Hvað er svona merkilegt við Teigsskóg? 11. janúar 2007 05:00 Hvað er svona merkilegt við Teigsskóg? spurði þulan í RÚV um daginn, þegar umræðan beindist allt í einu að skógivaxinni hlíð vestan Þorskafjarðar. Spurningin hjómaði í mínum eyrum eins og brandari úr hugarskoti Jóns Gnarr. Málið snerist um vegabætur á því svæði, sem eitt sinn hét Gufudalssveit og náði frá Múla í Þorskafirði að Klettshálsi, en það er nú hluti af Reykhólahreppi, sem tekur yfir sama svæði og áður þekktist undir nafninu Austur-Barðastrandarsýsla. Helsti vegatálmi í Gufudalssveit er óefað Hjallaháls, sem er á milli Þorskafjarðar og Djúpafjarðar, allbrattur og oft illfær vegna snjóa á vetrum. Skipulagsstjóri lagðist gegn vegi um skóginn vegna óafturkræfs skaða á umhverfi, en af öllum mönnum ógilti umhverfisráðherrann þann úrskurð og heimilaði vegagerðina af öryggisástæðum. Það er ekki ólíklegt, að bílstjórum þungra vörubíla finnist þreytandi og leiðinlegt að silast upp og niður brattann á hálsinum, jafnvel þótt til stæði að bæta hann. En voru menn í Vesturbyggð að flagga fyrir því að fá veg um Teigsskóg og losna þar með við Hjallaháls. Og talandi um að draga fána að hún, hafa ekki einhverjir ástæðu til að draga hann í hálfa stöng? Samkvæmt þessari áætlun sýnist mér bærinn Djúpidalur, eitt af fáum byggðum bólum í hinni upprunalegu Gufudalssveit, komast úr alfaraleið. Teigsskógur, sá er nefndur var hér í upphafi þessara orða, liggur í austurhlíð hálsins nær langleiðina milli Grafar og eyðibýlisins Hallsteinsness. Hann er kannske ekki merkilegur í samanburði við friðaða skóga sunnar á landinu; hann er lágvaxinn og skreytir sig helst með fallegum reynitrjám, sem standa upp úr með öðrum lit, rétt eins og sjá má vestur í Vatnsfirði. Mikilvægi hans verður hins vegar að skoðast í réttu samhengi: sem sé í því samhengi, að hann er hluti af því, sem Hallgrímur Helgason rithöfundur kallaði „þetta stórkostlega en gleymda svæði Íslands“ (Fréttablaðið 8. jan.). Það eru óheillavænleg náttúruspjöll að leggja veg um hann, upphleyptan með gífurlegum ruðningi til beggja hliða, og nógu breiðan og sterkan til að þola umferð tugtonnatrukka. Það er dauðadómur yfir skóginum. Það hefur komið fram góð hugmynd um lausn á þessu vandamáli: að leggja göng um Hjallaháls og jafnvel líka Gufudalsháls. Þessi hugmynd hefur komið fram hjá manni, sem er alinn upp á þessu svæði, Bergsveini Reynissyni bónda, en einnig var hún efni leiðara Fréttablaðsins 8. jan. Með því móti fæst lausn, sem er öllum til hagsbóta: samgöngur á vesturleiðinni stórbatna og landslagið heldur sér. Höfundur er læknir Viltu birta grein á Vísi? Sendu okkur póst. Senda grein Mest lesið Halldór 01.06.2024 Halldór Hvort vilt þú Höllu Tómasdóttur eða Katrínu? Björn Björnsson Skoðun Hatur og fyrirlitning Einar Scheving Skoðun Land míns föður, land minnar móður, landið mitt Jón Gnarr Skoðun Svona velur þú þér forseta í dag Kolbeinn Karl Kristinsson Skoðun Gerum það! Stefán Hilmarsson Skoðun Viddi, Bósi Ljósár og Baldur Þórhalls Heimir Hannesson Skoðun Yfirtaka orðræðunnar (e. hijacking) Sóley Tómasdóttir Skoðun Má Katrín Jakobsdóttir bjóða sig fram? Jón Ólafsson Skoðun Gleðilegan kosningadag kæru landsmenn Snorri Ásmundsson Skoðun Skoðun Skoðun Ég kýs Michael Jordan (Höllu Hrund Logadóttur) Óskar Arnarson skrifar Skoðun Ástæður til að kjósa Jón Gnarr Helgi Hrafn Gunnarsson skrifar Skoðun Viddi, Bósi Ljósár og Baldur Þórhalls Heimir Hannesson skrifar Skoðun Gerum það! Stefán Hilmarsson skrifar Skoðun Bónaður brjóstkassi og barnaafmæli Þorbjörg Marínósdóttir skrifar Skoðun Gleðilegan kosningadag kæru landsmenn Snorri Ásmundsson skrifar Skoðun Hæfasti einstaklingurinn Hjörtur J. Guðmundsson skrifar Skoðun Verðmætin og sköpunarkraftur sá sem í mannauð okkar býr Pétur Már Halldórsson skrifar Skoðun Hvort vilt þú Höllu Tómasdóttur eða Katrínu? Björn Björnsson skrifar Skoðun Svona