ESA krefst svara vegna kerfisframlags Sveinn Arnarsson skrifar 8. febrúar 2016 07:00 Ef kostnaður er mikill við að tengja stórnotendur við flutningskerfið þurfa þeir að greiða þann kostnað. Það hefur aldrei verið gert hér á landi. Fréttablaðið/Stefán ESA, Eftirlitsstofnun EFTA, gerir alvarlegar athugasemdir við starfsemi Landsnets og Orkustofnunar. Reglur Landsnets um svokallað tengigjald stóriðju við flutningskerfi raforku eru óljósar, ógagnsæjar og hafa ekki verið kynntar almenningi í gjaldskrám. Ekki sé með neinu móti hægt að sjá hvað stórnotendur greiði í svokölluð tengigjöld þrátt fyrir að sá kostnaður eigi að liggja fyrir. Þetta kemur fram í bréfi til atvinnuvega- og nýsköpunarráðuneytisins frá ESA, dagsettu 17. desember síðastliðinn. Kerfisframlag er gjald sem raforkuframleiðendur og stórnotendur skulu greiða Landsneti til viðbótar almennu gjaldi valdi tenging aðila hækkun til annarra notenda, svo sem almennings. Þetta framlag hefur aldrei verið lagt á á Íslandi samkvæmt gjaldskrá. Raforkuflutningur er nokkuð sérhæfð starfsemi. Enginn „markaður“ er á þessum vettvangi þar sem aðeins eitt flutningskerfi er á landinu. Því lýtur þessi starfsemi miklu aðhaldi hins opinbera í gegn um lög með innleiðingu raforkutilskipana. Málið á sér langan aðdraganda. Þann 23. september síðastliðinn skrifaði ESA íslenskum stjórnvöldum bréf um að gagnsæi væri ábótavant hjá Landsneti og Orkustofnun. Bréfið var skrifað íslenskum stjórnvöldum vegna kæru frá því í ágúst 2014. Fréttablaðið fjallaði um það mál þann 4. september 2014. Í kæru kemur fram að íslensk stjórnvöld hefðu trassað að innleiða Evrópulöggjöf um innri markað raforku sem átti að innleiða þann 1. júní 2007. Vegna málsins gaf ESA út frumniðurstöðu í bréfi þann 23. september árið 2015. Þar kom fram að gagnsæi er ábótavant hjá Landsneti og Orkustofnun. Atvinnuvega- og nýsköpunarráðuneytið svaraði fréttaflutningi Fréttablaðsins vegna málsins þann 25. september síðastliðinn. Á vef ráðuneytisins segir að væru „verulegar brotalamir á innleiðingu annarrar raforkutilskipunar hér á landi, eins og skilja má af framangreindri frétt, þá myndi ESA reka samningsbrotamál“. Í þann farveg hefur ESA ákveðið að fara nú þó hér sé aðeins um að ræða fyrsta stig þess. Einnig sagði ráðuneytið í sömu frétt að ábendingar ESA væru í vinnslu og yrði lokið við á næstu vikum. ESA rekur nú enn og aftur á eftir atvinnuvegaráðuneytinu að gera gangskör að málinu. ESA, sem eftirlitsaðili með að Evrópureglur séu réttar, vekur athygli á að ósamþykktar, óbirtar reglur Landsnets, þar sem útreikningar eru á huldu þegar gjald eigi að leggja á stóriðju og nýjar virkjanir, séu ekki í takt við þær Evróputilskipanir sem íslensk stjórnvöld eigi að vera búin að innleiða fyrir margt löngu. Vísar ESA í dóm Evrópudómstólsins í máli gegn Svíþjóð sem kveðinn var upp í októbermánuði árið 2009. Í dómnum segir að markmið tilskipunarinnar, sem átti að vera búið að innleiða í íslenska löggjöf árið 2007, verði aðeins náð með gagnsærri gjaldskrá eða að aðferðafræðin við útreikninga kerfisframlags sé svo skýrt að eftirlitsaðilar geti metið kostnað við tengingu. Samkvæmt svari Þóris Hrafnssonar, upplýsingafulltrúa atvinnuvega- og nýsköpunarráðuneytisins er frestur gefinn til 16. febrúar til að svara bréfi ESA. Hann sagði vinnu við að svara bréfinu í vinnslu og að því verði svarað fyrir tilskilinn tíma. Nýir stórnotendurFjöldi nýrra stórnotenda áforma að hefja rekstur á Íslandi á næstu árum. PCC áformar rekstur á Bakka við Húsavík. Thorsil og United Silicon auk álvers verða starfrækt á Grundartanga auk Silicor Material á Grundartanga. Ljóst er að tengja þarf þessa aðila við flutningskerfi raforku á Íslandi. Hins vegar er óljóst hver beri kostnaðinn af tengingu stórnotendanna við flutningskerfi Landsnets. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Helga aðeins 15 mínútur að landa fyrsta laxinum Innlent Heimamanna bíður það verkefni að finna nafn á nýja lónið sem er komið til að vera Innlent Hítará hefur fundið sér nýjan farveg Innlent Veiðileyfasali fékk engar bætur dæmdar fyrir þjófnað í Kjarrá Innlent Sigurþór ráðinn framkvæmdastjóri SVFR Innlent Dregur saman með efstu frambjóðendum Innlent Dularfulla minkagildruhvarfið Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira
