Oddvitaáskorunin - Tók ástfóstri við samfélagið

Ólafur Adolfsson er stendur í stafni lista Sjálfstæðisflokksins á Akranesi. 

Óli er Ólsari en hefur um árabil verið búsettur á Akranesi. Hann tók ástfóstri við það ágæta samfélag þegar hann lék með sigursælu liði heimamanna á árum áður.

Hann er lyfsali og rekur Apótek Vesturlands á Akranesi. Líkt og í boltanum þurfti hann í lyfsölunni að verjast fimlega og sækja hratt gegn óréttmætum vinnubrögðum keppinautar. Í þeim stóra slag hafði hann sigur að lokum.

Hann lítur gagnrýnum augum á sín störf og annarra og trúir að þannig sé best að gera góðan bæ betri.

Það má nefnilega alltaf gera betur að hans mati. Að öðrum kosti staðnar samfélagið.

Þessi tveggja barna faðir er líka rómaður kokkur og sælkeri. Til þess að sælkerinn verði ekki þungavigtarmaður í orðsins fyllstu merkingu stundar hann hóflega hreyfingu.

Hann stefnir hins vegar að því að vega þungt í störfum sínum fyrir bæjarbúa. Klár í að leiða sókn til betra samfélags en jafnframt tilbúinn til þess að taka hvern slag sem nauðsynlegur er til varnar hagsmunum Skagamanna.

YFIRHEYRSLANHver er fallegasti staðurinn á Íslandi? Langisjór

Hundar eða kettir? Get ekki gert upp á milli 

Hver er stærsta stundin í lífinu? Fæðing barnanna minna. 

Hver er uppáhaldsmaturinn þinn? Nætursalt

Hvernig bíl ekur þú? Lexus 2005

Besta minningin? Áhyggjuleysi æskunnar 

Hefur þú verið tekinn af lögreglunni? Já

Hverju sérðu mest eftir? Röngum ákvörðunum

Draumaferðalagið? Gönguferð um allar strendur Íslands 

Hefur þú migið í saltan sjó? Já Breiðafjörðinn meira að segja

Hvað er það skrýtnasta sem þú hefur gert? Kosningamyndband

Hefur þú viðurkennt mistök? Er að vinna í því 

Hverju ertu stoltastur af? Íslandsmeistaratímabil með Skagamönnum.