36 greindust innanlands og ellefu nú á sjúkrahúsi

Atli Ísleifsson skrifar 1. október 2020 11:01

Skimað fyrir kórónaveirunni. Vísir/Vilhelm

36 greindust með kórónuveiruna innanlands í gær. Tuttugu þeirra sem greindust voru í sóttkví við greiningu. Fjögur virk smit greindust á landamærum.

Þetta kemur fram í uppfærðum tölum á vefnum covid.is. Alls eru ellefu nú á sjúkrahúsi vegna Covid-19, þar af tveir á gjörgæslu.

582 manns eru nú í einangrun, samanborið við 551 í gær. Þá eru 1.697 í sóttkví í dag, samanborið við 1.747 í gær.

Af þeim 36 sem greindust innanlands í gær greindust 31 eftir að tekin voru svokölluð einkennasýni og þrír við sóttkvíar- og handahófsskimun. Þá greindist tveir við skimun hjá Íslenskri erfðagreiningu.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 145,4 en var 140,7 í gær. Þá er nýgengi landamærasmita nú 7,1, en var 6,3 í gær.

Nú hafa 2.769 manns greinst smitaðir af kórónuveiru frá upphafi faraldursins. Tíu þeirra sem hafa veikst af Covid-19 eru látnir.

Alls voru tekin 1.115 einkennasýni hjá sýkla- og veirufræðideild Landspítalans og Íslenskri erfðagreiningu í gær og 618 sýni á landamærunum eða í seinni landamæraskimun. Þá voru 286 sýni tekin við sóttkvíar- og handahófsskimun.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.