velur þú þér forseta í dag Kolbeinn Karl Kristinsson skrifar Skoðun Takk, Katrín Guðrún Hrefna Guðmundsdóttir skrifar Skoðun Hatur og fyrirlitning Einar Scheving skrifar Skoðun Samherjar Hafþór Reynisson skrifar Skoðun Að hitta hetjuna sína Gréta Kristín Ómarsdóttir skrifar Skoðun Einstakt tækifæri Þóra Valný Yngvadóttir skrifar Skoðun Um afrekskonuna Katrínu Tómas Ísleifsson skrifar Skoðun Land míns föður, land minnar móður, landið mitt Jón Gnarr skrifar Skoðun Óskað eftir forseta sem færir ungu fólki völd Valgerður Eyja Eyþórsdóttir skrifar Skoðun Með ósk um velgengni, Halla Hrund Viðar Hreinsson skrifar Skoðun Ég styð Höllu Hrund Logadóttur Þórólfur Árnason skrifar Skoðun Arnar Þór Jónsson Meyvant Þórólfsson skrifar Skoðun Að skreyta sig með stolnum fjöðrum Sema Erla Serdaroglu skrifar Skoðun Opið bréf til Jóns Ólafssonar heimspekings Tómas Ísleifsson skrifar Skoðun Persónan Katrín Jakobsdóttir Sólveig Hildur Björnsdóttir skrifar Skoðun Þjóðaröryggi Magnús Guðmundsson skrifar Skoðun Tóbak markaðssett fyrir ungt fólk Guðlaug B. Guðjónsdóttir skrifar Skoðun Forsetinn, NATÓ, ýsan og blokkin Guðfinnur Sigurvinsson skrifar Skoðun „Svona er á síld“ Stefán Hilmarsson skrifar Skoðun Aldrei hitta hetjurnar þínar Skarphéðinn Guðmundsson skrifar Skoðun Yfirtaka orðræðunnar (e. hijacking) Sóley Tómasdóttir skrifar Sjá meira
Hvað er svona merkilegt við Teigsskóg? spurði þulan í RÚV um daginn, þegar umræðan beindist allt í einu að skógivaxinni hlíð vestan Þorskafjarðar. Spurningin hjómaði í mínum eyrum eins og brandari úr hugarskoti Jóns Gnarr. Málið snerist um vegabætur á því svæði, sem eitt sinn hét Gufudalssveit og náði frá Múla í Þorskafirði að Klettshálsi, en það er nú hluti af Reykhólahreppi, sem tekur yfir sama svæði og áður þekktist undir nafninu Austur-Barðastrandarsýsla. Helsti vegatálmi í Gufudalssveit er óefað Hjallaháls, sem er á milli Þorskafjarðar og Djúpafjarðar, allbrattur og oft illfær vegna snjóa á vetrum. Skipulagsstjóri lagðist gegn vegi um skóginn vegna óafturkræfs skaða á umhverfi, en af öllum mönnum ógilti umhverfisráðherrann þann úrskurð og heimilaði vegagerðina af öryggisástæðum. Það er ekki ólíklegt, að bílstjórum þungra vörubíla finnist þreytandi og leiðinlegt að silast upp og niður brattann á hálsinum, jafnvel þótt til stæði að bæta hann. En voru menn í Vesturbyggð að flagga fyrir því að fá veg um Teigsskóg og losna þar með við Hjallaháls. Og talandi um að draga fána að hún, hafa ekki einhverjir ástæðu til að draga hann í hálfa stöng? Samkvæmt þessari áætlun sýnist mér bærinn Djúpidalur, eitt af fáum byggðum bólum í hinni upprunalegu Gufudalssveit, komast úr alfaraleið. Teigsskógur, sá er nefndur var hér í upphafi þessara orða, liggur í austurhlíð hálsins nær langleiðina milli Grafar og eyðibýlisins Hallsteinsness. Hann er kannske ekki merkilegur í samanburði við friðaða skóga sunnar á landinu; hann er lágvaxinn og skreytir sig helst með fallegum reynitrjám, sem standa upp úr með öðrum lit, rétt eins og sjá má vestur í Vatnsfirði. Mikilvægi hans verður hins vegar að skoðast í réttu samhengi: sem sé í því samhengi, að hann er hluti af því, sem Hallgrímur Helgason rithöfundur kallaði „þetta stórkostlega en gleymda svæði Íslands“ (Fréttablaðið 8. jan.). Það eru óheillavænleg náttúruspjöll að leggja veg um hann, upphleyptan með gífurlegum ruðningi til beggja hliða, og nógu breiðan og sterkan til að þola umferð tugtonnatrukka. Það er dauðadómur yfir skóginum. Það hefur komið fram góð hugmynd um lausn á þessu vandamáli: að leggja göng um Hjallaháls og jafnvel líka Gufudalsháls. Þessi hugmynd hefur komið fram hjá manni, sem er alinn upp á þessu svæði, Bergsveini Reynissyni bónda, en einnig var hún efni leiðara Fréttablaðsins 8. jan. Með því móti fæst lausn, sem er öllum til hagsbóta: samgöngur á vesturleiðinni stórbatna og landslagið heldur sér. Höfundur er læknir