Bréf litla Man. United stuðningsmannsins virðist nú hafa haft áhrif á Liverpool

Liverpool fer ekki taplaust í gegnum ensku úrvalsdeildina á þessu tímabili en það er ljóst eftir óvæntan skell liðsins á móti Watford um helgina. Þetta var annað tap Liverpool á stuttum tíma og þau hafa bæði komið eftir að Klopp frá bréf frá hinum tíu ára gamla Daragh Curley.

Daragh Curley er tíu ára stuðningsmaður Manchester United sem komst í fréttirnar eftir að hann sendi Jürgen Klopp, knattspyrnustjóra Liverpool, bréf á dögunum og fékk svar til baka.

Daragh Curley var búinn að fá nóg af sigurgöngu Liverpool liðsins á þessari leiktíð og biðlaði til Klopp að fara nú að tapa einhverjum leikjum.  „Liverpool liðið er að vinna alltaf mikið af leikjum. Svo gerðu það láttu Liverpool tapað í næsta leik,“ skrifaði hinn tíu ára gamli Daragh Curley.

Daragh Curley: ‘The next time Liverpool play please make them lose. You should just let the other team score’  

Since then: Atletico 1-0 Liverpool, Watford 3-0 Liverpool ??

Daragh has Klopp on strings https://t.co/azxrBKYmec

— GiveMeSport (@GiveMeSport) March 1, 2020

Liverpool liðið var þá komið með 22 stiga forystu í ensku úrvalsdeildinni og búið að vinna sautján leiki í röð í deildinni.

Klopp sendi stráknum flott svar þar sem hann sagði þó ekki getað orðið við beiðni hans. Liverpool liðið hafi alltaf og muni alltaf spila til sigurs undir hans stjórn. Klopp hughreysti samt strákinn með því að Liverpool myndi örugglega tapa einhverjum leikjum því þannig væri nú bara fótboltinn.

Liverpool tapaði 1-0 í fyrri leik sínum á móti Atletico Madrid í sextán liða úrslitum Meistaradeildarinnar sem fram fór 18. febrúar og tapaði síðan 3-0 á móti Watford í ensku úrvalsdeildinni á laugardaginn.

Á sama tíma hefur Manchester United farið taplaust í gegnum sína leiki. Jafnteflið á móti Everton um helgina var áttundi leikur United í röð án þess að tapa.

Já nú er miklu lengra síðan að Manchester United liðið tapaði en Liverpool. Liverpool menn eru líka búnir að tapa tvisar sinnum síðan að United tapaði síðast.

Liverpool menn hafa samt ekki misst af neinu þrátt fyrir þessi tvö töp. Þeir eiga eftir seinni leikinn á móti Atletico Madrid á heimavelli og eru ennþá með 22 stiga forystu á Manchester City því City liðið var upptekið af því að vinna enska deildabikarinn um helgina.