Lífið

Harmrænt lífshlaup Gunnars Valdimarssonar

Stefán Árni Pálsson skrifar
Gunnar býr í dag í Osló og elur upp börnin sín tvö ásamt barnsmóður sinni.
Gunnar býr í dag í Osló og elur upp börnin sín tvö ásamt barnsmóður sinni. vísir/vilhelm

Gunnar Valdimarsson er helst þekktur fyrir hæfileika sína á sviði húðflúrunar. Hann hefur flúrað nokkra íslenska landsliðsmenn og fleiri þekkta en staðið utan við sviðsljósið. Saga Gunnars er aftur á móti þyrnum stráð og litast af áföllum sem á hann hafa dunið.

Gunnar er gestur vikunnar í Einkalífinu en þar ræðir hann foreldramissi og skilnað.

Í október 2017 féll móðir hans frá eftir baráttu við krabbamein og á sama tímabili stóð hann í skilnaði við barnsmóður sína. Fyrrverandi eiginkona Gunnars hefur nú fundið ástina með annarri konu. Í dag ala þau Gunnar börnin sín tvö upp saman en hvort í sínu lagi í Osló.

„Mamma hringir í mig og segir: Gunnar, ég er komin með krabbamein. Og það var einhvern veginn hvernig hún sagði það, svona kæruleysislega sem fékk mig til að hafa litlar áhyggjur til að byrja með. Hún endar síðan símtalið að segja mér að læknar telji að hún eigi aðeins eitt ár eftir,“ segir Gunnar og lýsir símtalinu sem mjög súrrealísku.

Gunnar er búsettur í Osló í Noregi og ákveður þarna að fara strax til Íslands. Varði hann miklum tíma með móður sinni og náði að kynnast henni enn betur.

„Síðan fer ég á tattoo-ráðstefnu erlendis þegar systir mín hringir í mig og segir mér að drífa mig heim strax,“ segir Gunnar.

Hann varð að koma sér til Húsavíkur eins fljótt og hann gat.

„Þegar ég lendi í Keflavík hringir systir mín aftur og segir að ég verði bara að koma alveg strax. Þá á ég flug til Húsavíkur stuttu seinna og ég fer í það flug. Þegar ég lendi á flugvellinum í Húsavík kemur maður systur minnar og tekur á móti mér. Maður sem er ofboðslega hress og alltaf miklir fagnaðarfundir þegar við hittumst. Hann segir mér þarna að mamma hafi dáið fyrir klukkutíma síðan, þegar ég er að fara um borð í vélina í Reykjavík.“

Eftir jarðaförina flýgur Gunnar aftur heim til Noregs og þarf þá að takast á við skilnað við þáverandi eiginkonu sína. Saman eiga þau tvö börn og upplifði Gunnar mikla skömm í kringum skilnaðinn.

„Þetta var alls ekki þannig að ég hafi komið heim úr jarðaförinni og hún hafi staðið með ferðatöskuna og sagt bless. Það var kannski kominn tími á þetta og það er oft þannig í lífinu að þegar fólk upplifir áföll fer það að hugsa sig um.“

Í þættinum hér að ofan ræðir Gunnar einnig um húðflúraferil sinn og sérstakt samband sitt við íslenska landsliðsmenn í knattspyrnu. Sömuleiðis um skömmina sem honum fannst fylgja skilnaðinum, um erfitt samband við föður sinn, um lífið í Noregi þar sem hann elur börnin sín tvö upp með barnsmóður sinni og kærustu hennar og ást sína á tónlist. Gunnar stofnaði á dögunum sveitina Gunnar the fifth sem er tilvísun í ítrekaðan misskilning varðandi nafn hans erlendis.


Tengdar fréttir

„Lífið er ekki sanngjarnt“

Fyrirlesarinn Alda Karen Hjaltalín hefur vekið mikla athygli fyrir fyrirlestra sína undanfarin ár og þá aðallega fyrir fyrirlestraröðina Life Masterclass.

Er alls engin glanspía

"Að vera kona fótboltamanns er oft glansmynd og glamúrlíf og allt þetta en ég er bara alls ekki þar,“ segir athafnarkonan Kristbjörg Jónasdóttir sem býr í Katar ásamt eiginmanni sínum Aroni Einari Gunnarssyni landsliðsfyrirliða.

Lygileg saga frá Steinda

Í jólaþætti Einkalífsins sagði Steinþór Hróar Steinþórsson heldur betur sérstaka sögu þegar hann var spurður út í eftirminnilegustu jólaminninguna.

„Maður gleymir ekki svona hlutum, en lærir að lifa með þeim“

Fjölmiðlamaðurinn Auðunn Blöndal hefur verið í bransanum í um tuttugu ár og hefur gjörsamlega slegið í gegn á sínu sviði. Auddi er nýorðinn faðir og er hann gestur Einkalífsins í þessari viku en eins og margir vita er hann einn þekktasti maður landsins og segist samt sem áður ekki finna mikið fyrir því.

Skilnaðurinn styrkti sambandið

Frosti Logason hefur starfað á X-inu í tuttugu ár eða frá árinu 1999. Hann sló í gegn í rokksveitinni Mínus á sínum tíma og er að gera góða hluti í Íslandi í dag á Stöð 2 um þessar mundir. Frosti er gestur vikunnar í Einkalífinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.