Vökvapressan gegn 1500 blaðsíðum

YouTube er myndbandaveita sem er troðfull af allskonar skemmtilegum myndböndum, hvort sem það eru tónlistarmyndbönd eða bara myndbönd af allskonar vitleysu.

Margir hafa sett upp sína eigin YouTube-rás og hafa af því atvinnu að setja inn myndbönd og reyna fá sem flesta til að horfa á þau.

Ein slík er rásin Hydraulic Press Channel þar sem koma aðeins inn myndbönd þar sem verið er að kremja allskonar hluti. Fólk hefur mikinn áhuga á þessum myndböndum en í nýjasta myndbandinu má sjá þegar pressuvélin fræga reynir við 1500 blaðsíður af hefðbundnum blöðum

Lauri Vuohensilta og eiginkona hans Anni Vuohensilta halda úti rásinni og var hún stofnuð í október árið 2015.

Hjónin nota ógnarsterka vökvapressu í verkefnið sem nær nánast að pressa alla hluti heims.