Hitnar undir Zidane og Raúl bíður átekta á kantinum Ingvi Þór Sæmundsson skrifar 24. október 2020 09:00 Zinedine Zidane hefur um nóg að hugsa þessa dagana. getty/Diego Souto Aðeins þremur mánuðum eftir að hafa gert Real Madrid að Spánarmeisturum er talað um að starf Zinedines Zidane, knattspyrnustjóra liðsins, sé í hættu. Real Madrid, sem hefur tapað tveimur leikjum í röð, sækir Barcelona heim klukkan 14:00 í dag. Leikurinn verður sýndur beint á Stöð 2 Sport 2. El Clásico er alltaf risastór viðburður en það hefur oftast verið bjartara yfir risunum sem etja þar kappi en nú. Liðin töpuðu bæði í spænsku úrvalsdeildinni fyrir viku, Barcelona 1-0 fyrir Getafe og Real Madrid með sömu markatölu fyrir nýliðum Cádiz. Þetta er í fyrsta sinn í 20 ár sem bæði Barcelona og Real Madrid tapa á sama degi án þess að skora. Börsungar rifu sig upp í Meistaradeildinni í miðri viku og rúlluðu yfir Ferencváros frá Ungverjalandi, 5-1. Vont varð hins vegar verra fyrir Real Madrid sem tapaði fyrir Shakhtar Donetsk á heimavelli, 2-3. Madrídingar voru 0-3 undir í hálfleik gegn úkraínsku meisturunum sem voru án tíu leikmanna vegna kórónuveirunnar. Bæði spænska íþróttablaðið AS og L'Équipe í Frakklandi segja að starf Zidanes sé í hættu eftir ófarir síðustu tveggja leikja. Mauricio Pochettino og Raúl hafa verið nefndir sem mögulegir eftirmenn Zidanes. Raúl er þjálfari Castilla, varaliðs Real Madrid, og er goðsögn hjá félaginu. Hann er leikjahæstur í sögu Real Madrid og sá næstmarkahæsti. Ef Raúl verður ráðinn má segja að Florentino Pérez, forseti Real Madrid, fari svipaða leið og þegar hann réði Zidane á sínum tíma. Þeir eru báðir miklar Real Madrid-hetjur og þjálfuðu varalið félagsins. Raddirnar um að Raúl eigi að taka við Real Madrid verða sífellt háværari.getty/Jonathan Moscrop Það væri mjög hart ef Zidane yrði látinn taka pokann sinn enda gerði að hann Real Madrid að Spánarmeisturum á síðasta tímabili á síðasta tímabili og hefur alls unnið ellefu titla sem stjóri liðsins, þar af Meistaradeildina í þrígang. En þrátt fyrir frábæran árangur á stuttum stjóraferli virðast alltaf vera efasemdir um hversu góður stjóri Zidane er í raun og veru. Real Madrid varð Spánarmeistari á síðasta tímabili á eins lítinn Real Madrid-hátt og mögulegt er. Liðið spilaði frábæran varnarleik og tólf af 26 sigurleikjum þess voru með einu marki. Alls 21 leikmaður skoraði fyrir Real Madrid á síðasta tímabili en fyrir utan Karim Benzema (21 mark) og Sergio Ramos (11 mörk) skoraði enginn meira en fjögur mörk. Sergio Ramos, fyrirliði Real Madrid, með Spánarmeistarabikarinn.getty/Ricardo Nogueira Eden Hazard, stóru kaup Real Madrid sumarið 2019, gerði ekkert á sínu fyrsta tímabili á Santiago Bernabéu og hefur ekki spilað neitt í vetur vegna meiðsla. Norðmaðurinn Martin Ødegaard, sem sneri aftur til Real Madrid í sumar eftir vel heppnaða lánsdvöl hjá Real Sociedad, er sömuleiðis meiddur. Brassarnir ungu Rodrygo og Vinícius Júnior eiga enn nokkuð í land, Luka Jovic hefur ekki náð neinu flugi hjá