Sjáðu mörkin og rauðu spjöldin úr Grafarvogi

Anton Ingi Leifsson skrifar 20. september 2020 08:00

Atvikið þegar hinn danski var sendur í bað. vísir/getty

Fjölnir og KA gerðu 1-1 jafntefli er liðin mættust í eina leik gærdagsins í Pepsi Max deild karla í knattspyrnu.

Það dró til tíðinda á 34. mínútu er Mikkel Qvist fékk dæmda á sig vítaspyrnu eftir viðskipti við Sigurpál Melberg Pálsson.

Daninn var ekki bara dæmdur brotlegur því einnig fékk hann að líta rauða spjadlið. Jón Gísli Ström kom Fjölni yfir 1-0 úr vítaspyrnunni.

Þetta var ekki eina rauða spjaldið í leiknum því á 42. mínútu fékk markmannsþjálfari Fjölnis, Gunnar Sigurðsson, að líta rauða spjaldið.

Einum manni færri náðu KA menn að jafna metin í síðari hálfleik. Það var að verki Ásgeir Sigurgeirsson eftir fyrirgjöf frá Hallgrími Mar Steingrímssyni stundarfjórðungi fyrir leikslok.

Lokatölur 1-1. Fjölnir áfram á botninum án sigurs en liðið er með sex stig, átta stigum frá ÍA, sem er í 10. sætinu.

KA er í áttunda sætinu með fimmtán stig.

Fjölnir KA Pepsi Max-deild karla

Tengdar fréttir

Arnar: Setti liðsfélagana í erfiða stöðu

Þjálfari KA var ánægður með frammistöðu sinna manna í seinni hálfleik gegn Fjölni.

19. september 2020 16:55

Umfjöllun og viðtöl: Fjölnir - KA 1-1 | Fjölnismenn bíða enn eftir fyrsta sigrinum

Þrátt fyrir að vera manni fleiri í 55 mínútur og komast yfir tókst Fjölni ekki að vinna KA á Extra-vellinum í Grafarvogi í eina leik dagsins í Pepsi Max-deild karla.

19. september 2020 16:54

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.