Bílar

Umferð dregst saman á höfuðborgarsvæðinu

Kristinn Ásgeir Gylfason skrifar
Frá Reykjanesbraut. Myndin er úr safni.
Frá Reykjanesbraut. Myndin er úr safni. Vísir/vilhelm

Umferð á höfuðborgarsvæðinu dróst saman um 0,9% í febrúar í ár miðað við febrúar í fyrra skv. mælingum Vegagerðarinnar. Leita þarf aftur til febrúar 2011 til að finna meiri samdrátt á sama árstíma.

Samdráttur í umferð mældist mestur á mælistað á Hafnarfjarðarvegi sunnan Kópavogslækjar, þar varð samdrátturinn 3%. Aukning varð á umferð á mælistað á Vesturlandsvegi fyrir ofan Ártúnsbrekku. Þetta kemur fram í tölum frá Vegagerðinni.

Umferðin á hringveginum jókst örlítið en aukningin varð þó eingöngu við höfuðborgarsvæðið. Vísir/Vegagerðin

Vikudagar
Umferðin á höfuðborgarsvæðinu hefur aukist mest á mánudögum eða um 1,9% en umferðin hefur einnig aukist á þriðjudögum. Samdráttur varð í umferð alla hina dagana og mestur á föstudögum eða um 8,5%. Verkföll hafa sett svip á daglegt líf á höfuðborgarsvæðinu undanfarnar vikur og því ekki útilokað að þau hafi haft áhrif á þessa þróun.

Hringvegurinn
Umferð á hringveginum jókst um 0,4% í febrúar samanborið við sama mánuð í fyrra. Aukningin varð eingöngu við höfuðborgarsvæðið, þar varð aukningin 5,7%. Samdrátturinn á hringveginum varð mestur á milli ára á Norðurlandi, rúm 10%. Veðurfar kann að skýra að einhverju leyti samdráttinn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.