Fótbolti

Ronaldo fór í fýlu þegar Lewandowski var valinn bestur

Ingvi Þór Sæmundsson skrifar
Cristiano Ronaldo lék fýlustrákinn þegar Robert Lewandowski var valinn besti leikmaður heims.
Cristiano Ronaldo lék fýlustrákinn þegar Robert Lewandowski var valinn besti leikmaður heims. getty/Valeriano Di Domenico

Cristiano Ronaldo var langt frá því að vera sáttur þegar Robert Lewandowski var valinn besti leikmaður heims á verðlaunahátíð FIFA í gær.

Ronaldo, Lewandowski og Lionel Messi voru tilnefndir sem besti leikmaður heims og fylgdust með verðlaunaafhendingunni í gegnum fjarfundabúnað.

Þegar Gianni Infantino, forseti FIFA, tilkynnti að Lewandowski hefði hreppt hnossið gat Ronaldo ekki leynt vonbrigðum sínum eins og sjá má hér fyrir neðan.

Ronaldo vann þessi verðlaun 2016 og 2017 en lenti í 2. sæti í kjörinu í ár. Hann fékk 38 atkvæði en Lewandowski 52 atkvæði. Messi var í 3. sæti með 35 atkvæði.

Lewandowski vann allt sem hægt var að vinna með Bayern München á síðasta tímabili og skoraði 55 mörk í 47 leikjum fyrir þýska liðið.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.