Bílar

Allt að 42% samdráttur í umferð á Hringveginum

Kristinn Ásgeir Gylfason skrifar
Frá Reykjanesbraut. Myndin er úr safni.
Frá Reykjanesbraut. Myndin er úr safni. Vísir/vilhelm

Nú þegar um þrjár vikur eru liðnar af mars mánuði hefur umferð á hringveginum dregist saman um að meðaltali um 20-25% og upp í 42% ef miðað er við sama tíma í fyrra. Á höfuðborgarsvæðinu hefur umferð dregist saman um 10,1% ef miðað er við sama tíma í fyrra.

Taflan hér að neðan er fengin af vef Vegagerðarinnar.


Staðsetning á Hringvegi 2019 2020  Samdráttur í %
Mýrdalssandur   28.572    16.653  - 41,7 % 
Vestan Hvolsvallar   80.312 
  57.772  - 28,1 % 
Á Hellisheiði 191.962  145.599  - 24,2 % 
Á Geithálsi 267.200 211.713  - 20,8 % 
Við Úlfarsfell  728.021  636.578  - 12,6 % 
Um Hvalfjarðargöng 156.738  121.062  - 22,8 % 
Við Hafnarfjall    97.279    71.037  - 27,0 % 
Á Holtavörðuheiði    27.593    18.108  - 34,4 % 
Við Gljúfurá     28.447    19.310  - 32,1 % 
Í Öxnadal    24.679    17.934  - 27,3 % 
Í Kræklingahlíð    71.451    52.695
- 26,3 % 
Á Mývatnsheiði    12.368     9.107 - 26,4 % 
Á Mývatnsöræfum       7.577      4.452  - 41,2 % 
Á Möðrudalsöræfum       7.004     4.362  - 37,7 % 
Á Fagradal     23.242   18.877  - 18,8 % 
Við Hvalnes í Lóni       6.090     4.238  - 30,4 % 
 Samtals 1.758.535  1.409.497 
- 19,8 % 
 
Hringvegurinn
Umferðin á Hringveginum hefur dregist saman um tæp 20% ef öll mælisnið eru tekin með í reikninginn. Ef undanskilið er mælisnið við Úlfarsfell þá er samdrátturinn um 25%. Þetta kemur fram á vef Vegagerðarinnar.

Mestur er samdrátturinn á Mýrdalssandi 41,7% það sem af er mars borið saman við sama tíma í fyrra.

Umferð hefur dregist þónokkuð saman á Höfuðborgarsvæðinu í mars. Vísir/Vilhelm

Höfuðborgarsvæðið
Mælt er á þremur stöðum og hefur umferð um Hafnarfjarðarveg, við Kópavogslæk dregist mest saman eða um 15,3%. Þá hefur umferð dregist saman um 9,1% á Reykjanesbraut við Dalveg og 7% á Vesturlandsvegi ofan Ártúnsbrekku.

Augljóst er að það samkomubann sem í gildi er vegna kórónuveirunnar er lang stærsti valdur samdráttar í umferðinni. Það verður áhugavert að fylgjast með umferðartalningu áfram nú þegar strangara samkomubann hefur tekið gildi. Þá má ætla að afleiðingar kórónuveirunnar á komu ferðamanna til landsins hafi átt stóran þátt í samdrættinum.


Tengdar fréttir

Umferð dregst saman á höfuðborgarsvæðinu

Umferð á höfuðborgarsvæðinu dróst saman um 0,9% í febrúar í ár miðað við febrúar í fyrra skv. mælingum Vegagerðarinnar. Leita þarf aftur til febrúar 2011 til að finna meiri samdrátt á sama árstíma.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.