Myrti tíu í erfidrykkju

Kínversk ekkja sem myrti tíu gesti í erfidrykkju eiginmanns síns hefur verið tekin af lífi. Konan eitraði fyrir gestunum með rottueitri sem hún blandaði út í mat sem hún bauð upp á. 23 til viðbótar veiktust en hafa jafnað sig, yngstur þeirra sem lifðu eitrunina af var þriggja ára drengur. Lögreglumenn sem rannsökuðu morðin komust að þeirri niðurstöðu að konan hefði eitrað fyrir fólkinu vegna þess að hún var reið því eftir langa og erfiða misklíð innan fjölskyldunnar.