumbalyftum, dekkjaflippi, griphaldi, steinalyftum og trukkadrætti en markmið mótsins var að bjóða meðlimum stöðvarinnar upp á eitthvað nýtt og skemmtilegt og skipti þá ekki öllu máli hvort viðkomandi tók þátt eða horfði á. 

Það var greinilega mikil stemning fyrir viðburðinum því hátt á fjórða tug manna og kvenna kepptu og áhorfendur sem fylgdust með voru hátt í hundrað talsins.

Smelltu á efstu mynd í frétt til að skoða allar myndirnar.



Helstu úrslit karla: 

1. sæti Baldur Baldursson

2. sæti Magnús Bergsson 

3. sæti Gunnar Dór Karlsson 

Helstu úrslit kvenna: 

1. sæti Katrín Tanja Davíðsdóttir 

2. sæti Margrét Bára Þórkelsdóttir 

3. sæti Kristín Viktorsdóttir