Guðlaugur Victor bestur: Einkunnir íslensku strákanna í leiknum Íþróttadeild skrifar 5. september 2020 18:05 Guðlaugur Victor Pálsson í baráttunni við Declan Rice í leiknum í dag. Getty/Hafliði Breiðfjörd Íslenska karlalandsliðið í knattspyrnu var hársbreidd frá því að ná eitthvað út úr leiknum á móti stjörnuprýddu ensku landsliði í leik liðanna í Þjóðadeildinni sem fór fram í Laugardalnum í dag. Englendingar tryggðu sér sigur með marki Raheem Sterling úr vítaspyrnu undir loks leiks og Birki Bjarnasyni mistókst síðan að jafna metin í vítaspyrnu sem íslenska liðið fékk í uppbótartíma. Grátlegur endir á leiknum. Íslenska liðið lék án margra lykilmanna í dag en íslensku strákarnir stóðu sig vel og áttu svo sannarlega skilið að fá eitthvað út úr þessum leik. Guðlaugur Victor Pálsson var besti maður íslenska liðsins í leiknum og hjálpaði íslensku þjóðinni að gleyma því að það vantaði fyrirliðann Aron Einar Gunnarsson inn á miðjuna. Guðlaugur Victor lék sinn langbesta landsleik á ferlinum og gaf ekkert eftir í baráttunni við ensku stjörnurnar. Kári Árnason var einnig frábær í miðri vörninni með Sverri Inga Ingason sér við hlið. Þeir pökkuðu saman pirruðum Harry Kane sem var á endanum tekinn af velli. Hér fyrir neðan má sjá mat blaðamanna Vísis á frammstöðu íslensku strákanna í leiknum í dag. Byrjunarliðið: Hannes Þór Halldórsson, markvörður 7 Hafði miklu minna að gera en hann bjóst eflaust við fyrir leikinn. Leysti það sem hann þurfti að gera með stæl og greip vel inn í. Fór í rangt horn í vítaspyrnu Raheems Sterling. Hjörtur Hermannsson, hægri bakvörður 7 Stóð vaktina gegn Sterling, og síðan Jadon Sancho, einstaklega vel. Vann fullt af tæklingum. Gekk illa að koma boltanum á samherja. Kári Árnason, miðvörður 9 Stjórnaði vörninni af mikilli festu og sýndi leiðtogahæfileika sína. Var, líkt og Sverrir Ingi, með Harry Kane í gjörgæslu. Sverrir Ingi Ingason, miðvörður 8 Lék einkar vel en fékk á sig vítaspyrnu undir lokin og var rekinn af velli. Afar traustur við hlið Kára. Réðist á alla lausa bolta nálægt vítateig Íslands og var vel á verði. Hörður Björgvin Magnússon, vinstri bakvörður 8 Átti fullt í fangi með Sancho en hafði góðar gætur á Dortmund-manninum. Lék einn af sínum bestu landsleikjum. Jón Dagur Þorsteinsson, hægri kantmaður 7 Agaður, skynsamur og sinnti varnarvinnunni vel. Fékk ekki mikil tækifæri til að láta til sín taka í sókninni og gekk illa að koma boltanum frá sér. Guðlaugur Victor Pálsson, miðjumaður 9 Stjörnuframmistaða hjá Victori sem lék sinn langbesta landsleik á ferlinum. Spilaði af gríðarlega miklum krafti, var vinnusamur og ógnarsterkur í návígum. Öflugur í skallaboltunum. Birkir Bjarnason, miðjumaður 6 Klúðraði vítaspyrnu í uppbótartíma. Hélt sig meira til hlés en Victor en var afar skynsamur og hélt stöðu sinni fyrir framan vörnina vel. Gegndi afar mikilvægu hlutverki í varnarleik Íslands. Hélt þokkalega í boltann. Arnór Ingvi Traustason, vinstri kantmaður:6 Var aðallega í varnarhlutverki í leiknum. Átti ágætis skot beint úr aukaspyrnu rétt framhjá í fyrri hálfleik. Náði í