Sportið í dag: Finnur Freyr, nýr þjálfari ÍR og flottasti klefi landsins

Það verður nóg um að vera í Sportinu í dag. Þátturinn hefst klukkan 15:00 á Stöð 2 Sport.

Finnur Freyr Stefánsson mætir í settið og ræðir allt sem tengist körfuboltanum. 

Nýráðinn þjálfari karlaliðs ÍR í handbolta, Kristinn Björgúlfsson, verður í viðtali og sömuleiðis verður tekið hús á Fali Harðarsyni sem er að fara að hætta með karlalið Fjölnis í körfubolta. 

Einnig var líklega flottasti búningsklefi landsins skoðaður og svo verður hitað upp fyrir Domino's Körfuboltakvöld þar sem nostalgían mun ráða ríkjum.