Telur nýtt krabbameinslyf hafa komið sér undan dauðadómi Kristín Ólafsdóttir skrifar 30. september 2020 12:32 Hallgrímur Jónasson, fyrrverandi flugstjóri. Bylgjan Hallgrímur Jónasson fyrrverandi flugstjóri telur að nýlegt líftæknilyf sem hann hóf að taka inn í krabbameinsmeðferð vorið 2018 hafi bjargað lífi hans. Hann greindist með 4. stigs krabbamein í árslok 2016 en hefðbundin lyf bitu ekki á meinið. Meinvörpin hafi hins vegar minnkað hægt og bítandi þökk sé nýja lyfinu og nú stendur Hallgrímur frammi fyrir því að fá mögulega frí frá krabbameinsmeðferð í fyrsta sinn í tæp fjögur ár. Greint var frá því í kvöldfréttum Stöðvar 2 fyrir skömmu að bylting hafi orðið síðustu ár í meðferð krabbameinssjúkra með nýjum líftæknilyfjum sem örva ónæmiskerfið. Agnes Smáradóttir, yfirlæknir krabbameina á lyflækningasviði Landspítalans, sagði í samtali við fréttastofu að þetta eigi sérstaklega við um þá sem eru með sortuæxliskrabbamein sem hefur dreift sér, lungnakrabbamein og nýrnakrabbamein. Þorsteinn Fr. Sigurðsson, maður sem greindist með 4. stigs krabbamein í mars 2018, tilkynnti í ágúst síðastliðnum að hann væri læknaður af krabbameininu, sem talið hafði verið ólæknandi. Þorsteinn losnaði við meinið eftir að hafa farið í mánaðarlega meðferð með líftæknilyfinu Nivolumab. Nýrnakrabbamein af illlæknanlegri tegund Hallgrímur Jónasson fyrrverandi flugstjóri hefur svipaða sögu að segja, sem hann rakti ítarlega í viðtali í Bítinu á Bylgjunni í morgun. Hallgrímur, sem m.a. vann um árabil í Afríku fyrir Icelandair, veiktist af hitabeltisveiru fyrir nokkrum áratugum og var við dauðans dyr. Hann var lengi undir eftirliti lækna í kjölfar veikindanna og árið 2016 fannst stórt æxli við annað nýrað í honum. Nýrað, með æxlinu, var fjarlægt í skurðaðgerð í árslok 2016 en þá kom jafnframt í ljós að krabbameinið hafði náð að dreifa sér og var á 4. stigi. „Mér var sagt það strax að þetta væri nýrnakrabbamein af illlæknanlegri tegund, sem hefðbundin lyf virkuðu illa á og geislar ekki. Þar að auki voru þessi meinvörp ekki skurðtæk en meðferðin byrjaði strax eftir aðgerðina. Ég man þess dagsetningu raunar, 4. janúar 2017, þá hefst meðferðin, hefðbundin lyfjameðferð, og hún stendur yfir þangað til í apríl 2018, án árangurs,“ sagði Hallgrímur í Bítinu. Möguleiki á fríi í fyrsta sinn í fjögur ár Hann kvaðst hafa fengið slæmar aukaverkanir af lyfjameðferðinni en í apríl 2018 var hann loks boðaður á fund með krabbameinslækni sínum, Ásgerði Sverrisdóttur. Hún var þá búin að sækja um að hann fengi nýtt lyf, Nivolumab. Hallgrímur fór í fyrstu lyfjagjöfina síðar í þessum sama mánuði og hefur fengið það mánaðarlega síðan þá. Meinvörpin, sem gömlu lyfin höfðu ekkert bitið á mánuðina á undan, hófu loks að minnka. „Mjög fljótlega sést að meinvörpin eru ekki að vaxa. Svo líða þrír mánuðir í viðbót og þá kemur í ljós við sneiðmyndatöku að meinvörpin eru að minnka og síðan hafa þau bara verið að minnka og þau eru langt komin með að hverfa eins og ég sit hér í dag,“ sagði Hallgrímur. „Og ef þetta heldur áfram eins og horfir núna er verið að tala um að taka mig af lyfinu, af lyfjagjöf, og ég fái í fyrsta sinn síðan í janúar 2017 frí frá meðferð.