seinna gula spjaldið á Kyle Walker. Jón Daði Böðvarsson, framherji 6 Sterkur í loftinu og óhemju duglegur að vanda. Fékk enga þjónustu en var óþreytandi. Hefði að ósekju mátt halda boltanum betur og koma honum oftar á samherja. Albert Guðmundsson, framherji 7 Frískur og átt nokkra góða spretti þótt hann hafi ekki fengið úr neinu að moða. Fiskaði fyrra gula spjaldið á Walker. Varamenn: Arnór Sigurðsson kom inn á fyrir Jón Dag Þorsteinsson á 65. mínútu 6 Sást lítið eftir að hann kom inn á og komst lítið í boltann. Emil Hallfreðsson kom inn á fyrir Arnór Ingva Traustason á 76. mínútu Kom inn á til að þétta miðsvæðið síðasta stundarfjórðunginn. Skilaði boltanum vel frá sér. Spilaði of lítið til að fá einkunn. Hólmbert Aron Friðjónsson kom inn á fyrir Jón Daða Böðvarsson á 90. mínútu Eftirminnileg innkoma. Fiskaði vítaspyrnu þegar hann var nýkominn inn á sínum fyrsta keppnisleik með íslenska landsliðinu. Spilaði of lítið til að fá einkunn. Þjóðadeild UEFA Mest lesið Ósk pínir Þórdísi til sigurs: „Ég er ekki mamma eða pabbi hennar“ Sport Býður sig óvænt fram til forseta fyrst kvenna Sport Sungu UEFA Mafia og Breiðablik fékk 1,4 milljóna króna sekt Fótbolti Dortmund biðst afsökunar á að hafa gert grín að stamandi áhrifavaldi Fótbolti Man. Utd fær tvo til baka: Amorim grínaðist með fundinn með Ratcliffe Enski boltinn Littler laug því að hann væri hættur Sport Sveindís áberandi í nótt en sofnar í bíó Fótbolti „Hugsa að hann eigi alveg inni einhverja sentímetra, jafnvel tíu“ Sport Sjáðu glæsimark Rashford gegn Newcastle og öll hin Fótbolti Segir að United hafi keypt rangan markvörð: „Aldrei heyrt um hann“ Enski boltinn Fleiri fréttir Slæm byrjun Chelsea skilaði Bayern sigri Þrjú rauð spjöld á Sauðárkróki: Tindastóll fer á Laugardalsvöll Kristian skoraði og lagði upp í stórsigri gegn fyrrum félögum Framlengir um fimm ár og snýr aftur á morgun Sonur Zidane skiptir um landslið Lítil hvíld hjá Man. City | Við ætlum í fjallgöngu Man. Utd fær tvo til baka: Amorim grínaðist með fundinn með Ratcliffe Sungu UEFA Mafia og Breiðablik fékk 1,4 milljóna króna sekt Gylfi skoraði í eina sigri Everton á Anfield á þessari öld Dregið í Meistaradeild: Glódís mætir Íslendingum, Arsenal og Barcelona Sveindís áberandi í nótt en sofnar í bíó Segir að United hafi keypt rangan markvörð: „Aldrei heyrt um hann“ Óttast að Amorim verði rekinn ef illa fer gegn Chelsea Sjáðu glæsimark Rashford gegn Newcastle og öll hin Atlético og UEFA rannsaka myndband af hrákanum Dortmund biðst afsökunar á að hafa gert grín að stamandi áhrifavaldi Potter undir mikilli pressu Langfljótastur í fimmtíu mörkin Markaveislur hjá Frankfurt og Sporting Erfið endurkoma hjá De Bruyne Tvenna Rashford tryggði þrjú stig Amanda spilar í Meistaradeildinni Sluppu með stig eftir stórkostlegt mark og annað óheppilegt Sædís og Arna í Meistaradeild Evrópu Fékk viljandi rautt og gæti misst af úrslitaleiknum Mourinho strax kominn með nýtt starf Messi að framlengja við Inter Miami Enduðu á nærbuxunum og gátu ekki flogið Wildcard hugleiðingar Fantasýn: Haaland inn, Salah út og bíða með Isak Fær nýjan þriggja ára samning þrátt fjögur töp í fyrstu fjórum leikjunum Sjá meira
