Innlent

32 greindust innan­lands og tveir nú á gjör­gæslu

Atli Ísleifsson skrifar
_28A1309-Ronken-Covid-Covid 19 gamur-LSH-TH-Thorkelsson-2020-20x30
LJÓSMYND/LANDSPÍTALI/ÞORKELL

32 greindust með kórónuveiruna innanlands í gær. Sautján þeirra sem greindust voru í sóttkví við greiningu.

Þetta kemur fram í uppfærðum tölum á vefnum covid.is. Alls eru sex nú á sjúkrahúsi vegna Covid-19, þar af tveir á gjörgæslu og annar í öndunarvél. Í gær voru fimm á sjúkrahúsi og þar af einn á gjörgæslu. Ekkert smit greindist á landamærum í gær.

525 manns eru nú í einangrun, samanborið við 492 í gær. Þá eru 1.620 í sóttkví í dag, samanborið við 1.897 í gær.

Af þeim 32 sem greindust innanlands var um 26 einkennasýni að ræða og sex við sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 135,3 en var 128,2 í gær. Þá er nýgengi landamærasmita nú 6,8, en var 6,5 í gær.

Nú hafa 2.663 manns greinst smitaðir af kórónuveiru frá upphafi faraldursins. Tíu þeirra sem hafa veikst af Covid-19 eru látnir.

Alls voru tekin 1.038 einkennasýni hjá sýkla- og veirufræðideild Landspítalans og Íslenskri erfðagreiningu í gær og 564 sýni á landamærunum eða í seinni landamæraskimun. Þá voru 379 sýni tekin við sóttkvítar- og handahófsskimun og 347 í annarri skimun hjá Íslenskri erfðagreiningu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.