“ Farinn að pæla í endalokunum Hallgrímur lýsti því að aukaverkanir af þessu nýja lyfi geti verið nokkuð svæsnar. Þær eru þó vægar í tilfelli Hallgríms; húð- og munnþurrkur og einstaka sinnum roði í húð. Hallgrímur telur að lyfið hafi bjargað lífi sínu – komið sér undan dauðadómi. „Sjálfur tel ég enga spurningu um það. Hefðbundna lyfið, eldri krabbameinslyf sem hafa verið notuð með auðvitað góðum árangri líka í mýmörgum tilfellum, það var ekkert að gera neitt fyrir þetta tiltekna krabbamein. Ég var undirbúin undir það [dauðann], samtölin á spítalanum voru þannig. Ég gerði strax í mínu tilfelli grein fyrir því að hafa allt uppi á borði,“ sagði Hallgrímur. „Vissulega var maður á því stigi þarna að vera farinn að pæla í endalokunum. Að það væri kannski styttra í þau en maður hafði vonað eða reiknað með. Þetta er auðvitað mikil dýfa að vera greindur með krabbamein. Það er alveg ljóst að það eru alltof margir sem standa í þessum sporum, eins og ég var þarna.“ Heilbrigðismál Bítið Tengdar fréttir Gjörbylting í meðferð krabbameina Gjörbylting hefur orðið síðustu ár í meðferð krabbameinsveikra með nýjum líftæknilyfjum. Maður sem greindist með alvarlegasta stig krabbameins sem hafði dreift sér, læknaðist eftir slíka meðferð. 25. september 2020 19:00 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Fjölskylda í norðurljósaleit hrakin á brott af leiðsögumönnum Innlent Ísland að tapa í slagnum um ferðamenn Innlent Íbúar Hlíða velta fyrir sér dularfullum hvelli Innlent Svipar til gamalla óupplýstra rána Innlent Stærsti gígurinn orðinn „formfagur“ Innlent Hætt við framboð og vonast eftir þjóðhollum og guðræknum forseta Innlent Voru sérstaklega varaðir við árás frá ISKP Erlent Fullkomlega sáttur við ákvörðun sína en útilokar ekkert Innlent Fleiri fréttir Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Sjá meira
Hallgrímur Jónasson fyrrverandi flugstjóri telur að nýlegt líftæknilyf sem hann hóf að taka inn í krabbameinsmeðferð vorið 2018 hafi bjargað lífi hans. Hann greindist með 4. stigs krabbamein í árslok 2016 en hefðbundin lyf bitu ekki á meinið. Meinvörpin hafi hins vegar minnkað hægt og bítandi þökk sé nýja lyfinu og nú stendur Hallgrímur frammi fyrir því að fá mögulega frí frá krabbameinsmeðferð í fyrsta sinn í tæp fjögur ár. Greint var frá því í kvöldfréttum Stöðvar 2 fyrir skömmu að bylting hafi orðið síðustu ár í meðferð krabbameinssjúkra með nýjum líftæknilyfjum sem örva ónæmiskerfið. Agnes Smáradóttir, yfirlæknir krabbameina á lyflækningasviði Landspítalans, sagði í samtali við fréttastofu að þetta eigi sérstaklega við um þá sem eru með sortuæxliskrabbamein sem hefur dreift sér, lungnakrabbamein og nýrnakrabbamein. Þorsteinn Fr. Sigurðsson, maður sem greindist með 4. stigs krabbamein í mars 2018, tilkynnti í ágúst síðastliðnum að hann væri læknaður af krabbameininu, sem talið hafði verið ólæknandi. Þorsteinn losnaði við meinið eftir að hafa farið í mánaðarlega meðferð með líftæknilyfinu Nivolumab. Nýrnakrabbamein af illlæknanlegri tegund Hallgrímur Jónasson fyrrverandi flugstjóri hefur svipaða sögu að segja, sem hann rakti ítarlega í viðtali í Bítinu á Bylgjunni í morgun. Hallgrímur, sem m.a. vann um árabil í Afríku fyrir Icelandair, veiktist af hitabeltisveiru fyrir nokkrum áratugum og var við dauðans dyr. Hann var lengi undir eftirliti lækna í kjölfar veikindanna og árið 2016 fannst stórt æxli við annað nýrað í honum. Nýrað, með æxlinu, var fjarlægt í skurðaðgerð í árslok 2016 en þá kom jafnframt í ljós að krabbameinið hafði náð að dreifa sér og var á 4. stigi. „Mér var sagt það strax að þetta væri nýrnakrabbamein af illlæknanlegri tegund, sem hefðbundin lyf virkuðu illa á og geislar ekki. Þar að auki voru þessi meinvörp ekki skurðtæk en meðferðin byrjaði strax eftir aðgerðina. Ég man þess dagsetningu raunar, 4. janúar 2017, þá hefst meðferðin, hefðbundin lyfjameðferð, og hún stendur yfir þangað til í apríl 2018, án árangurs,“ sagði Hallgrímur í Bítinu. Möguleiki á fríi í fyrsta sinn í fjögur ár Hann kvaðst hafa fengið slæmar aukaverkanir af lyfjameðferðinni en í apríl 2018 var hann loks boðaður á fund með krabbameinslækni sínum, Ásgerði Sverrisdóttur. Hún var þá búin að sækja um að hann fengi nýtt lyf, Nivolumab. Hallgrímur fór í fyrstu lyfjagjöfina síðar í þessum sama mánuði og hefur fengið það mánaðarlega síðan þá. Meinvörpin, sem gömlu lyfin höfðu ekkert bitið á mánuðina á undan, hófu loks að minnka. „Mjög fljótlega sést að meinvörpin eru ekki að vaxa. Svo líða þrír mánuðir í viðbót og þá kemur í ljós við sneiðmyndatöku að meinvörpin eru að minnka og síðan hafa þau bara verið að minnka og þau eru langt komin með að hverfa eins og ég sit hér í dag,“ sagði Hallgrímur. „Og ef þetta heldur áfram eins og horfir núna er verið að tala um að taka mig af lyfinu, af lyfjagjöf, og ég fái í fyrsta sinn síðan í janúar 2017 frí frá meðferð.“ Farinn að pæla í endalokunum Hallgrímur lýsti því að aukaverkanir af þessu nýja lyfi geti verið nokkuð svæsnar. Þær eru þó vægar í tilfelli Hallgríms; húð- og munnþurrkur og einstaka sinnum roði í húð. Hallgrímur telur að lyfið hafi bjargað lífi sínu – komið sér undan dauðadómi. „Sjálfur tel ég enga spurningu um það. Hefðbundna lyfið, eldri krabbameinslyf sem hafa verið notuð með auðvitað góðum árangri líka í mýmörgum tilfellum, það var ekkert að gera neitt fyrir þetta tiltekna krabbamein. Ég var undirbúin undir það [dauðann], samtölin á spítalanum voru þannig. Ég gerði strax í mínu tilfelli grein fyrir því að hafa allt uppi á borði,“ sagði Hallgrímur. „Vissulega var maður á því stigi þarna að vera farinn að pæla í endalokunum. Að það væri kannski styttra í þau en maður hafði vonað eða reiknað með. Þetta er auðvitað mikil dýfa að vera greindur með krabbamein. Það er alveg ljóst að það eru alltof margir sem standa í þessum sporum, eins og ég var þarna.“
Heilbrigðismál Bítið Tengdar fréttir Gjörbylting í meðferð krabbameina Gjörbylting hefur orðið síðustu ár í meðferð krabbameinsveikra með nýjum líftæknilyfjum. Maður sem greindist með alvarlegasta stig krabbameins sem hafði dreift sér, læknaðist eftir slíka meðferð. 25. september 2020 19:00 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Fjölskylda í norðurljósaleit hrakin á brott af leiðsögumönnum Innlent Ísland að tapa í slagnum um ferðamenn Innlent Íbúar Hlíða velta fyrir sér dularfullum hvelli Innlent Svipar til gamalla óupplýstra rána Innlent Stærsti gígurinn orðinn „formfagur“ Innlent Hætt við framboð og vonast eftir þjóðhollum og guðræknum forseta Innlent Voru sérstaklega varaðir við árás frá ISKP Erlent Fullkomlega sáttur við ákvörðun sína en útilokar ekkert Innlent Fleiri fréttir Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Sjá meira
Gjörbylting í meðferð krabbameina Gjörbylting hefur orðið síðustu ár í meðferð krabbameinsveikra með nýjum líftæknilyfjum. Maður sem greindist með alvarlegasta stig krabbameins sem hafði dreift sér, læknaðist eftir slíka meðferð. 25. september 2020 19:00