Real Madrid og leikmenn á borð við Marco Asensio og Isco virðast hafa staðnað. Real Madrid er því gríðarlega háð Benzema í sóknarleiknum. Zidane er enn að leita að réttu blöndunni, gerir margar breytingar milli í leikja og í leiknum gegn Cádíz gerði hann fjórfalda skiptingu í hálfleik. Úr leik seinni leik Real Madrid og Barcelona í spænsku úrvalsdeildinni á síðasta tímabili. Madrídingar unnu leikinn, 2-0, með mörkum Vinícius Júnior og Marianos Díaz.getty/Burak Akbulut Þótt allt sé í steik utan vallar hjá Börsungum eru þeir í betri málum innan vallar en erkifjendurnir frá höfuðborginni. Ronald Koeman hefur aðeins hrist upp í leikmannahópnum, liðið er enn með Lionel Messi og engin takmörk virðast fyrir því hversu langt ungstirnið Ansu Fati getur náð. Madrídingar geta þó huggað sig við það að þeir hafa aldrei tapað á Nývangi undir stjórn Zidanes. Í fimm leikjum í Barcelona hefur Real Madrid unnið tvo og gert þrjú jafntefli. En sá franski hefur aldrei þurft jafn mikið á góðum úrslitum á Nývangi að halda og í dag. Spænski boltinn Mest lesið Ronaldo sagður hafa hótað að siga lögreglunni á börnin Fótbolti Ekkert spilað í þrjú ár eftir ítrekuð læknamistök Handbolti Rekinn fyrir að kyssa liðsfélaga sinn Sport „Ég get ekki pissað eins og ég gerði áður“ Sport Trúnaðarbrestur og formaðurinn hættur Íslenski boltinn Stóð uppi sem hetja Englands þrátt fyrir áfall skömmu fyrir mót Fótbolti Mario fer ekki á EM – fimm dottnir úr hópi Íslands Körfubolti Þjálfarinn Wiegman stal senunni í fagnaðarlátum enska liðsins Fótbolti Byrjaði ekki einn leik á EM en var samt valin í lið mótsins Fótbolti „Rosalega vitlaust á þessum tímapunkti í leiknum“ Íslenski boltinn Fleiri fréttir Í beinni: Valur - FH | Geta farið í úrslit í fyrsta sinn Þjálfarinn Wiegman stal senunni í fagnaðarlátum enska liðsins Katla mögulega á leið til Ítalíu Byrjaði ekki einn leik á EM en var samt valin í lið mótsins FH konur ætla að skrifa söguna í kvöld KR missir sinn efnilegasta mann Liverpool nær í framherja frá félagi Beckham og Gary Neville Eddie Howe segir að Newcastle hafi ekki enn fengið tilboð í Isak Jóhannes skrifar undir hjá Kolding „Rosalega vitlaust á þessum tímapunkti í leiknum“ Trúnaðarbrestur og formaðurinn hættur Alisson flaug heim vegna persónulegra mála Ekroth skúrkurinn í Stúkunni: „Hann grípur um andlitið, hann veit af þessu“ Sjáðu markið sem var stolið, rauða spjaldið og alla markaveislu Stjörnunnar Ronaldo sagður hafa hótað að siga lögreglunni á börnin Stóð uppi sem hetja Englands þrátt fyrir áfall skömmu fyrir mót Arftakinn sagður koma frá Hlíðarenda „Bara pæling sem kom frá Caulker“ „Vorum búnir að vera miklu betri“ „Þurftum ekkert að vera að drífa okkur“ Uppselt á Evrópuleik KA á Akureyri Gæti enn spilað í úrvalsdeildinni eftir að hafa fallið þrívegis Markasúpur í „Íslendingaslögum“ KR lætur þjálfarateymið fjúka Uppgjörið: Stjarnan - Afturelding 4-1 | Snéru við dæminu manni fleiri Tómas Bent nálgast Edinborg Nýtt útlit hjá Guardiola Aflýstu æfingaferð eftir hræðilegar fréttir að heiman Nýtt undrabarn hjá Arsenal Flúraði sig til minningar um Jota Sjá meira
Aðeins þremur mánuðum eftir að hafa gert Real Madrid að Spánarmeisturum er talað um að starf Zinedines Zidane, knattspyrnustjóra liðsins, sé í hættu. Real Madrid, sem hefur tapað tveimur leikjum í röð, sækir Barcelona heim klukkan 14:00 í dag. Leikurinn verður sýndur beint á Stöð 2 Sport 2. El Clásico er alltaf risastór viðburður en það hefur oftast verið bjartara yfir risunum sem etja þar kappi en nú. Liðin töpuðu bæði í spænsku úrvalsdeildinni fyrir viku, Barcelona 1-0 fyrir Getafe og Real Madrid með sömu markatölu fyrir nýliðum Cádiz. Þetta er í fyrsta sinn í 20 ár sem bæði Barcelona og Real Madrid tapa á sama degi án þess að skora. Börsungar rifu sig upp í Meistaradeildinni í miðri viku og rúlluðu yfir Ferencváros frá Ungverjalandi, 5-1. Vont varð hins vegar verra fyrir Real Madrid sem tapaði fyrir Shakhtar Donetsk á heimavelli, 2-3. Madrídingar voru 0-3 undir í hálfleik gegn úkraínsku meisturunum sem voru án tíu leikmanna vegna kórónuveirunnar. Bæði spænska íþróttablaðið AS og L'Équipe í Frakklandi segja að starf Zidanes sé í hættu eftir ófarir síðustu tveggja leikja. Mauricio Pochettino og Raúl hafa verið nefndir sem mögulegir eftirmenn Zidanes. Raúl er þjálfari Castilla, varaliðs Real Madrid, og er goðsögn hjá félaginu. Hann er leikjahæstur í sögu Real Madrid og sá næstmarkahæsti. Ef Raúl verður ráðinn má segja að Florentino Pérez, forseti Real Madrid, fari svipaða leið og þegar hann réði Zidane á sínum tíma. Þeir eru báðir miklar Real Madrid-hetjur og þjálfuðu varalið félagsins. Raddirnar um að Raúl eigi að taka við Real Madrid verða sífellt háværari.getty/Jonathan Moscrop Það væri mjög hart ef Zidane yrði látinn taka pokann sinn enda gerði að hann Real Madrid að Spánarmeisturum á síðasta tímabili á síðasta tímabili og hefur alls unnið ellefu titla sem stjóri liðsins, þar af Meistaradeildina í þrígang. En þrátt fyrir frábæran árangur á stuttum stjóraferli virðast alltaf vera efasemdir um hversu góður stjóri Zidane er í raun og veru. Real Madrid varð Spánarmeistari á síðasta tímabili á eins lítinn Real Madrid-hátt og mögulegt er. Liðið spilaði frábæran varnarleik og tólf af 26 sigurleikjum þess voru með einu marki. Alls 21 leikmaður skoraði fyrir Real Madrid á síðasta tímabili en fyrir utan Karim Benzema (21 mark) og Sergio Ramos (11 mörk) skoraði enginn meira en fjögur mörk. Sergio Ramos, fyrirliði Real Madrid, með Spánarmeistarabikarinn.getty/Ricardo Nogueira Eden Hazard, stóru kaup Real Madrid sumarið 2019, gerði ekkert á sínu fyrsta tímabili á Santiago Bernabéu og hefur ekki spilað neitt í vetur vegna meiðsla. Norðmaðurinn Martin Ødegaard, sem sneri aftur til Real Madrid í sumar eftir vel heppnaða lánsdvöl hjá Real Sociedad, er sömuleiðis meiddur. Brassarnir ungu Rodrygo og Vinícius Júnior eiga enn nokkuð í land, Luka Jovic hefur ekki náð neinu flugi hjá Real Madrid og leikmenn á borð við Marco Asensio og Isco virðast hafa staðnað. Real Madrid er því gríðarlega háð Benzema í sóknarleiknum. Zidane er enn að leita að réttu blöndunni, gerir margar breytingar milli í leikja og í leiknum gegn Cádíz gerði hann fjórfalda skiptingu í hálfleik. Úr leik seinni leik Real Madrid og Barcelona í spænsku úrvalsdeildinni á síðasta tímabili. Madrídingar unnu leikinn, 2-0, með mörkum Vinícius Júnior og Marianos Díaz.getty/Burak Akbulut Þótt allt sé í steik utan vallar hjá Börsungum eru þeir í betri málum innan vallar en erkifjendurnir frá höfuðborginni. Ronald Koeman hefur aðeins hrist upp í leikmannahópnum, liðið er enn með Lionel Messi og engin takmörk virðast fyrir því hversu langt ungstirnið Ansu Fati getur náð. Madrídingar geta þó huggað sig við það að þeir hafa aldrei tapað á Nývangi undir stjórn Zidanes. Í fimm leikjum í Barcelona hefur Real Madrid unnið tvo og gert þrjú jafntefli. En sá franski hefur aldrei þurft jafn mikið á góðum úrslitum á Nývangi að halda og í dag.
Spænski boltinn Mest lesið Ronaldo sagður hafa hótað að siga lögreglunni á börnin Fótbolti Ekkert spilað í þrjú ár eftir ítrekuð læknamistök Handbolti Rekinn fyrir að kyssa liðsfélaga sinn Sport „Ég get ekki pissað eins og ég gerði áður“ Sport Trúnaðarbrestur og formaðurinn hættur Íslenski boltinn Stóð uppi sem hetja Englands þrátt fyrir áfall skömmu fyrir mót Fótbolti Mario fer ekki á EM – fimm dottnir úr hópi Íslands Körfubolti Þjálfarinn Wiegman stal senunni í fagnaðarlátum enska liðsins Fótbolti Byrjaði ekki einn leik á EM en var samt valin í lið mótsins Fótbolti „Rosalega vitlaust á þessum tímapunkti í leiknum“ Íslenski boltinn Fleiri fréttir Í beinni: Valur - FH | Geta farið í úrslit í fyrsta sinn Þjálfarinn Wiegman stal senunni í fagnaðarlátum enska liðsins Katla mögulega á leið til Ítalíu Byrjaði ekki einn leik á EM en var samt valin í lið mótsins FH konur ætla að skrifa söguna í kvöld KR missir sinn efnilegasta mann Liverpool nær í framherja frá félagi Beckham og Gary Neville Eddie Howe segir að Newcastle hafi ekki enn fengið tilboð í Isak Jóhannes skrifar undir hjá Kolding „Rosalega vitlaust á þessum tímapunkti í leiknum“ Trúnaðarbrestur og formaðurinn hættur Alisson flaug heim vegna persónulegra mála Ekroth skúrkurinn í Stúkunni: „Hann grípur um andlitið, hann veit af þessu“ Sjáðu markið sem var stolið, rauða spjaldið og alla markaveislu Stjörnunnar Ronaldo sagður hafa hótað að siga lögreglunni á börnin Stóð uppi sem hetja Englands þrátt fyrir áfall skömmu fyrir mót Arftakinn sagður koma frá Hlíðarenda „Bara pæling sem kom frá Caulker“ „Vorum búnir að vera miklu betri“ „Þurftum ekkert að vera að drífa okkur“ Uppselt á Evrópuleik KA á Akureyri Gæti enn spilað í úrvalsdeildinni eftir að hafa fallið þrívegis Markasúpur í „Íslendingaslögum“ KR lætur þjálfarateymið fjúka Uppgjörið: Stjarnan - Afturelding 4-1 | Snéru við dæminu manni fleiri Tómas Bent nálgast Edinborg Nýtt útlit hjá Guardiola Aflýstu æfingaferð eftir hræðilegar fréttir að heiman Nýtt undrabarn hjá Arsenal Flúraði sig til minningar um Jota Sjá meira