Veður

Frystir víða í kvöld og líkur á hálku

Sunna Kristín Hilmarsdóttir skrifar
Það verður dálítið kalt í kvöld.
Það verður dálítið kalt í kvöld. Veðurstofa Íslands

Það dregur úr norðaustanáttinni með morgninum og eftir hádegi verður vindur víða á bilinu fimm til tíu metrar á sekúndu, að því er segir í hugleiðingum veðurfræðings á vef Veðurstofu Íslands.

Það verður bjart að mestu á Vesturlandi en dálítil él norðan- og austanlands og skúrir með suðurströndinni.

Hiti á bilinu eitt til sjö stig en í kvöld lægir og frystir allvíða. Þar sem enn verður blautt eru því líkur á hálku.

„Hæg vestlæg eða breytileg átt og bjart með köflum á morgun, en það verða stöku skúrir eða él vestantil á landinu og með norðurströndinni. Hiti 0 til 5 stig yfir daginn, en frystir aftur víða annað kvöld,“ segir í hugleiðingum veðurfræðings.

Veðurhorfur á landinu:

Minnkandi norðaustanátt, 5-10 m/s eftir hádegi. Bjart að mestu á Vesturlandi, en dálítil él norðan- og austanlands og skúrir sunnantil. Hiti 1 til 7 stig, en lægir í kvöld og frystir allvíða.

Hæg vestlæg eða breytileg átt og bjart með köflum á morgun, en stöku skúrir eða él vestantil og með norðurströndinni. Hiti 0 til 5 stig yfir daginn.

Á þriðjudag:

Hæg vestlæg eða breytileg átt og bjart með köflum, en stöku skúrir eða él vestanlands og með norðurströndinni. Hiti 0 til 5 stig yfir daginn.

Á miðvikudag:

Suðlæg átt 5-10 og dálítil rigning eða slydda á Suður- og Vesturlandi, hiti 1 til 6 stig. Hægari og léttskýjað norðaustan- og austanlands með hita kringum frostmark.

Á fimmtudag og föstudag:

Ákveðin suðaustan- og austanátt og rigning með köflum, en þurrt að kalla norðanlands. Hiti 0 til 7 stig, mildast sunnantil.

Á laugardag (fyrsti vetrardagur):

Hvöss austanátt og rigning, og talsverð úrkoma um landið austanvert. Hiti 3 til 8 stig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.