Tónlist

Tæknimenn Ríkísútvarpsins lofaðir og lastaðir eftir gærkvöldið

Vésteinn Örn Pétursson skrifar
Stöðva þurfti flutning Daða í einvíginu vegna tæknivandræða.
Stöðva þurfti flutning Daða í einvíginu vegna tæknivandræða. Skjáskot/RÚV

Tæknivandræði settu svip sinn á úrslitakvöld Söngvakeppni Sjónvarpsins í gærkvöldi, sem leiddi til seinkunnar á útsendingarlokum. Eins og fyrri ár fylgdust margir Íslendingar spenntir með framvindu mála og tístu um það sem fyrir augu bar undir myllumerkinu #12stig. Netverjar höfðu sitt að segja um tæknivandræði gærkvöldsins.

Tæknileg vandamál komu upp þegar Daði og Gagnamagnið fluttu lag sitt aftur í úrslitaeinvíginu og greip RÚV til þess ráðs að stöðva flutninginn stuttu eftir að hann hófst. Vandræðin lögðust misvel í Tístverja. Á meðan sumir sýndu mikinn skilning voru aðrir sem gáfu lítinn afslátt. Nokkur stund leið þangað til að Gagnamagnið fékk að hefja flutning sinn aftur og kom það í hlut kynnana að fylla upp í tímann á meðan. Úr varð að útsendingarlokum seinkaði um minnst tuttugu mínútur ef marka má fyrirliggjandi dagskrá RÚV. Hér að neðan má sjá brot af því sem íslenskir áhorfendur höfðu að segja um málið.

Starkaður Pétursson áhrifavaldur prísaði sig sælan að vera ekki í drykkjuleik.

Magnús Ragnarsson, sjónvarpsstjóri Símans, telur sig vita hvert fyrsta embættisverk nýskipaðs útvarpsstóra verður.

Bryndís finnur til samkenndar með tæknifólki RÚV.



Guðni Halldórsson bað fólk um að taka utan um tæknifólkið.



Eiríkur Jónsson hafði einfaldlega ekki tíma í mikið lengri útsendingu.

Það fór að lokum svo að lögin Almyrkvi með Dimmu og Think About Things með Daða og Gagnamagninu komust í úrslitaeinvígið. Þar höfðu Daði og sveit hans betur, og því verður það lagið Thing About Things sem verður framlag Íslands til Söngvakeppni evrópskra sjónvarpsstöðva, Eurovision, í Rotterdam í maí.






Fleiri fréttir

Sjá meira


×