Studdust við staðsetningarforrit og leituðu án leyfis í herbergi hælisleitenda Tryggvi Páll Tryggvason skrifar 4. desember 2020 09:01 Húsleitin var gerð í húsi að Ásbrú. Vísir/Vilhelm Tekist verður á um það í dag í Héraðsdómi Reykjavíkur hversu háa fjárhæð tveir hælisleitendur fá í skaðabætur frá ríkinu vegna fjölmennrar leitar lögreglu að síma sem grunur var um að stolið hefði verið af barni í Reykjanesbæ. Aðalmeðferð málsins fer fram í dag en íslenska ríkið hefur viðurkennt að umrædd leit í herbergjum hælisleitendanna tveggja hafi verið ólögmæt. Ekki hefur hins vegar samist um hversu háa fjárhæð ríkið þurfi að greiða hælisleitendum í skaðabætur. Málið má rekja til þess að síma var stolið af barni í strætóskýli í Reykjanesbæ í mars árið 2019. Víkurfréttir sögðu frá málinu og greindu frá fjölmennri lögregluaðgerð vegna málsins í blokk á Ásbrú, dvalarstað hælisleitenda. Sagði í frétt Víkurfrétta að forritið Find my iPhone hefði staðsett umræddan síma í umræddri blokk. Síminn fannst að lokum eftir nokkuð umfangsmikla leit lögreglumanna í blokkinni, sem voru síðar sakaðir um að hafa ruðst inn í herbergi við leitina að símanum. Segja um að ræða umfangsmestu lögregluaðgerð vegna síma í sögu Íslands Hælisleitendurnir tveir, annar frá Írak og hinn frá Íran, fæddir árið 1987 og 1986, sem urðu fyrir barðinu á húsleit lögreglumannanna stefndu íslenska ríkinu vegna málsins. Lilja Björg Ágústsdóttir hjá Opus lögmönnum flytur málið fyrir þeirra hönd. Hefur ríkið viðurkennt að þeir tveir hafi ekkert sér unnið sér til saka og að húsleitin í herbergi þeirra hafi verið ólögleg. Í stefnunni er málið rakið og segir þar meðal annars að fjölmennt lið lögreglu á minnst fjórum lögreglubílum hafi farið inn í blokkina og leitað í hverju herberginu á fætur öðru. „Fullyrða má að aldrei áður hefur jafn umfangsmikil og mannaflsfrek lögregluaðgerð farið fram á Íslandi vegna gruns um stolinn farsíma“, segir í stefnunni þar sem aðgerðir lögreglu eru gagnrýndar mjög. Myndband sýni fram á að ekki hafi verið spurt um leyfi Í tilviki annars þeirra hafi lögreglumenn barið harkalega á dyrnar áður en gengið var inn í herbergi hans, og í tilviki hins hafi lögreglumenn gengið inn án þess að banka. Leitað hafi verið í herbergjum þeirra án samþykkis og segir í stefnunni að raunar hafi lögregla ekki leitað eftir skriflegu né munnlegu samþykki frá hælisleitendunum tveimur. Aðgerðir lögreglu eru gagnrýndar mjög í stefnunni.Vísir/Vilhelm Hafa myndbönd sem tekin voru á vettvangi lögð fram sem sönnunargögn. Í stefnunni segir að á einu þeirra megi meðal annars heyra lögreglumann biðjast afsökunar á því að hafa þurft að leita í herbergi annars hælisleitandans: „We are done here. We are sorry to interrupt you, but this had to happen. I‘m sorry about it, but this is how it is. Now we are going. Okay, you understand? Síminn fannst ekki í fórum hælisleitendanna tveggja. Síminn fannst að lokum í öðru herbergi í húsinu. Í stefnunni er því haldið fram að lögregla hafi leitað með viðlíka hætti í öllum herbergjum hússins og að í sumum tilvikum hafi heimilismenn neyðst til að standa fáklæddir eða á nærfötum einum fata fyrir framan lögreglumenn á meðan leitað var í herbergjunum. Sem fyrr segir hefur íslenska ríkið viðurkennt að húsleitin hafi verið ólögmæt og að mennirnir tveir hafi ekki unnið sér neitt til saka. Alls fara mennirnir þeir fram á tvær milljónir á mann í bætur vegna málsins. Segir í stefnunni að samningaviðræður hafi farið fram um upphæð skaðabótanna, án árangurs. Mun dómsmálið nú því skera úr um hversu háar bæturnar verða. Búið að vísa mönnunum úr landi Byggja mennirnir tveir meðal annars á því að aðgerðir lögreglu gagnvart þeim og það hvernig þær voru framkvæmdir hafi með neikvæðum hætti tekið mið af því að þeir voru hælisleitendur. Byggja þeir einnig á því að húsleitin hefði ekki verið framkvæmd með sama hætti ef um hefði verið að ræða hús þar sem byggju ekki hælisleitendur. „Stefnendur telja ósennilegt að gengið hefði verið fram með sama hætti ef símaforritið Find my Iphone hefði bent til þess að farsíminn væri staðsettur í fjölbýlishúsi þar sem byggi fjöldi einstaklinga sem ekki væru hælisleitendur. Með aðgerðunum var því brotið gegn jafnræðissjónarmiðum og jafnræðisreglum laga, m.a. 65. gr. stjórnarskrárinnar,“ segir í stefnunni. Mennirnir höfðu sótt um alþjóðlega vernd hér á landi en voru handteknir þann 4. júní 2019 og sendir úr landi, þar sem ekki var fallist á umsóknir þeirra um alþjóðlega vernd hér á landi. Í fréttinni var fyrst sagt að hælisleitendurnir báðir væru frá Íran. Hið rétta er að annar þeirra er frá Íran, hinn frá Írak. Þetta hefur nú verið leiðrétt. Reykjanesbær Hælisleitendur Lögreglumál Lögreglan Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Eldinum í bílnum fylgdi heljarinnar sprenging Innlent Endurnýja spá um lok umbrota við Grindavík Innlent Búast má við slyddu Veður Ný sýn fékk meirihluta Innlent Sú sem var oftast nefnd ekki ein af fjórum efstu í könnunum Innlent Forsetavaktin 2024: Hver verður sjöundi forseti lýðveldisins? Innlent Ísraelsmenn vísa fréttamönnum á dyr Erlent Fleiri fréttir „Ódýrt“ að gera samningana tortryggilega Leikskólar Árborgar verða lokaðir á milli jóla- og nýárs Völd óskast: Forseti allra kynslóða? Eldinum í bílnum fylgdi heljarinnar sprenging Orku- og samgöngumál efst á lista nýs sveitarfélags Viðurkennir að hafa gengið of hart fram Tíðindi í kjaradeilu flugvallarstarfsmanna og bein útsending úr Bakgarðshlaupinu Frestun verkfalla kemur til greina „Í fangelsi eins og á Litla-Hrauni gerist allt“ Sáttasemjari boðar til fundar: Fimm dagar til stefnu Orkuskipti, innflytjendalöggjöf og bensínstöðvalóðirnar „Þetta breytti mér mjög mikið sem persónu“ Ný sýn fékk meirihluta Slagsmál enduðu með nefbroti Bíll logaði í Vesturbænum „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu Sjá meira
Aðalmeðferð málsins fer fram í dag en íslenska ríkið hefur viðurkennt að umrædd leit í herbergjum hælisleitendanna tveggja hafi verið ólögmæt. Ekki hefur hins vegar samist um hversu háa fjárhæð ríkið þurfi að greiða hælisleitendum í skaðabætur. Málið má rekja til þess að síma var stolið af barni í strætóskýli í Reykjanesbæ í mars árið 2019. Víkurfréttir sögðu frá málinu og greindu frá fjölmennri lögregluaðgerð vegna málsins í blokk á Ásbrú, dvalarstað hælisleitenda. Sagði í frétt Víkurfrétta að forritið Find my iPhone hefði staðsett umræddan síma í umræddri blokk. Síminn fannst að lokum eftir nokkuð umfangsmikla leit lögreglumanna í blokkinni, sem voru síðar sakaðir um að hafa ruðst inn í herbergi við leitina að símanum. Segja um að ræða umfangsmestu lögregluaðgerð vegna síma í sögu Íslands Hælisleitendurnir tveir, annar frá Írak og hinn frá Íran, fæddir árið 1987 og 1986, sem urðu fyrir barðinu á húsleit lögreglumannanna stefndu íslenska ríkinu vegna málsins. Lilja Björg Ágústsdóttir hjá Opus lögmönnum flytur málið fyrir þeirra hönd. Hefur ríkið viðurkennt að þeir tveir hafi ekkert sér unnið sér til saka og að húsleitin í herbergi þeirra hafi verið ólögleg. Í stefnunni er málið rakið og segir þar meðal annars að fjölmennt lið lögreglu á minnst fjórum lögreglubílum hafi farið inn í blokkina og leitað í hverju herberginu á fætur öðru. „Fullyrða má að aldrei áður hefur jafn umfangsmikil og mannaflsfrek lögregluaðgerð farið fram á Íslandi vegna gruns um stolinn farsíma“, segir í stefnunni þar sem aðgerðir lögreglu eru gagnrýndar mjög. Myndband sýni fram á að ekki hafi verið spurt um leyfi Í tilviki annars þeirra hafi lögreglumenn barið harkalega á dyrnar áður en gengið var inn í herbergi hans, og í tilviki hins hafi lögreglumenn gengið inn án þess að banka. Leitað hafi verið í herbergjum þeirra án samþykkis og segir í stefnunni að raunar hafi lögregla ekki leitað eftir skriflegu né munnlegu samþykki frá hælisleitendunum tveimur. Aðgerðir lögreglu eru gagnrýndar mjög í stefnunni.Vísir/Vilhelm Hafa myndbönd sem tekin voru á vettvangi lögð fram sem sönnunargögn. Í stefnunni segir að á einu þeirra megi meðal annars heyra lögreglumann biðjast afsökunar á því að hafa þurft að leita í herbergi annars hælisleitandans: „We are done here. We are sorry to interrupt you, but this had to happen. I‘m sorry about it, but this is how it is. Now we are going. Okay, you understand? Síminn fannst ekki í fórum hælisleitendanna tveggja. Síminn fannst að lokum í öðru herbergi í húsinu. Í stefnunni er því haldið fram að lögregla hafi leitað með viðlíka hætti í öllum herbergjum hússins og að í sumum tilvikum hafi heimilismenn neyðst til að standa fáklæddir eða á nærfötum einum fata fyrir framan lögreglumenn á meðan leitað var í herbergjunum. Sem fyrr segir hefur íslenska ríkið viðurkennt að húsleitin hafi verið ólögmæt og að mennirnir tveir hafi ekki unnið sér neitt til saka. Alls fara mennirnir þeir fram á tvær milljónir á mann í bætur vegna málsins. Segir í stefnunni að samningaviðræður hafi farið fram um upphæð skaðabótanna, án árangurs. Mun dómsmálið nú því skera úr um hversu háar bæturnar verða. Búið að vísa mönnunum úr landi Byggja mennirnir tveir meðal annars á því að aðgerðir lögreglu gagnvart þeim og það hvernig þær voru framkvæmdir hafi með neikvæðum hætti tekið mið af því að þeir voru hælisleitendur. Byggja þeir einnig á því að húsleitin hefði ekki verið framkvæmd með sama hætti ef um hefði verið að ræða hús þar sem byggju ekki hælisleitendur. „Stefnendur telja ósennilegt að gengið hefði verið fram með sama hætti ef símaforritið Find my Iphone hefði bent til þess að farsíminn væri staðsettur í fjölbýlishúsi þar sem byggi fjöldi einstaklinga sem ekki væru hælisleitendur. Með aðgerðunum var því brotið gegn jafnræðissjónarmiðum og jafnræðisreglum laga, m.a. 65. gr. stjórnarskrárinnar,“ segir í stefnunni. Mennirnir höfðu sótt um alþjóðlega vernd hér á landi en voru handteknir þann 4. júní 2019 og sendir úr landi, þar sem ekki var fallist á umsóknir þeirra um alþjóðlega vernd hér á landi. Í fréttinni var fyrst sagt að hælisleitendurnir báðir væru frá Íran. Hið rétta er að annar þeirra er frá Íran, hinn frá Írak. Þetta hefur nú verið leiðrétt.
Reykjanesbær Hælisleitendur Lögreglumál Lögreglan Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Í fangelsi eins og á Litla-Hrauni gerist allt“ Innlent „Þetta breytti mér mjög mikið sem persónu“ Innlent Viðurkennir að hafa gengið of hart fram Innlent Eldinum í bílnum fylgdi heljarinnar sprenging Innlent Endurnýja spá um lok umbrota við Grindavík Innlent Búast má við slyddu Veður Ný sýn fékk meirihluta Innlent Sú sem var oftast nefnd ekki ein af fjórum efstu í könnunum Innlent Forsetavaktin 2024: Hver verður sjöundi forseti lýðveldisins? Innlent Ísraelsmenn vísa fréttamönnum á dyr Erlent Fleiri fréttir „Ódýrt“ að gera samningana tortryggilega Leikskólar Árborgar verða lokaðir á milli jóla- og nýárs Völd óskast: Forseti allra kynslóða? Eldinum í bílnum fylgdi heljarinnar sprenging Orku- og samgöngumál efst á lista nýs sveitarfélags Viðurkennir að hafa gengið of hart fram Tíðindi í kjaradeilu flugvallarstarfsmanna og bein útsending úr Bakgarðshlaupinu Frestun verkfalla kemur til greina „Í fangelsi eins og á Litla-Hrauni gerist allt“ Sáttasemjari boðar til fundar: Fimm dagar til stefnu Orkuskipti, innflytjendalöggjöf og bensínstöðvalóðirnar „Þetta breytti mér mjög mikið sem persónu“ Ný sýn fékk meirihluta Slagsmál enduðu með nefbroti Bíll logaði í Vesturbænum „Eldgosið virðist í andarslitrunum“ Endurnýja spá um lok umbrota við Grindavík Öruggara Suðurland“ – nýtt og spennandi verkefni Sú sem var oftast nefnd ekki ein af fjórum efstu í könnunum Landsmenn ánægðir með frammistöðu Höllu Tómasdóttur í kappræðunum Sló til starfsmanns og beit viðskiptavin „Skrímsladeildin“ hafi skorið upp herör gegn mótframbjóðendum Katrínar Hefur ekki áhuga á slúðurfréttum af öðrum frambjóðendum Tólf tíma tökudagar og svo forsetaframboð Hvernig ætlar ríkið að sækja milljónirnar 360 sem Haraldur gaf? Flottustu Mustang bílarnir landsins til sýnis í dag Halla Hrund eigi langt í land með að tryggja sér embættið Rýnt í forsetakappræður og fylgst með Bakgarðshlaupi „Ég get ekki annað en sagt satt“ Ríflega fjörutíu prósent líst illa á Katrínu Sjá meira