Verkfall flugvirkja Landhelgisgæslunnar hefst á miðnætti

Hallgerður Kolbrún E. Jónsdóttir skrifar 5. nóvember 2020 23:16

Flugvirkjar hjá Landhelgisgæslu Íslands munu leggja niður störf á miðnætti að öllu óbreyttu. Vísir/Vilhelm

Verkfall flugvirkja sem starfa hjá Landhelgisgæslu Íslands hefst að óbreyttu á miðnætti í kvöld.

Flugvirkjafélag Íslands, FVFÍ, boðaði vinnustöðvun félagsmanna sem starfa hjá Landhelgisgæslunni þann 20. október síðastliðinn og nær verkfallið til allra verka sem flugvirkjar Landhelgisgæslu Íslands sinna á vegum hennar. Það er að undanskildum lögboðnum löggæslu- og björgunarflugverkefnum.

Kosið var um verkfallið fyrr í október og voru átján flugvirkjar á kjörskrá. Sextán þeirra greiddu atkvæði og greiddu fjórtán þeirra með verkfalli en tveir sátu hjá.

Verkfall sem áður hafði verið boðað og átti að hefjast 28. október var aflýst.

Landhelgisgæslan Kjaramál

Tengdar fréttir

Flugvirkjar Landhelgisgæslunnar boða verkfall

Flugvirkjafélag Íslands hefur boðað verkfall hjá þeim félagsmönnum sem starfa hjá Landhelgisgæslu Íslands.

21. október 2020 08:30

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.