Innlent

Aftur tekið við nytja­munum á endur­vinnslu­stöðvum Sorpu

Atli Ísleifsson skrifar
Biðröð við endurvinnslustöð Sorpu við Sævarhöfða.
Biðröð við endurvinnslustöð Sorpu við Sævarhöfða. Sorpa

Opnað verður fyrir móttöku nytjamuna á endurvinnslustöðvum Sorpu á ný á morgun.

Á sama tíma mun verslun Góða hirðisins í Fellsmúla opna aftur, en henni var lokað eftir að samkomubanni var komið á. Þegar versluninni var lokað á sínum tíma var hætt að taka við nytjamunum á Sorpu-stöðvum.

Í tilkynningu kemur fram að fjöldatakmarkanir verði í versluninni, þar sem einungis mega fimmtán viðskiptavinir vera í versluninni á sama tíma.

„Fjöldatakmarkanir eru inn á endurvinnslustöðvar og hafa myndast langar biðraðir af þeim sökum undanfarið og því gott ef fólk flokkar vel áður en haldið er til endurvinnslustöðar til losun gangi hratt og vel fyrir sig,“ segir í tilkynningunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.