Michael J. Fox hefur engu gleymt: Spilaði Johnny B. Goode með Coldplay

Bandaríski leikarinn Michael J. Fox henti sér á svið með bresku hljómsveitinni Coldplay á MetLife-leikvanginum í New Jersey á sunnudagskvöld þar sem talið var í lögin Earth Angel og Johnny B. Goode.

Michael J. Fox er hvað þekktastur fyrir hlutverk sitt sem Marty McFly í Back to the Future-þríleiknum þar sem hann þurfti að leika þessi tvö lög með hljómsveit til að bjarga málunum.

Það var sonur Chris Martin, Moses, sem bað um þessi tvö lög vegna þess að Back to the Future er uppáhaldsmynd þeirra feðga.

Coldplay byrjaði að leika Earth Angel en þegar um tvær mínútur voru liðnar af laginu birtist Michael J. Fox á sviðinu við mikinn fögnuð áhorfenda.