ESA, Eftirlitsstofnun EFTA, gerir alvarlegar athugasemdir við starfsemi Landsnets og Orkustofnunar. Reglur Landsnets um svokallað tengigjald stóriðju við flutningskerfi raforku eru óljósar, ógagnsæjar og hafa ekki verið kynntar almenningi í gjaldskrám. Ekki sé með neinu móti hægt að sjá hvað stórnotendur greiði í svokölluð tengigjöld þrátt fyrir að sá kostnaður eigi að liggja fyrir. Þetta kemur fram í bréfi til atvinnuvega- og nýsköpunarráðuneytisins frá ESA, dagsettu 17. desember síðastliðinn. Kerfisframlag er gjald sem raforkuframleiðendur og stórnotendur skulu greiða Landsneti til viðbótar almennu gjaldi valdi tenging aðila hækkun til annarra notenda, svo sem almennings. Þetta framlag hefur aldrei verið lagt á á Íslandi samkvæmt gjaldskrá. Raforkuflutningur er nokkuð sérhæfð starfsemi. Enginn „markaður“ er á þessum vettvangi þar sem aðeins eitt flutningskerfi er á landinu. Því lýtur þessi starfsemi miklu aðhaldi hins opinbera í gegn um lög með innleiðingu raforkutilskipana. Málið á sér langan aðdraganda. Þann 23. september síðastliðinn skrifaði ESA íslenskum stjórnvöldum bréf um að gagnsæi væri ábótavant hjá Landsneti og Orkustofnun. Bréfið var skrifað íslenskum stjórnvöldum vegna kæru frá því í ágúst 2014. Fréttablaðið fjallaði um það mál þann 4. september 2014. Í kæru kemur fram að íslensk stjórnvöld hefðu trassað að innleiða Evrópulöggjöf um innri markað raforku sem átti að innleiða þann 1. júní 2007. Vegna málsins gaf ESA út frumniðurstöðu í bréfi þann 23. september árið 2015. Þar kom fram að gagnsæi er ábótavant hjá Landsneti og Orkustofnun. Atvinnuvega- og nýsköpunarráðuneytið svaraði fréttaflutningi Fréttablaðsins vegna málsins þann 25. september síðastliðinn. Á vef ráðuneytisins segir að væru „verulegar brotalamir á innleiðingu annarrar raforkutilskipunar hér á landi, eins og skilja má af framangreindri frétt, þá myndi ESA reka samningsbrotamál“. Í þann farveg hefur ESA ákveðið að fara nú þó hér sé aðeins um að ræða fyrsta stig þess. Einnig sagði ráðuneytið í sömu frétt að ábendingar ESA væru í vinnslu og yrði lokið við á næstu vikum. ESA rekur nú enn og aftur á eftir atvinnuvegaráðuneytinu að gera gangskör að málinu. ESA, sem eftirlitsaðili með að Evrópureglur séu réttar, vekur athygli á að ósamþykktar, óbirtar reglur Landsnets, þar sem útreikningar eru á huldu þegar gjald eigi að leggja á stóriðju og nýjar virkjanir, séu ekki í takt við þær Evróputilskipanir sem íslensk stjórnvöld eigi að vera búin að innleiða fyrir margt löngu. Vísar ESA í dóm Evrópudómstólsins í máli gegn Svíþjóð sem kveðinn var upp í októbermánuði árið 2009. Í dómnum segir að markmið tilskipunarinnar, sem átti að vera búið að innleiða í íslenska löggjöf árið 2007, verði aðeins náð með gagnsærri gjaldskrá eða að aðferðafræðin við útreikninga kerfisframlags sé svo skýrt að eftirlitsaðilar geti metið kostnað við tengingu. Samkvæmt svari Þóris Hrafnssonar, upplýsingafulltrúa atvinnuvega- og nýsköpunarráðuneytisins er frestur gefinn til 16. febrúar til að svara bréfi ESA. Hann sagði vinnu við að svara bréfinu í vinnslu og að því verði svarað fyrir tilskilinn tíma. Nýir stórnotendurFjöldi nýrra stórnotenda áforma að hefja rekstur á Íslandi á næstu árum. PCC áformar rekstur á Bakka við Húsavík. Thorsil og United Silicon auk álvers verða starfrækt á Grundartanga auk Silicor Material á Grundartanga. Ljóst er að tengja þarf þessa aðila við flutningskerfi raforku á Íslandi. Hins vegar er óljóst hver beri kostnaðinn af tengingu stórnotendanna við flutningskerfi Landsnets.
Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Helga aðeins 15 mínútur að landa fyrsta laxinum Innlent Heimamanna bíður það verkefni að finna nafn á nýja lónið sem er komið til að vera Innlent Hítará hefur fundið sér nýjan farveg Innlent Veiðileyfasali fékk engar bætur dæmdar fyrir þjófnað í Kjarrá Innlent Sigurþór ráðinn framkvæmdastjóri SVFR Innlent Dregur saman með efstu frambjóðendum Innlent Dularfulla minkagildruhvarfið Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira