Seðlabankinn hefur skuldabréfakaupin í maí

Stefán Ó. Jónsson skrifar 22. apríl 2020 09:12

Seðlabanki Íslands hefur í hyggju að hefja boðuð kaup á skuldabréfum ríkissjóðs á eftirmarkaði í næsta mánuði. Kaup bankans á öðrum ársfjórðungi geta numið allt að 20 milljörðum króna að kaupverði, þ.e. hreinu verði með áföllnum verðbótum á höfuðstól. Eins og áður hefur komið er áætlað að heildarskuldabréfakaup bankans geti numið allt að 150 milljörðum króna.

Seðlabankinn skerpir á þessum kaupum í tilkynningu sem hann sendi frá sér í morgun, í kjölfar yfirlýsingar peningastefnunefndar sem gefin var út fyrir liðlega mánuði. Í tilkynningu dagsins segir að markmið kaupanna sé að „að tryggja miðlun peningastefnunnar út vaxtarófið til að slakara taumhald peningastefnunnar skili sér með eðlilegum hætti til heimila og fyrirtækja.“

Miðað verður að því að umfang kaupanna séu í samræmi við eðlilega virkni markaðarins. Seðlabankinn áskilur sér því fullan sveigjanleika til að aðlaga fjárhæð, tíðni og framkvæmd kaupanna til að tryggja skilvirkni aðgerðanna.

Miðað verður að því að umfang kaupanna séu í samræmi við eðlilega virkni markaðarins. Seðlabankinn áskilur sér því fullan sveigjanleika til að aðlaga fjárhæð, tíðni og framkvæmd kaupanna til að tryggja skilvirkni aðgerðanna.

Tilkynnt verður um möguleg útboð með eins dags fyrirvara ásamt upplýsingum um þá flokka sem kaupin ná til og áætlaða hámarksfjárhæð kaupanna. Finna má upplýsingar um almenna útboðsskilmála fyrir möguleg útboð vegna kaupa Seðlabanka Íslands á skuldabréfum ríkissjóðs á eftirmarkaði hér.

Seðlabankinn Efnahagsmál

Tengdar fréttir

Hefur bein kaup á skuldabréfum ríkissjóðs á eftirmarkaði

Peningastefnunefnd Seðlabanka Íslands ákvað á aukafundi í gær að bankinn myndi hefja bein kaup á skuldabréfum ríkissjóðs á eftirmarkaði.

23. mars 2020 08:34

Seðlabankinn bakkar ríkissjóð upp til að tryggja hag fyrirtækja og heimila

Seðlabankinn ætlar að kaupa ríkisskuldabréf fyrir allt að 150 milljarða á þessu ári til að tryggja greiðslugetu ríkissjóðs. Þetta er í fyrsta skipti sem bankinn kaupir ríkisskuldabréf og er aðgerðinni ætlað að byggja undir stefnu bankans í vaxtamálum þannig að heimili og fyrirtæki hafi til lengri tíma aðgang að lágum vaxtakjörum.

25. mars 2020 12:14

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir