Vilja byggja stærðarinnar bíó í Arnarhóli Stefán Ó. Jónsson skrifar 22. febrúar 2020 18:45 Svona mætti ímynda sér að Ingólfsbíó lítii út stæði maður ofan á Hafnartorgi. OG arkitektar Óskarsverðlaun Hildar Guðnadóttur endurspegla þörfina fyrir alvöru bíó í miðborg Reykjavíkur að mati tveggja arkitekta, sem hafa teiknað 2400 manna kvikmyndahús inn í Arnarhól. Þótt hugmyndin hljómi kannski brjálæðislega, segja þeir hana mjög vel framkvæmanlega. Arkitektarnir Sigurður Gústafsson og Garðar Guðnason hafa þurrkað rykið af teikningum sínum fyrir það sem þeir kalla Ingólfsbíó, í höfuðið á Ingólfi Arnarsyni sem stendur efst á Arnarhóli. Hugmyndin á rætur að rekja allt til upphafs tíunda áratugarins þegar Garðar vann sambærilegar hugmyndir í Svíþjóð, sem hann segir hafa sýnt fram á möguleikann á Ingólfsbíói. „Þegar maður fór að skoða þetta raunverulega þá sér maður að þetta er alveg hægt. Hví ekki að nota allt rýmið sem er undir Arnarhóli? Þetta er gríðarlegt pláss og maður þarf ekki að eyðileggja neitt, bara rétt fara inn í hólinn,“ segir Garðar. Kvikmyndahús sé enda þess eðlis, það þurfi enga glugga til að hleypa birtu inn og því sé eina raskið á útliti hólsins fólgið í inn- og neyðarútgöngum. „Þetta er líka tæknilega fullkomlega raunhæft," segir Sigurður. „Íslendingar eru vanir að byggja alls konar neðanjarðarbyggingar uppi á fjöllum og ekki er það erfiðara hér," bætir Sigurður við og Garðar tekur í sama streng. „Þetta er í rauninni ekkert mál." Horft á Ingólfsbíó frá Lækjargötu.og arkitektar 12 salir sem nýtist öðrum Þeir gangast við því að hugmyndin kunni að hljóma brjálæðisleg en vísa þá til bygginganna sem risið hafa allt í kringum Arnarhól á þeim árum sem liðin eru frá því að hugamyndin fæddist: Hafnartorg, Harpa, Marriott hótelið og gríðarstórir bílastæðakjallarar. Það að grafa inn í vesturhlið Arnarhóls sé í þeim samanburði lítið mál, raskið sé alla vega töluvert minna. „Þetta er algjör dvergur miðað við það. Miklu minna inngrip í bæinn.“ Það verður þó ekki annað sagt en að innvolsi Arnarhóls verði gjörbreytt. Teikningar Sigurðar og Garðars gera ráð fyrir alls 12 kvikmyndasölum; sex 100 manna sölum, fjórum 200 manna sölum og tveimur 500 manna sölum. Aðspurðir hvort þörf sé á öllu þessu flæmi, sérstaklega í ljósi þess að Harpa hefur risið hinum megin við götuna, segja þeir að kvikmyndahúsið myndi tvímælalaust styrkja Hörpu og aðra starfsemi í miðborginni. Það myndi auka möguleika á fjölbreyttu ráðstefnuhaldi auk þess sem það myndi bæta nýju kennileiti í borgarmyndina. Sneiðmynd af Ingólfsbíói.Og arkitektar „Það myndi styrkja ímynd og ásýnd þjóðarinnar að hafa glæsilegt kvikmyndahús í miðborginni,“ segir Garðar auk þess sem Sigurður bendir á að aðstaðan myndi nýtast vel fyrir allar þær kvikmyndahátíðir sem haldnar eru á Íslandi á hverju ári. „Þetta myndi efla miðborgina sem menningarlegan kjarna Reykjavíkur.