Íslenska karlalandsliðið í knattspyrnu var hársbreidd frá því að ná eitthvað út úr leiknum á móti stjörnuprýddu ensku landsliði í leik liðanna í Þjóðadeildinni sem fór fram í Laugardalnum í dag. Englendingar tryggðu sér sigur með marki Raheem Sterling úr vítaspyrnu undir loks leiks og Birki Bjarnasyni mistókst síðan að jafna metin í vítaspyrnu sem íslenska liðið fékk í uppbótartíma. Grátlegur endir á leiknum. Íslenska liðið lék án margra lykilmanna í dag en íslensku strákarnir stóðu sig vel og áttu svo sannarlega skilið að fá eitthvað út úr þessum leik. Guðlaugur Victor Pálsson var besti maður íslenska liðsins í leiknum og hjálpaði íslensku þjóðinni að gleyma því að það vantaði fyrirliðann Aron Einar Gunnarsson inn á miðjuna. Guðlaugur Victor lék sinn langbesta landsleik á ferlinum og gaf ekkert eftir í baráttunni við ensku stjörnurnar. Kári Árnason var einnig frábær í miðri vörninni með Sverri Inga Ingason sér við hlið. Þeir pökkuðu saman pirruðum Harry Kane sem var á endanum tekinn af velli. Hér fyrir neðan má sjá mat blaðamanna Vísis á frammstöðu íslensku strákanna í leiknum í dag. Byrjunarliðið: Hannes Þór Halldórsson, markvörður 7 Hafði miklu minna að gera en hann bjóst eflaust við fyrir leikinn. Leysti það sem hann þurfti að gera með stæl og greip vel inn í. Fór í rangt horn í vítaspyrnu Raheems Sterling. Hjörtur Hermannsson, hægri bakvörður 7 Stóð vaktina gegn Sterling, og síðan Jadon Sancho, einstaklega vel. Vann fullt af tæklingum. Gekk illa að koma boltanum á samherja. Kári Árnason, miðvörður 9 Stjórnaði vörninni af mikilli festu og sýndi leiðtogahæfileika sína. Var, líkt og Sverrir Ingi, með Harry Kane í gjörgæslu. Sverrir Ingi Ingason, miðvörður 8 Lék einkar vel en fékk á sig vítaspyrnu undir lokin og var rekinn af velli. Afar traustur við hlið Kára. Réðist á alla lausa bolta nálægt vítateig Íslands og var vel á verði. Hörður Björgvin Magnússon, vinstri bakvörður 8 Átti fullt í fangi með Sancho en hafði góðar gætur á Dortmund-manninum. Lék einn af sínum bestu landsleikjum. Jón Dagur Þorsteinsson, hægri kantmaður 7 Agaður, skynsamur og sinnti varnarvinnunni vel. Fékk ekki mikil tækifæri til að láta til sín taka í sókninni og gekk illa að koma boltanum frá sér. Guðlaugur Victor Pálsson, miðjumaður 9 Stjörnuframmistaða hjá Victori sem lék sinn langbesta landsleik á ferlinum. Spilaði af gríðarlega miklum krafti, var vinnusamur og ógnarsterkur í návígum. Öflugur í skallaboltunum. Birkir Bjarnason, miðjumaður 6 Klúðraði vítaspyrnu í uppbótartíma. Hélt sig meira til hlés en Victor en var afar skynsamur og hélt stöðu sinni fyrir framan vörnina vel. Gegndi afar mikilvægu hlutverki í varnarleik Íslands. Hélt þokkalega í boltann. Arnór Ingvi Traustason, vinstri kantmaður:6 Var aðallega í varnarhlutverki í leiknum. Átti ágætis skot beint úr aukaspyrnu rétt framhjá í fyrri hálfleik. Náði í seinna gula spjaldið á Kyle Walker. Jón Daði Böðvarsson, framherji 6 Sterkur í loftinu og óhemju duglegur