Origi verðlaunaður með nýjum samningi

Divock Origi, framherji Liverpool, mun fá nýjan samning hjá Liverpool í sumar samvæmt frétt The Independent í dag en Origi er guðatölu þessa dagana á Anfield eftir mörkin á móti Barcelona í Meistaradeildinni.

Origi skoraði tvö af fjórum mörkum Liverpool í 4-0 sigrinum á Börsungum sem tryggði lærisveinum Jürgens Klopps farseðilinn í úrslitaleik Meistaradeildarinnar annað árið í röð.

Belginn hefur aðeins byrjað þrjá leiki í ensku úrvalsdeildinni í vetur, komið inn á átta sinnum og verið ónotaður varamaður þrettán sinnum en hefur engu að síður sannað gildi sitt fyrir liðið.

Origi er búinn að skora sex mörk í 19 leikjum fyrir aðallið Liverpool á leiktíðinni, þar af dramatískt sigurmark í fyrri borgarslagnum gegn Everton og svo þessi tvö mörk á móti Barcelona. Þá er hann búinn að skora í öllum keppnum á tímabilinu.

Origi er 24 ára gamall og kom til Liverpoo árið 2014 en hefur verið lánaður til Lille í Frakklandi og Wolfsburg í Þýskalandi. Hann á að bai 25 landsleiki fyrir Belgíu og hefur spilað fyrir öll yngri landslið Belga.