Þambaði tvo lítra af Jack Daniels

Ernest Acosta birti nýverið myndband af sér á Youtube þar sem hann þambar rúmlega tvo lítra af Jack Daniels viskí. Það er óhætt að segja að hann sjái eftir því nánast samstundis. Eða hvað? Hann fylgdi lítrunum tveimur eftir með því að drekka litla flösku af Fireball viskíi.

Afleiðingarnar af því eru fyrirsjáanlegar.

Acosta er nokkuð virkur á Youtube og hefur birt fjölda myndbanda af sér að gera og drekka ýmislegt. Meðal annars hefur hann birt myndbönd af sér við að þamba vodka, lím og að borða sporðdreka.

Vert er að vara viðkvæma og þá sem kúgast auðveldlega við myndbandinu. Þá er einnig best að vara fólk við því að reyna þetta heima.

Styttri útgáfa