“ Afrek Hildar Guðnadóttur hafi jafnframt varpað enn einu ljósinu á það hversu langt Íslendingar eru komnir í kvikmyndagerð. Það sé því hálf „aumt“ að mati Garðars að þjóðin eigi ekki glæsilegt kvikmyndahús í miðborginni. Ekki bæti úr skák að framtíð síðasta kvikmyndahúss miðborgarinnar, Bíó Paradís, er í lausu lofti. Teikningarnar gera ráð fyrir 12 sölum með sætum fyrir allt að 2400 manns. Þeir segja að Arnarhóll rúmi enn meiri fjölda.og arkitektar Þar að auki gæti starfsemi bíós aukið nýtingu á þeim gríðarstóru bílastæðahúsum sem risið hafa allt í kringum Arnarhól. Bílastæðin við Seðlabankann, undir Hörpu og Hafnartorgi, séu alla jafna lítið notuð á kvöldin og því ættu kvikmyndagestir ekki að eiga í vandræðum með samgöngur. Þeir segja líka skemmtilega tilhugsun að búa til lifandi rými úr hæð eins og Arnarhóli, það eigi sér t.a.m. vísun í íslenska sagnahefð. „Þetta yrði eins konar álfabyggð,“ segir Sigurður. Aðspurðir segjast þeir Sigurður og Garðar ekki viss um það hvort þeir munu fara þess formlega á leit við borgina að taka hugmynd þeirra um Ingólfsbíó til skoðunar. Þeir telja það þó umræðunnar virði að kynna þessa hugmynd fyrir landsmönnum, enda telja þeir kosti hennar margvíslega eins og áður hefur verið drepið á. Bíó og sjónvarp Reykjavík Skipulag Mest lesið Skólamál í Kópavogi: Bókun eftir bókun á fundi bæjarstjórnar Innlent Hafna „órökstuddum fullyrðingum“ Sigurðar Inga Innlent Sé hægt að gera byltingu í íslensku heilbrigðiskerfi Innlent Menningarráðherra skipaði son heilbrigðisráðherra í formannsstörf Innlent Rýnt í stöðuna í Úkraínu: Friður enn fjarlægur og Trump missir móðinn Erlent Glímdi við veikindi fyrir andlátið sem breyttu persónuleika hans Innlent Gátu ekki opnað hraðbankann þrátt fyrir ítrekaðar tilraunir Innlent Bylting framundan en Landspítalinn þurfi að hlaupa hraðar Innlent Innbrot og menn til ama á útivistarsvæði Innlent Stefna Open AI vegna sjálfsvígs sonarins Erlent Fleiri fréttir Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Sjá meira
Óskarsverðlaun Hildar Guðnadóttur endurspegla þörfina fyrir alvöru bíó í miðborg Reykjavíkur að mati tveggja arkitekta, sem hafa teiknað 2400 manna kvikmyndahús inn í Arnarhól. Þótt hugmyndin hljómi kannski brjálæðislega, segja þeir hana mjög vel framkvæmanlega. Arkitektarnir Sigurður Gústafsson og Garðar Guðnason hafa þurrkað rykið af teikningum sínum fyrir það sem þeir kalla Ingólfsbíó, í höfuðið á Ingólfi Arnarsyni sem stendur efst á Arnarhóli. Hugmyndin á rætur að rekja allt til upphafs tíunda áratugarins þegar Garðar vann sambærilegar hugmyndir í Svíþjóð, sem hann segir hafa sýnt fram á möguleikann á Ingólfsbíói. „Þegar maður fór að skoða þetta raunverulega þá sér maður að þetta er alveg hægt. Hví ekki að nota allt rýmið sem er undir Arnarhóli? Þetta er gríðarlegt pláss og maður þarf ekki að eyðileggja neitt, bara rétt fara inn í hólinn,“ segir Garðar. Kvikmyndahús sé enda þess eðlis, það þurfi enga glugga til að hleypa birtu inn og því sé eina raskið á útliti hólsins fólgið í inn- og neyðarútgöngum. „Þetta er líka tæknilega fullkomlega raunhæft," segir Sigurður. „Íslendingar eru vanir að byggja alls konar neðanjarðarbyggingar uppi á fjöllum og ekki er það erfiðara hér," bætir Sigurður við og Garðar tekur í sama streng. „Þetta er í rauninni ekkert mál." Horft á Ingólfsbíó frá Lækjargötu.og arkitektar 12 salir sem nýtist öðrum Þeir gangast við því að hugmyndin kunni að hljóma brjálæðisleg en vísa þá til bygginganna sem risið hafa allt í kringum Arnarhól á þeim árum sem liðin eru frá því að hugamyndin fæddist: Hafnartorg, Harpa, Marriott hótelið og gríðarstórir bílastæðakjallarar. Það að grafa inn í vesturhlið Arnarhóls sé í þeim samanburði lítið mál, raskið sé alla vega töluvert minna. „Þetta er algjör dvergur miðað við það. Miklu minna inngrip í bæinn.