að vanda. Fékk enga þjónustu en var óþreytandi. Hefði að ósekju mátt halda boltanum betur og koma honum oftar á samherja. Albert Guðmundsson, framherji 7 Frískur og átt nokkra góða spretti þótt hann hafi ekki fengið úr neinu að moða. Fiskaði fyrra gula spjaldið á Walker. Varamenn: Arnór Sigurðsson kom inn á fyrir Jón Dag Þorsteinsson á 65. mínútu 6 Sást lítið eftir að hann kom inn á og komst lítið í boltann. Emil Hallfreðsson kom inn á fyrir Arnór Ingva Traustason á 76. mínútu Kom inn á til að þétta miðsvæðið síðasta stundarfjórðunginn. Skilaði boltanum vel frá sér. Spilaði of lítið til að fá einkunn. Hólmbert Aron Friðjónsson kom inn á fyrir Jón Daða Böðvarsson á 90. mínútu Eftirminnileg innkoma. Fiskaði vítaspyrnu þegar hann var nýkominn inn á sínum fyrsta keppnisleik með íslenska landsliðinu. Spilaði of lítið til að fá einkunn.
Þjóðadeild UEFA Mest lesið Ósk pínir Þórdísi til sigurs: „Ég er ekki mamma eða pabbi hennar“ Sport Býður sig óvænt fram til forseta fyrst kvenna Sport Sungu UEFA Mafia og Breiðablik fékk 1,4 milljóna króna sekt Fótbolti Dortmund biðst afsökunar á að hafa gert grín að stamandi áhrifavaldi Fótbolti Man. Utd fær tvo til baka: Amorim grínaðist með fundinn með Ratcliffe Enski boltinn Littler laug því að hann væri hættur Sport Sveindís áberandi í nótt en sofnar í bíó Fótbolti „Hugsa að hann eigi alveg inni einhverja sentímetra, jafnvel tíu“ Sport Sjáðu glæsimark Rashford gegn Newcastle og öll hin Fótbolti Segir að United hafi keypt rangan markvörð: „Aldrei heyrt um hann“ Enski boltinn Fleiri fréttir Slæm byrjun Chelsea skilaði Bayern sigri Þrjú rauð spjöld á Sauðárkróki: Tindastóll fer á Laugardalsvöll Kristian skoraði og lagði upp í stórsigri gegn fyrrum félögum Framlengir um fimm ár og snýr aftur á morgun Sonur Zidane skiptir um landslið Lítil hvíld hjá Man. City | Við ætlum í fjallgöngu Man. Utd fær tvo til baka: Amorim grínaðist með fundinn með Ratcliffe Sungu UEFA Mafia og Breiðablik fékk 1,4 milljóna króna sekt Gylfi skoraði í eina sigri Everton á Anfield á þessari öld Dregið í Meistaradeild: Glódís mætir Íslendingum, Arsenal og Barcelona Sveindís áberandi í nótt en sofnar í bíó Segir að United hafi keypt rangan markvörð: „Aldrei heyrt um hann“ Óttast að Amorim verði rekinn ef illa fer gegn Chelsea Sjáðu glæsimark Rashford gegn Newcastle og öll hin Atlético og UEFA rannsaka myndband af hrákanum Dortmund biðst afsökunar á að hafa gert grín að stamandi áhrifavaldi Potter undir mikilli pressu Langfljótastur í fimmtíu mörkin Markaveislur hjá Frankfurt og Sporting Erfið endurkoma hjá De Bruyne Tvenna Rashford tryggði þrjú stig Amanda spilar í Meistaradeildinni Sluppu með stig eftir stórkostlegt mark og annað óheppilegt Sædís og Arna í Meistaradeild Evrópu Fékk viljandi rautt og gæti misst af úrslitaleiknum Mourinho strax kominn með nýtt starf Messi að framlengja við Inter Miami Enduðu á nærbuxunum og gátu ekki flogið Wildcard hugleiðingar Fantasýn: Haaland inn, Salah út og bíða með Isak Fær nýjan þriggja ára samning þrátt fjögur töp í fyrstu fjórum leikjunum Sjá meira