Tólf greindust innanlands og allir í sóttkví

Atli Ísleifsson skrifar 4. desember 2020 10:52

Um tvö hundruð manns hafa verið í einangrun á Íslandi vegna Covid-19 síðustu daga. Vísir/Vilhelm

Tólf greindust með kórónuveiruna innanlands í gær. Allir sem greindust voru í sóttkví.

Þetta kemur fram í uppfærðum tölum á vefnum covid.is. 38 eru nú á sjúkrahúsi vegna Covid-19 og þar af tveir á gjörgæslu. Er um sama fjölda að ræða og í gær.

Fimm greindust á landamærum – einn með virkt smit í fyrri landamæraskimun og svo greindist annar í seinni skimun og þá er niðurstöðu mótefnamælingar beðið í tilvikum þriggja.

212 manns eru nú í einangrun, en fjöldinn var 205 í gær. Þá eru 679 í sóttkví í dag, samanborið við 670 í gær.

Af þeim tólf sem greindust í gær greindust sjö eftir svokallaða einkennasýnatöku en fimm eftir sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 45,8 en var 45,5 í gær. Þá er nýgengi landamærasmita nú 11,2, en var 12,8 í gær.

Alls hafa nú 5.462 manns greinst með kórónuveiruna á Íslandi frá upphafi faraldursins. Á síðunni kemur fram að af þeim sem greinst hafa með Covid-19 á Íslandi eru 27 látin.

Alls voru tekin 803 einkennasýni hjá sýkla- og veirufræðideild Landspítalans og Íslenskri erfðagreiningu í gær og 339 sýni á landamærunum eða í seinni landamæraskimun. Þá voru tekin 65 sýni í svokallaðri sóttkvíar- og handahófsskimun.

Fréttin hefur verið uppfærð.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.