“ Það verður þó ekki annað sagt en að innvolsi Arnarhóls verði gjörbreytt. Teikningar Sigurðar og Garðars gera ráð fyrir alls 12 kvikmyndasölum; sex 100 manna sölum, fjórum 200 manna sölum og tveimur 500 manna sölum. Aðspurðir hvort þörf sé á öllu þessu flæmi, sérstaklega í ljósi þess að Harpa hefur risið hinum megin við götuna, segja þeir að kvikmyndahúsið myndi tvímælalaust styrkja Hörpu og aðra starfsemi í miðborginni. Það myndi auka möguleika á fjölbreyttu ráðstefnuhaldi auk þess sem það myndi bæta nýju kennileiti í borgarmyndina. Sneiðmynd af Ingólfsbíói.Og arkitektar „Það myndi styrkja ímynd og ásýnd þjóðarinnar að hafa glæsilegt kvikmyndahús í miðborginni,“ segir Garðar auk þess sem Sigurður bendir á að aðstaðan myndi nýtast vel fyrir allar þær kvikmyndahátíðir sem haldnar eru á Íslandi á hverju ári. „Þetta myndi efla miðborgina sem menningarlegan kjarna Reykjavíkur.“ Afrek Hildar Guðnadóttur hafi jafnframt varpað enn einu ljósinu á það hversu langt Íslendingar eru komnir í kvikmyndagerð. Það sé því hálf „aumt“ að mati Garðars að þjóðin eigi ekki glæsilegt kvikmyndahús í miðborginni. Ekki bæti úr skák að framtíð síðasta kvikmyndahúss miðborgarinnar, Bíó Paradís, er í lausu lofti. Teikningarnar gera ráð fyrir 12 sölum með sætum fyrir allt að 2400 manns. Þeir segja að Arnarhóll rúmi enn meiri fjölda.og arkitektar Þar að auki gæti starfsemi bíós aukið nýtingu á þeim gríðarstóru bílastæðahúsum sem risið hafa allt í kringum Arnarhól. Bílastæðin við Seðlabankann, undir Hörpu og Hafnartorgi, séu alla jafna lítið notuð á kvöldin og því ættu kvikmyndagestir ekki að eiga í vandræðum með samgöngur. Þeir segja líka skemmtilega tilhugsun að búa til lifandi rými úr hæð eins og Arnarhóli, það eigi sér t.a.m. vísun í íslenska sagnahefð. „Þetta yrði eins konar álfabyggð,“ segir Sigurður. Aðspurðir segjast þeir Sigurður og Garðar ekki viss um það hvort þeir munu fara þess formlega á leit við borgina að taka hugmynd þeirra um Ingólfsbíó til skoðunar. Þeir telja það þó umræðunnar virði að kynna þessa hugmynd fyrir landsmönnum, enda telja þeir kosti hennar margvíslega eins og áður hefur verið drepið á.
Bíó og sjónvarp Reykjavík Skipulag Mest lesið Skólamál í Kópavogi: Bókun eftir bókun á fundi bæjarstjórnar Innlent Hafna „órökstuddum fullyrðingum“ Sigurðar Inga Innlent Sé hægt að gera byltingu í íslensku heilbrigðiskerfi Innlent Menningarráðherra skipaði son heilbrigðisráðherra í formannsstörf Innlent Rýnt í stöðuna í Úkraínu: Friður enn fjarlægur og Trump missir móðinn Erlent Glímdi við veikindi fyrir andlátið sem breyttu persónuleika hans Innlent Gátu ekki opnað hraðbankann þrátt fyrir ítrekaðar tilraunir Innlent Bylting framundan en Landspítalinn þurfi að hlaupa hraðar Innlent Innbrot og menn til ama á útivistarsvæði Innlent Stefna Open AI vegna sjálfsvígs sonarins Erlent Fleiri fréttir Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Sjá meira