Lífið

Dagur eitt: Ferðalangur í eigin landi

Sylvía Rut Sigfúsdóttir skrifar
Í gær var enginn að njóta þess að ganga fyrir aftan Seljalandsfoss.
Í gær var enginn að njóta þess að ganga fyrir aftan Seljalandsfoss. Vísir/Garpur

Kvikmyndagerðamaðurinn Garpur Elísabetarson er lagður af stað í einstakt ferðalag um landið. Ferðadagbók hans fyrir fyrsta daginn má finna hér fyrir neðan. 

Ég lagði af stað út úr bænum með fullan bíl af græjum, dóti og væntingum. Markmiðið að hitta Ísland og gersemar þess á næstu dögum.

Klippa: Ferðalangur í eigin landi - Dagur 1

Fyrsti áfangastaður var Hveragerði. Þar stoppaði ég hjá gjörninga listaverki móður minnar sem hún setti upp síðasta sumar. Verkið ber heitið „Þetta líður hjá“ og er tileinkað ungu fólki. Þau skilaboð eiga þó víðar vel við núna.

Því næst keyrði ég af stað á Geysi. 

Ég horfði þar á Strokk gjósa nokkrum sinnum áður en ég hélt af stað upp að Gullfossi.

Á venjulegum degi stendur fólk öxl í öxl allan hringinn í kringum Strokk.Vísir/Garpur
Strokkur hélt uppi heiðri þeirra goshvera sem gjósa í Haukadal sem fyrr.Vísir/Garpur
Haukadalur var í stuði í gær þrátt fyrir fámenni.Vísir/Garpur

Bílaplanið við Gullfoss var nánast tómt.

Það er erfitt að útskýra hvernig það er að koma á þessa fjölsóttu ferðamannastaði þegar engir ferðamenn eru. 

Það er mjög skemmtilegt og nálægðin við náttúruna verður miklu meiri. Það var þó óvænt ánægja að flestir af þeim örfáu sem urðu á vegi mínum, voru Íslendingar.

Gullfoss í klakaböndum.Vísir/Garpur
Náttúran skartaði sínu fegursta í gær.Vísir/Garpur

Ég keyrði svo austur þar sem Eyjafjöll bíða mín á morgun.

Gljúfrabúi, nágranni Seljalandsfoss, var fallegur að vanda.Vísir/Garpur
Annasamur dagur sem endaði á fallegu sólsetri við Eyjafjöll. Næst verður fyrsti partur suðurstrandarinnar kannaður, túristarnir taldir og fegurðin fönguð.Vísir/Garpur

Næstu daga ferðast Garpur Elísabetarson um landið. Garpur er aleinn en vopnaður myndavélum fyrir ferðadagbók, sem hann heldur úti hér á Vísi og í Bítinu á Stöð 2. Garpur heimsækir íslenskar náttúruperlur og hvetur Íslendinga til að kynnast landinu sínu betur. Einnig er hægt að fylgjast með Garpi á Instagram og á Facebook-síðunni Ferðalangur í eigin landi. Ferðalagið er unnið í samstarfi við Samtök ferðaþjónustunnar.


Tengdar fréttir

Garpur ferðast aleinn um Ísland á tímum kórónuveiru

Kvikmyndagerðamaðurinn Garpur Elísabetarson er lagður af stað í einstakt ferðalag um landið. Garpur er aleinn en tók með sér nóg af myndavélum og drónum svo hann gæti deilt ferðasögunni sinni með öðrum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.