Dagskráin í dag: Heimildarþættir, Seinni bylgjan og sú elsta og virtasta

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Dagurinn byrjar á fjórum heimildarþáttum og -myndum. Kvennalandsliðið í Kína, Alfreð Gíslason, Hólmurinn heillaði og GS#9 er á meðal þeirra sem verður sýnt á Stöð 2 Sport í dag.

Það sem eftir lifir dags verður svo sýnt sitt lítið af hverju en Seinni bylgjan stendur vaktina í kvöld þrátt fyrir samkomubann. Henry Birgir Gunnarson og spekingar hans halda áfram að kryfja tímabilið og líta á björtu hliðirnar.

Stöð 2 Sport 2

Bikarkeppnin í knattspyrnu mun eiga Stöð 2 Sport 2 í dag. Magnaður úrslitaleikir, síðasti titill Eyjamanna og Víkinga í knattspyrnu sem og marga fleiri skemmtilega leiki má finna á Stöð 2 Sport í dag.

Stöð 2 Sport 3

Þar sem það er enginn enski bolti þessa daganna er það þess virði að rifja upp gamla skemmtilega leiki úr enska bikarnum, elstu og virtustu bikarkeppni heims sem og enska deilarbikarnum. Frábær úrslitaleikur Arsenal og Hull frá árinu 2014 sem og úrslitaleikur Chelsea og Man. United frá 2018 má finna á Stöð 2 Sport 3 í dag.

Stöð 2 eSport

Hún er þétt dagskraín á Stöð 2 eSport í dag. Útsendingar frá Vodafone-deildinni, Reykjavíkurleikunum sem og landsleikirnir í eFótbolta eru á dagskrá stöðvarinnar í dag.

Stöð 2 Golf

Á Stöð 2 Golf má finna útsendingar frá opna bandaríska mótinu á árunum 2015 til 2018, að báðum árum meðtöldum. Einnig má sinna mynd sem var gerð um Forsetabikarinn frá árinu 2019 sem og útsendingu frá lokadegi opna breska meistaramótsins frá 2019.

Allar útsendingar dagsins má finna á heimasíðu Stöðvar 2.